Moyes sagður taka við West Ham

Sky Sports greinir frá því í dag að David Moyes muni taka við stjórastarfi West Ham af Slaven Bilic.

Bilic var rekinn frá West Ham í morgun og samkvæmt heimildum Sky mun Moyes verða kynntur til leiks á morgun.

Moyes mun fá sex mánaða bráðabirgðasamning. Honum er ætlað að stýra félaginu úr fallhættu. Gangi það eftir fær hann líklega lengri samning.

Fyrsti leikur Moyes með liðið verður gegn Watford þann 19. nóvember næstkomandi.

Moyes hefur verið atvinnulaus síðan í sumar en hann felldi Sunderland með stæl síðasta vetur.