Fimmtíu ár frá því að forsætisráðherra Ástralíu stakk sér til sunds og sást aldrei framar Tryggvi Páll Tryggvason skrifar 17. desember 2017 13:30 Einu ummerkin um Harold Holt sem fundust á ströndinni voru fötin sem hann skildi eftir sig. Fimmtíu ár eru í dag liðin frá því að Harold Holt, þáverandi forsætisráðherra Ástralíu, stakk sér til sunds við Cheviot-strönd í grennd við Melbourne. Hann sást aldrei framar og lík hans fannst aldrei.Ítarlega er fjallað um tímamótin á vef CNN. Þar segir að langur og farsæll stjórnmálaferill Holt hafi fallið algjörlega í skuggann á því hvernig hann hvarf og vangaveltum tengdum því. Talið er að hann hafi drukknað og var minningarathöfn haldin þar sem margir af helstu leiðtogum þjóðríkja heimsins létu sjá sig, þar á meðal Lyndon B. Johnson, þáverandi forseta Bandaríkjanna.Vinsæll stjórnmálamaður Holt tók við embætti í janúar árið 1966, tæplega tveimur árum áður en hann hvarf og í samtali við CNN segir John Warhurst, prófessor í stjórnmálafræði, að sé litið til baka hafi hann verið fyrsti nútímalegi forsætisráðherra Ástralíu. Í umfjöllun CNN er helstu afrek hans sem forsætisráðherra tíunduð, þar á meðal að hafa staðið fyrir því að Ástralía tók upp dollar í stað punda. Þá hafi hann einnig verið fyrsti forsætisráðherrann sem beitti sér fyrir réttindum frumbyggja Ástralíu. Þá vann hann að því að binda enda á stefnu ástralska yfirvalda um að takmarka innflutning fólks frá löndum öðrum en Evrópulöndum, auk þess sem hann efldi samskipti Ástrala við helstu nágrannaríki í Asíu. Þá byggði hann upp sterkt samband Ástralíu og Bandaríkjanna sem lifir enn þann dag í dag en hann og Lyndon B. Johnson urðu nánir vinir.Holt þótti vinsæll stjórnmálamaður.Vísir/GettyEn hvernig hvarf hann? Sunnudaginn 17. desember árið1967 ákvað Holt að fá sér göngutúr á ströndinni í grennd við orlofsíbúð hans. Holt var sterklega byggður sem hafði áhuga á köfun. Fór hann á ströndina ásamt vinkonu sinni og nokkrum gestum hans. Skömmu áður hafði Holt hins vegar farið í aðgerð á öxl og hafði honum verið ráðlagt af læknum að taka því rólega eftir aðgerðina. Svo virðist sem hann hafi ekki hlýtt þeim fyrirmælum enda fór hann í tennis deginum áður og stakk hann sér svo til sunds í strandferðinni. Vitni sögðu lögreglu síðar að mikill öldugangur hafi verið á ströndinni umræddan dag en það virðist ekki hafa komið í veg fyrir sundferð Holt. Vitni lýstu því hvernig hann hafi alltaf synt lengra og lengra þangað til hann hafi einfaldlega horfið. „Ég þekki þessa strönd eins og lófann á mér,“ er eitt af því síðasta sem Holt er sagður hafa sagt við félaga sína á ströndinni. Hann sást aldrei framar.Vitni bendir á staðinn þar sem það sá Holt síðast.Vísir/GettyFlugumaður Sovétríkjanna eða kínverskur njósnari? Fregnirnar af hvarfi forsætisráðherrans slógu Ástrala og var gerð ítarleg leit að honum eða líki hans í sjónum við ströndina. Allt að 300 manns komu að leitinni sem var formlega hætt 5. janúar 1968. Það eina sem fannst voru fötin sem hann skildi eftir sig á ströndinni. Ýmsar sögusagnir og samsæriskenningar um hvarf forsætisráðherrans litu dagsins ljós. Sumir fjölmiðlar töldu líklegt að Holt hefði framið sjálfsmorð, annað hvort vegna álags í starfi eða vegna þess að hann hafi verið í öngum