Erlent

Bandaríkin munu draga sig úr UNESCO

Atli Ísleifsson skrifar
Donald Trump Bandaríkjaforseti og Nikki Haley, sendiherra Bandaríkjanna gagnvart Sameinuðu þjóðunum.
Donald Trump Bandaríkjaforseti og Nikki Haley, sendiherra Bandaríkjanna gagnvart Sameinuðu þjóðunum. Vísir/AFP

Bandaríkin munu draga sig úr Menningarmálastofnun Sameinuðu þjóðanna (UNESCO). Þetta hefur AP eftir heimildarmönnum sínum.

Bandarísk stjórnvöld hættu að veita fé til stofnunarinnar árið 2011 þegar Palestína gerðist þar aðili. Hefur Bandaríkjastjórn ítrekað gagnrýnt stofnunina vegna samþykktra ályktana sem hún segir beinast sérstaklega að og eru andsnúnar Ísrael.

UNESCO er ein af undirstofnunum Sameinuðu þjóðanna og er tilgangur hennar að vinna að því að stuðla að alþjóðlegri samvinnu milli aðildarríkja á sviði mennta-, vísinda- og menningarmála.

UNESCO heldur utan um sérstaka Heimsminjaskrá sem er skrá yfir staði sem ætlað er að varðveita þar sem þeir þykja sérstaklega merkilegir frá menningarlegu eða náttúrufræðilegu sjónarmiði.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira