Bílar

Raforkugeymslur geta hraðað þróun netkerfis hraðhleðslustöðva í Evrópu

Finnur Thorlacius skrifar
Aðferð Connected Energy er afar hagkvæm með hliðsjón af hratt vaxandi þörf fyrir fleiri hraðhleðslustöðvar.
Aðferð Connected Energy er afar hagkvæm með hliðsjón af hratt vaxandi þörf fyrir fleiri hraðhleðslustöðvar.

Breska fyrirtækið Connected Energy hefur í samstarfi við Renault látið setja upp tvær raforkugeymslustöðvar, E-STOR, fyrir rafbíla við evrópskar hraðbrautir. Stöðvarnar sem staðsettar eru við hraðbraut í Belgíu og Þýskalandi eru þær fyrstu sinnar tegundar.

Tækni Connected Energy felst í því að mörgum öflugum rafhlöðum af nýjustu kynslóð frá Renault er komið fyrir í gámi, þar sem þær eru hlaðnar við lágan rafstraum. Hlöðurnar geyma raforkuna sem síðan er veitt inn á hraðhleðslustöð fyrir utan gáminn þegar rafmagnsbíll kemur til að fá raforku. Að sögn Matthew Lumsden, framkvæmdastjóra Connected Energy er þetta ódýrari aðferð heldur en ef hraðhleðslustöðvarnar væru tengdar við t.d. þriggja fasa tengingu frá almenna raforkukerfinu.

Aðferð Connected Energy er því afar hagkvæm með hliðsjón af hratt vaxandi þörf fyrir fleiri hraðhleðslustöðvar samfara fjölgun slíkra bíla í umferðinni. Segir Lumsden að hann vonist til þess að aðferð fyrirtækisins verði til þess að unnt verði að þróa netkerfi hraðhleðslustöðva hraðar en nú er raunin.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira