Tónlist

Ed Sheeran og Aron Can vinsælastir á Íslandi

Hulda Hólmkelsdóttir skrifar
Íslendingar hlustuðu mest á Ed Sheeran og Aron Can á árinu sem er að líða.
Íslendingar hlustuðu mest á Ed Sheeran og Aron Can á árinu sem er að líða. Vísir

Ed Sheeran er ótvíræður konungur streymisveitunnar Spotify árið 2017 samkvæmt árslistum sem birtir voru í gær. Sheeran er vinsælasti listamaðurinn, vinsælasti karllistamaðurinn og hann á vinsælasta lagið, Shape of You.

Sumarslagarinn Despacito fylgir þar fast á hæla Sheeran en nær þó ekki að velta honum úr sessi.

Sheeran er einnig vinsælasti listamaðurinn hjá íslenskum notendum Spotify. Fast á hæla hans fylgir rapparinn Aron Can og nýliðarnir JóiPé og Króli næla sér í þriðja sætið. Kanadíski rapparinn Drake er svo í fjórða sæti og Emmsjé Gauti er næsti listmaðuar á lista.

Athygli vekur að konur eru ekki mjög sýnilegar á topp listum, hvorki hér heima né þegar litið er á heimslistann. Kona sést fyrst í ellefta sæti íslenska listans í laginu Neinei með Áttunni þar sem Sonja Valdín syngur. Næst sést kona í fimmtánda sæti. Það er Taylor Swift ásamt Zayn í laginu I Don‘t Wanna Live forever. Í 21. og 22. sæti sjást svo Selena Gomez og Zara Larsson, báðar koma þær fram með öðrum listamönnum. 

Á heimslistanum er Taylor Swift ásamt Zayn fyrsta konan sem sést á listanum í tíunda sæti. Alessia Cara er í því þrettánda ásamt Zedd. Næsta konan á listanum er söngkonan Anne-Marie ásamt hljómsveitinni Clean Bandit og rapparanum Sean Paul í 19. sæti og þar á eftir er Julia Michales í 26. sæti.

Vinsælustu listamennirnir (Ísland)
Ed Sheeran
Aron Can
JóiPéxKróli
Drake
Emmsjé Gauti

Vinsælustu lögin (Ísland)
Despacito Remix – Luis Fonsi, Daddy Yankee, Justin Bieber
Shape of You – Ed Sheeran
Fullir Vasar – Aron Can
Ég vil það – JóiPé og Chase
B.O.B.A – JóiPéxKróli

Vinsælustu listamennirnir
Ed Sheeran
Drake
The Weeknd
Kendrick Lamar
The Chainsmokers

Vinsælustu konurnar:
Rihanna
Taylor Swift
Selena Gomez
Ariana Grande
Sia

Vinsælustu karlarnir:
Ed Sheeran
Drake
The Weeknd
Kendrick Lamar
The Chainsmokers

Vinsælustu hljómsveitirnar:
Coldplay
Imagine Dragons
Maroon 5
Linkin Park
Migos

Vinsælustu lögin (allur heimurinn)
Shape of You – Ed Sheeran
Despacito Remix – Luis Fonsi, Daddy Yankee, Justin Bieber
Despacito (Featuring Daddy Yankee) – Luis Fonsi, Daddy Yankee
Something Just Like This – The Chainsmokers, Coldplay
I‘m the One – DJ Khaled, Justin Bieber, Quavo, Chance The Rapper, Lil Wayne



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira