Llorente opnaði markareikning sinn hjá Tottenham í fjarveru Kane

Óskar Ófeigur Jónsson skrifar
Fernando Llorente fagnar marki sínu.
Fernando Llorente fagnar marki sínu. Vísir/Getty

Fernando Llorente skoraði sitt fyrsta mark fyrir Tottenham í 3-0 sigri á Apoel á Wembley í lokaleik liðsins í riðlakeppni Meistaradeildarinnar.

Tottenham var búið að vinna riðilinn fyrir leikinn en þessi sigur þýðir að liðið fékk sextán stig af átján mögulegum í riðlakeppninni.

Mauricio Pochettino, knattspyrnustjóri Tottenham, gerði átta breytingar á byrjunarliði sínu og menn eins og Harry Kane og Christian Eriksen fengu frí. Michel Vorm, Serge Aurier, Danny Rose, Juan Foyth, Harry Winks, Moussa Sissoko, Nkoudou og Fernando Llorente komu allir inn og það skipti ekki máli.

Fernando Llorente kom Tottenham í 1-0 á 20. mínútu eftir fyrirgjöf frá Serge Aurier og laglegan snúning í teignum.

Heung-min Son kom Tottenham síðan í 2-0 á 38. mínútu eftir sendingu frá Fernando Llorente.

Georges N'Koudou innsiglaði síðan sigurinn á 80. mínútu eftir laglegt hlaup inn í teig.

Bein lýsing

Leikirnir




    Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.