Bílar

Volkswagen skiptir út Touran og Golf Sportsvan með nýjum bíl

Finnur Thorlacius skrifar
Volkswagen I.D. Crozz II Concept tilraunabíllinn verður að VW Variosport.
Volkswagen I.D. Crozz II Concept tilraunabíllinn verður að VW Variosport.

Á bílasýningunni í Frankfurt tilkynnti Volkswagen að fyrirtækið ætli að skipta út bílunum Touran og Golf Sportsvan fyrir nýjan bíl sem er smávaxinn fjölnotabíll sem kallaður er Variosport. Hann ber mikinn svip af I.D. Crozz II Concept bílnum sem Volkswagen hefur áður sýnt.

Volkswagen segir að markaður fyrir fjölnotabíla hafi veikst mjög á undanförnum árum og vill einfalda bílaúrval sitt í þeim flokki. Þessi nýi fjölnotabíll verður með coupe-lagi og því mun sportlegri en bæði Touran og Golf Sportsvan og ætti að höfða meira til fjöldans, en hvorki Touran og Golf Sportsvan hafa þótt sérlega fallegir bílar.

Rými er fyrir þriðju sætaröðina í þessum nýja bíl og því getur hann flutt 7 manns. Ekki er gert ráð fyrir rennihurðum á nýja bílnum, heldur venjulegum hurðum. Talsvert verður lagt í innréttingu Variosport og líklega verða snúningsstólar í annarri sætaröð. Bíllinn mun fá glerþak. Gert er ráð fyrir því að Variosport fái mild hybrid drifkerfi auk 1,5 og 2,0 lítra brunavéla með forþjöppum. Einnig yrði tengiltvinnútgáfa bílsins í boði.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira