Þyrla Landhelgisgæslu kölluð út vegna slyss á Fjallabaksleið syðri

Þyrla Landhelgisgæslu hefur verið kölluð út vegna tilkynningar um slasaðan dreng við Strútsskála á Fjallabaksleið syðri. Samkvæmt tilkynningu frá Landsbjörgu eru björgunarmenn nú á leið á staðinn ásamt þyrlunni.

Í tilkynningunni kemur einnig fram að björgunarsveitir hafi sinnt útkalli fyrr í dag vegna manns sem féll í brattlendi ofan við Ásgeirsá við Víðidal. Þá var björgunarsveitin á Hellissandi einnig kölluð út vegna slasaðs manns um þrjúleytið í dag en nákvæm staðsetning slyssins liggur ekki enn fyrir.