Enski boltinn

Mourinho: Spilamennskan og sjálfstraustið það sem skiptir máli í dag

Mourinho klappar fyrir sínum mönnum yfir leiknum í dag.
Mourinho klappar fyrir sínum mönnum yfir leiknum í dag. Vísir/getty

„Það að byrja á sigri og að vera komnir á toppinn skiptir ekki öllu, spilamennskan og sjálfstraustið í liðinu er það sem skipti mig máli í dag,“ sagði Jose Mourinho, knattspyrnustjóri Manchester United, sáttur að leikslokum eftir 4-0 sigur gegn West Ham í dag.

„Það voru leikir eins og þessi í fyrra sem við stjórnuðum öllum leiknum en náðum ekki að klára, við töpuðum tveimur stigum gegn West Ham til dæmis hérna í fyrra en í dag tökum við þrjú stig. Í stað þess að setjast aftur eftir annað markið þá sóttum við í leit að þriðja markinu.“

Þrátt fyrir öruggan sigur sagði Mourinho að það mætti bæta ýmislegt.

„Við byrjuðum ekkert frábærlega, við vorum stressaðir á fyrstu mínútunum en við snerum þessu okkur í hag og spiluðum fullir sjálfstrausts. Leikurinn opnaðist aðeins upp á ný eftir annað markið en við gátum slappað af og náðum að bæta við mörkum.“

Lukaku byrjar vel í ensku úrvalsdeildinni en hann skoraði í tvígang í leiknum.

„Það er gott fyrir leikmenn að byrja vel í nýjum liðum, sérstaklega þegar framherjar ná að byrja vel og skora mörk strax í fyrsta leik. Það er jákvætt fyrir Lukaku að ná að skora í dag rétt eins og það var jákvætt fyrir Rooney, Morata og Lacazette.“


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira