Trump reynir að sprauta adrenalíni í nýtt heilbrigðisfrumvarp repúblikana Samúel Karl Ólason skrifar 20. september 2017 15:45 Donald Trump, forseti Bandaríkjanna. Vísir/Getty Donald Trump, forseti Bandaríkjanna, kallaði í dag á Twitter eftir því að öldungadeildarþingmenn Repúblikanaflokksins styðji við nýja tilraun flokksins til þess að ganga frá heilbrigðis- og sjúkratryggingakerfi Bandaríkjanna, sem gengur undir nafninu Obamacare. Þingmaðurinn Rand Paul hefur lýst yfir mikilli andstöðu sinni við frumvarpið og er hann helsti andstæðingur þess. Trump tísti í dag og sagði að þrátt fyrir að Rand Paul væri vinur hans, hefði þingmaðurinn verið mjög neikvætt afl varðandi tilraunir repúblikana til þess að „laga“ heilbrigðisþjónustu Bandaríkjanna. Þá hvatti hann þingmenn til að standa við loforð sín að fella niður Obamacare og sagði: „peningar beint til ríkjanna!“Rand Paul is a friend of mine but he is such a negative force when it comes to fixing healthcare. Graham-Cassidy Bill is GREAT! Ends Ocare!— Donald J. Trump (@realDonaldTrump) September 20, 2017 I hope Republican Senators will vote for Graham-Cassidy and fulfill their promise to Repeal & Replace ObamaCare. Money direct to States!— Donald J. Trump (@realDonaldTrump) September 20, 2017 Frumvarpið sem er nú til umræðu var samið af þeim Lindsey Graham og Bill Cassidy. Það felur í sér að veita einstökum ríkjum mikið frelsi um hvernig fjármunum frá alríkinu yrði varið. Þá myndi frumvarpið meðal annars fella niður tryggingakerfi sem gengur undir nafninu Medicaid og snýr að því að tryggja aldraða, fatlaða og fátæka. Þar að auki myndi frumvarpið færa fjármuni frá þeim ríkjum sem notast frekar við Obamacare til ríkja sem notast lítið við kerfið. Í grunninn myndi frumvarpið taka peninga frá ríkjum þar sem demókratar eru við völd og færa þá til ríkja þar sem repúblikanar eru við völd.Sjá einnig: Gera aðra tilraun til að slökkva á öndunarvél Obamacare. Það er ein af helstu ástæðunum fyrir því að þingmaðurinn Rand Paul er á móti frumvarpinu. „Ég held að þetta sé bara leikur þar sem repúblikanar taka peninga frá ríkjum demókrata. Hvað gerist ef demókratar komast svo til valda,“ sagði Paul. Þingmenn hafa notað það að frumvarpið veiti ríkjum meira frelsi varðandi heilbrigðisþjónustu til þess að rökstyðja stuðning sinn við það. Þeir virðast þó ekki vita mikið meira um frumvarpið, ef marka má viðtöl sem blaðamaður Vox tók við níu þingmenn sem styðja frumvarpið.Samþykkja verður frumvarpið fyrir þann 30. september, þar sem þingreglur segja til um að ekki verði hægt að leggja fram frumvörp sem snúa að sköttum og fjárlögum ríkisins. Þrátt fyrir að hin sjálfstæða stofnun Congressional Budget Office, sem er nokkurs konar ríkisendurskoðun Bandaríkjanna, hafi ekki lokið við úttekt á áhrifum frumvarpsins á heilbrigðiskerfið og sjúkratryggingar í Bandaríkjunum, halda þingmennirnir því fram að engir ættu að missa sjúkratryggingar sínar. Spár CBO um eldri frumvörp repúblikana spáðu því að 22 milljónir manna myndu missa tryggingar sínar og sérfræðingar telja að talan verði líklegast hærri verði nýjasta frumvarpið að lögum. Þegar fyrri frumvörp lágu fyrir sögðu repúblikanar að verð trygginga myndi lækka, en CBO sagði að þau myndu hækka. Hópur ríkisstjóra, sem tilheyra bæði Repúblikanaflokknum og Demókrataflokknum, lýstu í dag yfir andstöðu sinni við frumvarpið og það hafa fjölmörg samtök lækna, sjúkrahúsa og sjúklinga einnig gert.Kimmel mættur aftur Þáttastjórnandinn Jimmy Kimmel lét til sín taka í þætti sínum í gær, eins og hann gerði í maí. Þá þurfti nýfæddur sonur hans að fara í hjartaaðgerð.Sjá einnig: Kimmel með grátstafinn í kverkunum í 13 mínútur er hann lýsti baráttu nýfædds sonar síns fyrir lífinu. Að þessu sinni sagði Kimmel að Bill Cassidy, sem samdi frumvarpið, hafa logið upp í opið geðið á sér. Eftir aðgerð sonar Kimmel fór Cassidy víða um í fjölmiðlum og sagði að hann myndi ekki styðja heilbrigðisfrumvarp nema það stæði eitthvað sem hann kallaði „Jimmy Kimmel-prófið“. Það var í grunninn að engin fjölskylda ætti ekki að fá heilbrigðisþjónustu ef það hefði ekki efni á því. „Ég spyr, stenst það Jimmy Kimmel-prófið? Myndi barn með hjartagalla fá þá heilbrigðisþjónustu sem hún eða hann þyrfti á að halda. Ég vil að nýtt frumvarp standist Jimmy Kimmel-prófið,“ sagði Cassidy á CNN á sínum tíma. Hann sagði slíkt hið sama við Kimmel sjálfan.Cassidy var í viðtali við CNN í dag þar sem hann sagði að honum þætti leitt að Jimmy Kimmel skildi ekki frumvarpið og hvatti hann til þess að lesa það. „Fleiri verða tryggðir undir þessu frumvarpi en í núverandi ástandi. Allir óttast breytingar. Jafnvel þær séu til hins betra, þau vilja ekki breytingar," sagði Cassidy. Donald Trump Mest lesið Horfa á bíómyndir og senda tölvupósta á meðan þeir keyra Innlent Forsetavaktin 2024: Hver verður sjöundi forseti lýðveldisins? Innlent Segir alvarlegt hvernig Katrín tjáði sig um Persónuvernd Innlent Gantz hótar að segja af sér vegna ósættis við Netanjahú Erlent Bergvin dæmdur fyrir að áreita þrjár konur Innlent Ástand Fico enn alvarlegt Erlent „Nú á dögunum tók sonur minn líf sitt innan veggja fangelsisins“ Innlent Of þung en annars hraust á Ozempic Innlent Ekki megrunarlyf heldur lyf við offitu Innlent Býst við aukinni sókn Rússa Erlent Fleiri fréttir Gantz hótar að segja af sér vegna ósættis við Netanjahú Ástand Fico enn alvarlegt Býst við aukinni sókn Rússa Beitti neitunarvaldi gagnvart umdeildum fjölmiðlalögum Myndband sýnir árás Diddy Færeyingar felldu frumvarp um fóstureyðingar Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Sjá meira
Donald Trump, forseti Bandaríkjanna, kallaði í dag á Twitter eftir því að öldungadeildarþingmenn Repúblikanaflokksins styðji við nýja tilraun flokksins til þess að ganga frá heilbrigðis- og sjúkratryggingakerfi Bandaríkjanna, sem gengur undir nafninu Obamacare. Þingmaðurinn Rand Paul hefur lýst yfir mikilli andstöðu sinni við frumvarpið og er hann helsti andstæðingur þess. Trump tísti í dag og sagði að þrátt fyrir að Rand Paul væri vinur hans, hefði þingmaðurinn verið mjög neikvætt afl varðandi tilraunir repúblikana til þess að „laga“ heilbrigðisþjónustu Bandaríkjanna. Þá hvatti hann þingmenn til að standa við loforð sín að fella niður Obamacare og sagði: „peningar beint til ríkjanna!“Rand Paul is a friend of mine but he is such a negative force when it comes to fixing healthcare. Graham-Cassidy Bill is GREAT! Ends Ocare!— Donald J. Trump (@realDonaldTrump) September 20, 2017 I hope Republican Senators will vote for Graham-Cassidy and fulfill their promise to Repeal & Replace ObamaCare. Money direct to States!— Donald J. Trump (@realDonaldTrump) September 20, 2017 Frumvarpið sem er nú til umræðu var samið af þeim Lindsey Graham og Bill Cassidy. Það felur í sér að veita einstökum ríkjum mikið frelsi um hvernig fjármunum frá alríkinu yrði varið. Þá myndi frumvarpið meðal annars fella niður tryggingakerfi sem gengur undir nafninu Medicaid og snýr að því að tryggja aldraða, fatlaða og fátæka. Þar að auki myndi frumvarpið færa fjármuni frá þeim ríkjum sem notast frekar við Obamacare til ríkja sem notast lítið við kerfið. Í grunninn myndi frumvarpið taka peninga frá ríkjum þar sem demókratar eru við völd og færa þá til ríkja þar sem repúblikanar eru við völd.Sjá einnig: Gera aðra tilraun til að slökkva á