Körfubolti

Helena með tröllaþrennu í sigri Hauka

Borgnesingar áttu engin svör við stórleik Helenu í dag.
Borgnesingar áttu engin svör við stórleik Helenu í dag. vísir/ernir

Helena Sverrisdóttir átti hreint út sagt frábæran leik í 84-63 sigri Hauka gegn Skallagrími á Ásvöllum í dag en hún var með þrefalda tvennu og alls 46 framlagspunkta.

Haukakonur settu tóninn snemma og leiddu með sextán stigum í hálfleik en þeim tókst aðeins að bæta við það í seinni hálfleik.

Helena fór fyrir sínu liði með 23 stig, 16 fráköst og 15 stoðsendingar með 56% skotnýtingu en hún leiddi liðið í þessum þremur tölfræðiflokkum.

Carmen Tyson-Thomas var atkvæðamest í liði gestanna með 33 stig og 17 fráköst en hún hitti aðeins úr 30% skota sinna.

Í Garðabæ tókst Valskonum að halda vel aftur af Danielle Rodriguez og unnu um leið fjórtán stiga sigur á Stjörnunni 65-51. Með sigrinum tókst Valskonum að halda fjögurra stiga forskoti á toppi deildarinnar yfir áramót.

Í Njarðvík voru það Keflvíkingar sem tóku stigin þrjú í grannaslagnum, 80-73 fyrir Keflavík en eftir að hafa leitt með nítján stigum um tíma gáfu Keflvíkingar aðeins eftir í lokaleikhlutanum og Njarðvíkingar náðu að laga stöðuna.

Þá gerðu Blikar sér góða ferð á Stykkishólm og sóttu nauman fimm stiga sigur á heimavöll Snæfells en leiknum lauk með fimm stiga sigri gestanna.

Leikir dagsins:

Haukar 84-63 Skallagrímur
Njarðvík 73-80 Keflavík
Snæfell 66-71 Breiðablik
Stjarnan 51-65 Valur



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.