Spælt egg ofan á hangikjötið: Flestum finnst þetta skrítið Lilja Katrín Gunnarsdóttir skrifar 28. nóvember 2017 19:30 Brúnkál og spælegg er ómissandi partur af jólahátíðinni að mati Hófýjar. Vísir / Úr einkasafni „Flestum utan fjölskyldunnar finnst þetta mjög skrítið,“ segir Hólmfríður Guðrún Skúladóttir, oftast kölluð Hófý, þegar ég spyr hana út í jólamat fjölskyldu hennar. Hófý og fjölskylda hennar borðar nefnilega sérstakt hangikjöt á jóladag þegar stórfjölskyldan kemur saman á Dalvík - nefnilega hangikjötssneiðar með spældu eggi. „Eggið ofan á hangikjötið kemur frá föðurfjölskyldunni minni. Það að nota egg var meira til að drýgja matinn í gamladaga,“ segir Hófý en fjölskyldan snæðir einnig brúnkál með veislumatnum. Svona lítur hátíðarmaturinn út.Vísir / Úr einkasafni „Brúnkálið kemur frá móðurömmu sem var Skagfirðingur. Hún kom með þessa uppskrift frá danskri vinkonu sem hún kynntist í Reykjavík þegar hún var um tvítugt, en amma Silla var fædd árið 1929.“ Spæleggið toppar diskinn Uppskriftin að hangikjötinu með spælda egginu og brúnkálinu hefur ferðast síðan á milli kynslóða. „Hver og einn hefur lært þetta af sinni móður. Við systur erum fjórar og höfum lært þetta af okkar foreldrum,“ segir Hófý og lýsir jólamatnum fyrir blaðamanni. „Það er kalt hangikjöt með uppstúf, rauðkáli og baunum. Brúnkálið fylgir með en það er hvítkál sem er soðið í fjóra tíma uppúr sykri, smjöri og salti. Svo er spælt egg ofan á hangikjötið til að toppa diskinn.“ Blessað brúnkálið.Vísir / Úr einkasafni Engin jól án brúnkáls Hófý gæti ekki hugsað sér jólin án þessarar rótgrónu fjölskylduhefðar. „Það væru engin jól ef brúnkálið væri ekki. Tengdasynir foreldra minna, Guðrúnar Þorkelsdóttur og Skúla Viðars Lórenzsonar, elska þetta líka og okkar börn. Þessi siður með brúnkálið og spælda eggið mun pottþétt halda áfram. Brúnkálið passar líka svo rosalega vel með öllu reyktu kjöti. Sjálf hef ég prufað það með hátíðarkjúkling, hangikjöti, hamborgarhrygg, rjúpum og gæs og það er nauðsynlegur partur af öllum þessum mat.“ Hangikjöt Jól Jólamatur Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið „Ég dreg mig í hlé og fer bara og stofna kaffihús“ Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið Fataherbergið seldi henni íbúðina strax Tíska og hönnun Krakkatían: Kolbeinn kafteinn, langspil og hvolpar Lífið Fréttatía vikunnar: Lögreglan, körfubolti og frambjóðendur Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Tróð upp í Norræna partýinu Lífið „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Bjóða ókeypis vín gegn því að símar séu læstir inni í skáp Sjá meira
„Flestum utan fjölskyldunnar finnst þetta mjög skrítið,“ segir Hólmfríður Guðrún Skúladóttir, oftast kölluð Hófý, þegar ég spyr hana út í jólamat fjölskyldu hennar. Hófý og fjölskylda hennar borðar nefnilega sérstakt hangikjöt á jóladag þegar stórfjölskyldan kemur saman á Dalvík - nefnilega hangikjötssneiðar með spældu eggi. „Eggið ofan á hangikjötið kemur frá föðurfjölskyldunni minni. Það að nota egg var meira til að drýgja matinn í gamladaga,“ segir Hófý en fjölskyldan snæðir einnig brúnkál með veislumatnum. Svona lítur hátíðarmaturinn út.Vísir / Úr einkasafni „Brúnkálið kemur frá móðurömmu sem var Skagfirðingur. Hún kom með þessa uppskrift frá danskri vinkonu sem hún kynntist í Reykjavík þegar hún var um tvítugt, en amma Silla var fædd árið 1929.“ Spæleggið toppar diskinn Uppskriftin að hangikjötinu með spælda egginu og brúnkálinu hefur ferðast síðan á milli kynslóða. „Hver og einn hefur lært þetta af sinni móður. Við systur erum fjórar og höfum lært þetta af okkar foreldrum,“ segir Hófý og lýsir jólamatnum fyrir blaðamanni. „Það er kalt hangikjöt með uppstúf, rauðkáli og baunum. Brúnkálið fylgir með en það er hvítkál sem er soðið í fjóra tíma uppúr sykri, smjöri og salti. Svo er spælt egg ofan á hangikjötið til að toppa diskinn.“ Blessað brúnkálið.Vísir / Úr einkasafni Engin jól án brúnkáls Hófý gæti ekki hugsað sér jólin án þessarar rótgrónu fjölskylduhefðar. „Það væru engin jól ef brúnkálið væri ekki. Tengdasynir foreldra minna, Guðrúnar Þorkelsdóttur og Skúla Viðars Lórenzsonar, elska þetta líka og okkar börn. Þessi siður með brúnkálið og spælda eggið mun pottþétt halda áfram. Brúnkálið passar líka svo rosalega vel með öllu reyktu kjöti. Sjálf hef ég prufað það með hátíðarkjúkling, hangikjöti, hamborgarhrygg, rjúpum og gæs og það er nauðsynlegur partur af öllum þessum mat.“
Hangikjöt Jól Jólamatur Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið „Ég dreg mig í hlé og fer bara og stofna kaffihús“ Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið Fataherbergið seldi henni íbúðina strax Tíska og hönnun Krakkatían: Kolbeinn kafteinn, langspil og hvolpar Lífið Fréttatía vikunnar: Lögreglan, körfubolti og frambjóðendur Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Tróð upp í Norræna partýinu Lífið „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Bjóða ókeypis vín gegn því að símar séu læstir inni í skáp Sjá meira