sínum vegna erfiðs hjónabands. Villtustu samsæriskenningarnar snerust um það að erlent ríki hefði átt hlut að máli, að annaðhvort sovéskir eða kínverskir flugumenn hefðu numið hann á brot. Þá var einnig gefin út bók þar sem því var haldið fram að Holt hefði verið kínverskur njósnari og hann hafi, þennan örlaríka dag, flúið Ástralíu um borð í kínverskum kafbáti. „Einfaldasta útskýringin er þó sú að hann hafi einfaldlega drukknað,“ segir Jim Frame, höfundur ævisögu Holt. Ástæður sögusagnanna og samsæriskenninganna hafi verið sú að á þessum tíma hafi fólk einfaldlega ekki trúað því að forsætisráðherrar gætu dáið undir þeim kringumstæðum sem urðu Holt að bana.Ítarlega umfjöllun CNN má lesa hér. Mest lesið Áfall þegar samskipti Katrínar og Kára voru birt Innlent Þekkir dæmi um endalaus uppköst og garnalömun vegna lyfjanna Innlent Konurnar hafi gert allt til að setja ekki svartan blett á starfsemina Innlent Bæjarstjóri sakaður um að vera njósnari: „Enginn veit hver hún er“ Erlent Forsetavaktin 2024: Hver verður sjöundi forseti lýðveldisins? Innlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Gular viðvaranir víðs vegar um landið Veður Færeyingar draga í land með ferðamannaskatt Erlent Segir alvarlegt hvernig Katrín tjáði sig um Persónuvernd Innlent Fleiri fréttir Íranski forsetinn í óljósu þyrluslysi Færeyingar draga í land með ferðamannaskatt Bæjarstjóri sakaður um að vera njósnari: „Enginn veit hver hún er“ Gantz hótar að segja af sér vegna ósættis við Netanjahú Ástand Fico enn alvarlegt Býst við aukinni sókn Rússa Beitti neitunarvaldi gagnvart umdeildum fjölmiðlalögum Myndband sýnir árás Diddy Færeyingar felldu frumvarp um fóstureyðingar Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Sjá meira
Fimmtíu ár eru í dag liðin frá því að Harold Holt, þáverandi forsætisráðherra Ástralíu, stakk sér til sunds við Cheviot-strönd í grennd við Melbourne. Hann sást aldrei framar og lík hans fannst aldrei.Ítarlega er fjallað um tímamótin á vef CNN. Þar segir að langur og farsæll stjórnmálaferill Holt hafi fallið algjörlega í skuggann á því hvernig hann hvarf og vangaveltum tengdum því. Talið er að hann hafi drukknað og var minningarathöfn haldin þar sem margir af helstu leiðtogum þjóðríkja heimsins létu sjá sig, þar á meðal Lyndon B. Johnson, þáverandi forseta Bandaríkjanna.Vinsæll stjórnmálamaður Holt tók við embætti í janúar árið 1966, tæplega tveimur árum áður en hann hvarf og í samtali við CNN segir John Warhurst, prófessor í stjórnmálafræði, að sé litið til baka hafi hann verið fyrsti nútímalegi forsætisráðherra Ástralíu. Í umfjöllun CNN er helstu afrek hans sem forsætisráðherra tíunduð, þar á meðal að hafa staðið fyrir því að Ástralía tók upp dollar í stað punda. Þá hafi hann einnig verið fyrsti forsætisráðherrann sem beitti sér fyrir réttindum frumbyggja Ástralíu. Þá vann hann að því að binda enda á stefnu ástralska yfirvalda um að takmarka innflutning fólks frá löndum öðrum en Evrópulöndum, auk þess sem hann efldi samskipti Ástrala við helstu nágrannaríki í Asíu. Þá byggði hann upp sterkt samband Ástralíu og Bandaríkjanna sem lifir enn þann dag í dag en hann og Lyndon B. Johnson urðu nánir vinir.Holt þótti vinsæll stjórnmálamaður.Vísir/GettyEn hvernig hvarf