Viðskipti innlent

Fyrsta fiskiskip landsins sem knúið er af rafmótor sigldi til Reykjavíkur

Atli Ísleifsson skrifar
Stormur er 45 metra langur, um þúsund brúttólestir og tekur allt að 400 tonn af frystri afurð í lest.
Stormur er 45 metra langur, um þúsund brúttólestir og tekur allt að 400 tonn af frystri afurð í lest. Aton

Fyrsta fiskiskipið sem knúið er af rafmótor sigldi til Reykjavíkurhafnar í gær. Skipið, Stormur HF 294, er nýtt línu- og netaskip útgerðarinnar Stormur Seafood, en það er fyrsta fiskiskipið á Íslandi sem drifið er af rafmótor og fyrsta nýsmíði í línuskipaflota landsmanna í sextán ár.

Frá þessu segir í fréttatilkynningu frá Aton. Komi skipið frá pólsku borginni Gdansk en smíði skipsins tók um tvö ár.

Steindór  Sigurgeirsson, aðaleigandi Storms Seafood, segir í samtali við Vísi að skipið sé „dísil-rafknúið“ (e. diesel-electric) þar sem skrúfubúnaðurinn sé knúinn af rafmótor. „En til að drífa rafmótorinn þurfum við orku og hana fáum við með dísil. Á móti kemur það að við getum haft vélauppsetninga öðruvísi sem sparar umtalsvert af orku. Við teljum að við séum með helmingi minni orkunotkun en sambærilegur bátur,“ segir Steindór. 

Hann segir að mikilvægt sé að fleiri aðilar í sjávarútveginum líti til kaupa á skipum líkt og þessu sem sé afar umhverfisvænn kostur. Segir hann að sjávarútvegurinn þurfi í heild að huga betur að loftslagsmálum.

„Stormur er 45 metra langur, um þúsund brúttólestir og tekur allt að 400 tonn af frystri afurð í lest,“ segir í tilkynningunni.

Texta og fyrirsögn hefur verið breytt.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,81
45
579.947
HAGA
1,26
17
196.221
GRND
0,99
9
132.365
EIM
0,78
12
143.123
SIMINN
0,7
10
227.493

Mesta lækkun dagsins


Félag
Br.%
Fjöldi
Velta*
N1
-1,2
4
96.398
SKEL
-1,07
4
109.235
MARL
-0,85
24
635.463
REITIR
-0,44
6
11.612
REGINN
-0,19
8
118.204