öndunarvél Obamacare. Það er ein af helstu ástæðunum fyrir því að þingmaðurinn Rand Paul er á móti frumvarpinu. „Ég held að þetta sé bara leikur þar sem repúblikanar taka peninga frá ríkjum demókrata. Hvað gerist ef demókratar komast svo til valda,“ sagði Paul. Þingmenn hafa notað það að frumvarpið veiti ríkjum meira frelsi varðandi heilbrigðisþjónustu til þess að rökstyðja stuðning sinn við það. Þeir virðast þó ekki vita mikið meira um frumvarpið, ef marka má viðtöl sem blaðamaður Vox tók við níu þingmenn sem styðja frumvarpið.Samþykkja verður frumvarpið fyrir þann 30. september, þar sem þingreglur segja til um að ekki verði hægt að leggja fram frumvörp sem snúa að sköttum og fjárlögum ríkisins. Þrátt fyrir að hin sjálfstæða stofnun Congressional Budget Office, sem er nokkurs konar ríkisendurskoðun Bandaríkjanna, hafi ekki lokið við úttekt á áhrifum frumvarpsins á heilbrigðiskerfið og sjúkratryggingar í Bandaríkjunum, halda þingmennirnir því fram að engir ættu að missa sjúkratryggingar sínar. Spár CBO um eldri frumvörp repúblikana spáðu því að 22 milljónir manna myndu missa tryggingar sínar og sérfræðingar telja að talan verði líklegast hærri verði nýjasta frumvarpið að lögum. Þegar fyrri frumvörp lágu fyrir sögðu repúblikanar að verð trygginga myndi lækka, en CBO sagði að þau myndu hækka. Hópur ríkisstjóra, sem tilheyra bæði Repúblikanaflokknum og Demókrataflokknum, lýstu í dag yfir andstöðu sinni við frumvarpið og það hafa fjölmörg samtök lækna, sjúkrahúsa og sjúklinga einnig gert.Kimmel mættur aftur Þáttastjórnandinn Jimmy Kimmel lét til sín taka í þætti sínum í gær, eins og hann gerði í maí. Þá þurfti nýfæddur sonur hans að fara í hjartaaðgerð.Sjá einnig: Kimmel með grátstafinn í kverkunum í 13 mínútur er hann lýsti baráttu nýfædds sonar síns fyrir lífinu. Að þessu sinni sagði Kimmel að Bill Cassidy, sem samdi frumvarpið, hafa logið upp í opið geðið á sér. Eftir aðgerð sonar Kimmel fór Cassidy víða um í fjölmiðlum og sagði að hann myndi ekki styðja heilbrigðisfrumvarp nema það stæði eitthvað sem hann kallaði „Jimmy Kimmel-prófið“. Það var í grunninn að engin fjölskylda ætti ekki að fá heilbrigðisþjónustu ef það hefði ekki efni á því. „Ég spyr, stenst það Jimmy Kimmel-prófið? Myndi barn með hjartagalla fá þá heilbrigðisþjónustu sem hún eða hann þyrfti á að halda. Ég vil að nýtt frumvarp standist Jimmy Kimmel-prófið,“ sagði Cassidy á CNN á sínum tíma. Hann sagði slíkt hið sama við Kimmel sjálfan.Cassidy var í viðtali við CNN í dag þar sem hann sagði að honum þætti leitt að Jimmy Kimmel skildi ekki frumvarpið og hvatti hann til þess að lesa það. „Fleiri verða tryggðir undir þessu frumvarpi en í núverandi ástandi. Allir óttast breytingar. Jafnvel þær séu til hins betra, þau vilja ekki breytingar," sagði Cassidy.
Donald Trump Mest lesið Horfa á bíómyndir og senda tölvupósta á meðan þeir keyra Innlent Forsetavaktin 2024: Hver verður sjöundi forseti lýðveldisins? Innlent Segir alvarlegt hvernig Katrín tjáði sig um Persónuvernd Innlent Gantz hótar að segja af sér vegna ósættis við Netanjahú Erlent Bergvin dæmdur fyrir að áreita þrjár konur Innlent Ástand Fico enn alvarlegt Erlent „Nú á dögunum tók sonur minn líf sitt innan veggja fangelsisins“ Innlent Of þung en annars hraust á Ozempic Innlent Ekki megrunarlyf heldur lyf við offitu Innlent Býst við aukinni sókn Rússa Erlent Fleiri fréttir Gantz hótar að segja af sér vegna ósættis við Netanjahú Ástand Fico enn alvarlegt Býst við aukinni sókn Rússa Beitti neitunarvaldi gagnvart umdeildum fjölmiðlalögum Myndband sýnir árás Diddy Færeyingar felldu frumvarp um fóstureyðingar Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Sjá meira