Innlent

Aukin rafleiðni í Jökulsá á fjöllum

Sylvía Rut Sigfúsdóttir skrifar

Fólk er hvatt til þess að sýna aðgát við upptök Jökulsár á Fjöllum vegna mögulegs gasútstreymis við upptök.
Fólk er hvatt til þess að sýna aðgát við upptök Jökulsár á Fjöllum vegna mögulegs gasútstreymis við upptök. Ljósmynd/Pjetur.

Síðastliðnar tvær vikur hefur rafleiðni í Jökulsá á Fjöllum farið hækkandi. Starfsmenn Veðurstofunnar voru við viðgerðir á mælum við Upptyppinga og tóku handmælingar til að staðfesta sjálfvirk mæligildi. Samkvæmt upplýsingum frá Veðurstofunni var tekið eftir því að áin var óvenju mórauð miðað við árstíma og jarðhitalykt var af ánni.

Rafleiðnihækkunin var mæld bæði við vatnshæðamæli við Upptyppinga og Grímsstaði. Núverandi gildi við Upptyppinga er 295 míkróSiemens/cm sem er tvöfalt meira en eðlilegt væri fyrir þennan árstíma. Rafleiðni mælingar við Grímsstaði fylgni við mælingar við Upptyppinga.

Ekki er vitað hver upptökin eru, en líklega er um að ræða jarðhitavatnsleka undan jökli. Málunum verður fylgt eftir fyrramálið, hugsanlega með flugi yfir svæðið. Sólarhringsvaktin á Veðurstofunni fylgst vel með þróun yfir nótt.

Fólk er hvatt til þess að sýna aðgát við upptök árinnar vegna mögulegs gasútstreymis við upptök.






Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira