Jón Daði og félagar sigruðu Leeds

Jón Daði Böðvarsson spilaði allan leikinn fyrir Reading sem lagði Leeds á útivelli í ensku 1. deildinni í dag.

Modou Barrow skoraði sigurmark Reading á 84. mínútu leiksins með góðu skoti utan úr teig.

Leeds fékk upplagt færi á að jafna leikinn undir lokinn þegar Liam Moore braut af sér innan vítateigs. Pablo Hernandez lét hins vegar verja frá sér spyrnuna og Reading fór með 1-0 sigur.

Reading klifrar með sigrinum úr fallsæti og upp í það 20., en liðið er með 12 stig eftir 11 leiki.