Handbolti

Hollensku stelpurnar björguðu stiginu í blálokin

Óskar Ófeigur Jónsson skrifar
Hollensku stelpurnar náðu í stig.
Hollensku stelpurnar náðu í stig. Vísir/Getty

Holland og Serbía gerðu jafntefli í fjórðu umferð riðlakeppni heimsmeistarakeppni kvenna í handbolta en í dag var leikið í C- og D-riðli. Rússar eru enn með fullt hús en sluppu með skrekkinn á móti Japan.

Það leit allt út fyrir sigur Serba sem voru 27-24 yfir þegar fimm mínútur voru eftir. Hollensku stelpurnar skoruðu hinsvegar þrjú síðustu mörkin í leiknum og tryggðu sér jafntefli. Nycke Groot skoraði jöfnunarmarkið þegar fjórar sekúndur voru eftir.

Þýsku stelpurnar töpuðu sínu fyrsta stigi í jafntefli á móti Serbíu í gær en komust aftur á sigurbraut með fimmtán marka stórsigri á Kína í dag, 24-9. Þýska liðið er í efsta sæti riðilsins fyrir lokaumferðina.

Þýskaland, Serbía, Suður-Kórea og Holland eru öll búin að tryggja sér sæti í sextán liða úrslitunum en lið Kamerún og Kína eru úr leik.

Rússar hafa unnið alla leiki sína en lentu í basli með Japan. Japönsku stelpurnar unnu Svartfjallaland í gær og töpuðu bara með einu marki á móti toppliði Rússlands í dag, 29-18.

Japanska liðið komst yfir í fyrri hálfleik eftir 5-0 kafla en Rússar voru 13-11 yfir í hálfleik og lengstum með frumkvæðið. Sigurinn var ekki í jafnmikilli hættu og úrslitin gefa tilefni til því Japan skoraði tvö síðustu mörk leiksins.

Það er ennþá mikil spenna í riðlinum. Rússar eru komnir áfram enda með fullt hús en dönsku stelpurnar geta einnig tryggt sig áfram seinna í kvöld.

Svartfjallaland var búið að tapa tveimur leikjum í röð en vann skyldusigur á Túnis í dag, 29-23.


Úrslit á HM kvenna í handbolta í dag:

C-riðill
Rússland - Japan 29-28
Túnis - Svartfjallaland   23-29
Danmörk - Rússland  Í kvöld

Stig þjóða: Rússland 8, Svartfjallaland 4, Danmörk 4,  Brasilía 3, Japan 3, Túnis 0.

D-riðill
Kamerún - Suður Kórea 21-33
Serbía - Holland 27-27
Þýskaland - Kína  24-9

Stig þjóða: Þýskaland 7, Serbía 6, Suður-Kórea 6, Holland 5, Kamerún 0, Kína 0.




Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira