Lífið

Áhættuleikari í Walking Dead lést eftir fall

Kjartan Kjartansson skrifar
Leikarar og aðstandendur þáttanna Walking Dead eru sagðir harmi slegnir vegna dauða áhættuleikarans.
Leikarar og aðstandendur þáttanna Walking Dead eru sagðir harmi slegnir vegna dauða áhættuleikarans. Vísir/EPA

Gert hefur verið hlé á tökum á bandarísku þáttaröðinni vinsælu Walking Dead eftir að áhættuleikari fórst af slysförum.

John Bernecker var 33 ára gamall. Hann var við tökur á áttundu þáttaröðinni af Walking Dead þegar hann féll og hlaut alvarleg meiðsl á miðvikudag. Hann lést á sjúkrahúsi í gær, að sögn NBC-sjónvarpsstöðvarinnar.

Vinnueftirlit Bandaríkjanna hefur hafið rannsókn á slysinu en þetta er fyrsta dauðsfallið við þátta- eða kvikmyndagerð í Bandaríkjunum í þrjú ár.

Auk Walking Dead hafði Bernecker framkvæmt áhættuatriði í kvikmyndunum Black Panther, Logan og Fantastic Four sem kom út fyrir tveimur árum samkvæmt frétt breska ríkisútvarpsins BBC.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira