Innlent

Tugmilljóna tölvubúnaði stolið úr gagnaveri

Tryggvi Páll Tryggvason skrifar
Innbrotið átt sér stað í Ásbrú í Reykjanesbæ.
Innbrotið átt sér stað í Ásbrú í Reykjanesbæ. Vísir

Tölvubúnaði að verðmæti um 20 milljónir króna var stolið úr húsnæði að Heiðartröð í Ásbrú í Reykjanesbæ aðfaranótt 6. desember.

Í tilkynningu frá lögreglustjóranum á Suðurnesjum segir að í húsnæðinu hafi verið að setja upp gagnaver. Var búnaðinum sem stolið var ætlaður til starfsemi gagnaversins.

Um er að ræða 600 skjákort, 100 aflgjafa, 100 móðurborð, 100 minniskubba og 100 örgjörva og að sögn lögreglu er um nýjan búnað að ræða.

Sá eða þeir sem þarna voru að verki höfðu komist inn í gegnum lítið gat á norðurgafli hússins en fyrir það hafði verið fest spónaplata. Innbrotið átti sér stað á tímabilinu átta að kvöldi þriðjudagsins 5. desember til klukkan tíu mínútur yfir níu morguninn eftir.

Einnig var farið í aðra byggingu í nágrenninu og þaðan stolið nokkru af tölvubúnaði.

Lögreglan á Suðurnesjum rannsakar málið og biður þá sem kunna að búa yfir upplýsingum um það, að hafa samband í síma 4442200. Jafnframt að koma upplýsingum á framfæri sé verið að bjóða til sölu nýjan tölvubúnað samanber ofangreint.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.