hann? Sunnudaginn 17. desember árið1967 ákvað Holt að fá sér göngutúr á ströndinni í grennd við orlofsíbúð hans. Holt var sterklega byggður sem hafði áhuga á köfun. Fór hann á ströndina ásamt vinkonu sinni og nokkrum gestum hans. Skömmu áður hafði Holt hins vegar farið í aðgerð á öxl og hafði honum verið ráðlagt af læknum að taka því rólega eftir aðgerðina. Svo virðist sem hann hafi ekki hlýtt þeim fyrirmælum enda fór hann í tennis deginum áður og stakk hann sér svo til sunds í strandferðinni. Vitni sögðu lögreglu síðar að mikill öldugangur hafi verið á ströndinni umræddan dag en það virðist ekki hafa komið í veg fyrir sundferð Holt. Vitni lýstu því hvernig hann hafi alltaf synt lengra og lengra þangað til hann hafi einfaldlega horfið. „Ég þekki þessa strönd eins og lófann á mér,“ er eitt af því síðasta sem Holt er sagður hafa sagt við félaga sína á ströndinni. Hann sást aldrei framar.Vitni bendir á staðinn þar sem það sá Holt síðast.Vísir/GettyFlugumaður Sovétríkjanna eða kínverskur njósnari? Fregnirnar af hvarfi forsætisráðherrans slógu Ástrala og var gerð ítarleg leit að honum eða líki hans í sjónum við ströndina. Allt að 300 manns komu að leitinni sem var formlega hætt 5. janúar 1968. Það eina sem fannst voru fötin sem hann skildi eftir sig á ströndinni. Ýmsar sögusagnir og samsæriskenningar um hvarf forsætisráðherrans litu dagsins ljós. Sumir fjölmiðlar töldu líklegt að Holt hefði framið sjálfsmorð, annað hvort vegna álags í starfi eða vegna þess að hann hafi verið í öngum sínum vegna erfiðs hjónabands. Villtustu samsæriskenningarnar snerust um það að erlent ríki hefði átt hlut að máli, að annaðhvort sovéskir eða kínverskir flugumenn hefðu numið hann á brot. Þá var einnig gefin út bók þar sem því var haldið fram að Holt hefði verið kínverskur njósnari og hann hafi, þennan örlaríka dag, flúið Ástralíu um borð í kínverskum kafbáti. „Einfaldasta útskýringin er þó sú að hann hafi einfaldlega drukknað,“ segir Jim Frame, höfundur ævisögu Holt. Ástæður sögusagnanna og samsæriskenninganna hafi verið sú að á þessum tíma hafi fólk einfaldlega ekki trúað því að forsætisráðherrar gætu dáið undir þeim kringumstæðum sem urðu Holt að bana.Ítarlega umfjöllun CNN má lesa hér.
Mest lesið Áfall þegar samskipti Katrínar og Kára voru birt Innlent Þekkir dæmi um endalaus uppköst og garnalömun vegna lyfjanna Innlent Konurnar hafi gert allt til að setja ekki svartan blett á starfsemina Innlent Bæjarstjóri sakaður um að vera njósnari: „Enginn veit hver hún er“ Erlent Forsetavaktin 2024: Hver verður sjöundi forseti lýðveldisins? Innlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Gular viðvaranir víðs vegar um landið Veður Færeyingar draga í land með ferðamannaskatt Erlent Segir alvarlegt hvernig Katrín tjáði sig um Persónuvernd Innlent Fleiri fréttir Íranski forsetinn í óljósu þyrluslysi Færeyingar draga í land með ferðamannaskatt Bæjarstjóri sakaður um að vera njósnari: „Enginn veit hver hún er“ Gantz hótar að segja af sér vegna ósættis við Netanjahú Ástand Fico enn alvarlegt Býst við aukinni sókn Rússa Beitti neitunarvaldi gagnvart umdeildum fjölmiðlalögum Myndband sýnir árás Diddy Færeyingar felldu frumvarp um fóstureyðingar Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Sjá meira