Jón Jónsson: Ég átti ekkert erindi í meistaralið FH
Það bárust stórtíðindi úr Kaplakrika í vikunni þar sem að Fimleikafélagið ákvað að segja Heimi Guðjónssyni, þjálfara til margra ára, upp og síðan þá hafa leikmenn félagsins keppst um að lofa Heimi og kom Jón Jónsson meðal annars með fallegan pistil á facebook síðu sinni í morgun.
„Ég átti í raun ekkert erindi í meistaralið FH þegar ég settist niður með Heimi Guðjónssyni haustið 2009,“ byrjaði Jón pistilinn sinn
„Ég er ekki besti knattspyrnumaður heims en Heimir hjálpaði mér að spila inná mína styrkleika og verð honum ævinlega þakklátur fyrir traustið og leiðsögnina.“
„Gangi þér vel Heimir, og takk fyrir mig,“ endaði Jón þennan hjartnæma pistil sem er hægt að sjá í heild sinni hér að neðan.
Tengdar fréttir
Jón Rúnar: Heimir jafnmikið stórmenni í þessu og hann hefur verið stórmenni í þessi sautján ár
Jón Rúnar Halldórsson, formaður Knattspyrnudeildar FH, ræddi við Vísi um þá ákvörðun FH að Heimir Guðjónsson myndi láta af störfum sem þjálfari FH-liðsins. Heimir Guðjónsson gerði FH-liðið fimm sinnum að Íslandsmeisturum á tíu árum.
Heimir hættur með FH-liðið
Heimir Guðjónsson er hættur sem þjálfari FH í Pepsi-deild karla en hann hefur þjálfað liðið frá 2008 og gert FH fimm sinnum að Íslandsmeisturum.
