Furstadæmin segjast ekki hakka Katara Þórgnýr Einar Albertsson skrifar 18. júlí 2017 07:00 Emír Katar, sem átökin við Persaflóaríkin hafa gert að þjóðhetju, voru eignuð ummæli sem katörsk yfirvöld segja að séu uppspuni. Vísir/AFP Yfirvöld í Sameinuðu arabísku furstadæmunum stóðu ekki að tölvuárásum á QNA, ríkisfjölmiðil Katara. Þetta fullyrti Anwar Gargash, utanríkisráðherra furstadæmanna, í viðtali við BBC í gær. The Washington Post greindi frá því á sunnudag, og vitnaði í heimildarmenn innan bandarísku leyniþjónustunnar, að Sameinuðu arabísku furstadæmin hefðu staðið að umfangsmikilli árás á QNA og samfélagsmiðlasíður miðilsins í maí síðastliðnum og birt þar uppskálduð ummæli, eignuð Tamim Bin Hamad al-Thani, emírnum af Katar. „Þetta kemur frá ónafngreindum heimildarmönnum. Ég vil koma því á framfæri að þessi saga er algjörlega ósönn. Ég hef ekki lesið fréttina, ég hef bara lesið um hana en þetta er algjörlega ósatt,“ sagði Gargash við BBC. Í kjölfar ummælanna sem eignuð eru emírnum bönnuðu furstadæmin, Sádi-Arabía, Barein og Egyptaland alla katarska fjölmiðla í ríkjum sínum. Stuttu seinna slitu þeir stjórnmálatengslum við Katar og komu á viðskiptaþvingunum sem standa enn í dag. Hefur togstreitan við Persaflóa ekki verið meiri í langan tíma.Anwar Gargash, utanríkisráðherra Sameinuðu arabísku furstadæmanna.NordicPhotos/AFPGargash sagði einnig að það væri með öllu ósatt að furstadæmin hefðu, í slagtogi með fimm öðrum Arabaríkjum, sent Alþjóðaknattspyrnusambandinu skeyti þar sem þess var krafist að heimsmeistaramót karla, sem til stendur að halda í Katar árið 2022, yrði tekið af ríkinu. Í umfjöllun The Washington Post segir að þann 23. maí síðastliðinn hafi ríkisstjórn Sameinuðu arabísku furstadæmanna fundað og rætt áform um að gera tölvuárás á samfélagsmiðlaaðganga og vefsíðu QNA. Síðar þann dag hafi birst á QNA frétt um að emírinn gagnrýndi andúð Bandaríkjanna á Írönum og lýsti þeim síðarnefndu sem „íslamísku stórveldi sem ekki sé hægt að hundsa“. Í annarri frétt mátti lesa um þá skoðun emírsins að Hamas-samtökin væru lögmætur málsvari palestínsku þjóðarinnar. Degi síðar neituðu yfirvöld í Katar því að þessar fréttir væru sannar. Sagði í tilkynningu frá ríkisstjórninni að QNA hefði orðið fyrir tölvuárás óþekktra tölvuþrjóta. „Hið sanna í málinu er að Katarar hafa fjármagnað og stutt hryðjuverkamenn. Allt frá talibönum til Hamas og Gaddafi. Þeir hafa hvatt til ofbeldis og róttæknivæðingar og grafið undan öryggi nágrannaríkjanna,“ sagði Yousef Al Otaiba, sendiherra furstadæmanna í Bandaríkjunum, á Twitter í gær. Sádi-Arabía, Egyptaland, Barein og furstadæmin standa, eins og áður segir, að viðskiptaþvingunum gegn Katörum. Hafa þeir meðal annars krafist þess af Katörum að hætta að fjármagna fjölmiðilinn Al-Jazeera sem og hætta að fjármagna samtök sem Bandaríkjamenn hafa lýst yfir að séu hryðjuverkasamtök. Katarar hafa hafnað þeim kröfum og sagt að þeir styðji engin hryðjuverkasamtök. Birtist í Fréttablaðinu Mest lesið Horfa á bíómyndir og senda tölvupósta á meðan þeir keyra Innlent Forsetavaktin 2024: Hver verður sjöundi forseti lýðveldisins? Innlent Segir alvarlegt hvernig Katrín tjáði sig um Persónuvernd Innlent Gantz hótar að segja af sér vegna ósættis við Netanjahú Erlent Bergvin dæmdur fyrir að áreita þrjár konur Innlent Ástand Fico enn alvarlegt Erlent „Nú á dögunum tók sonur minn líf sitt innan veggja fangelsisins“ Innlent Of þung en annars hraust á Ozempic Innlent Skólastjóradrama í Kóraskóla fær óvæntan endi Innlent Býst við aukinni sókn Rússa Erlent Fleiri fréttir Gantz hótar að segja af sér vegna ósættis við Netanjahú Ástand Fico enn alvarlegt Býst við aukinni sókn Rússa Beitti neitunarvaldi gagnvart umdeildum fjölmiðlalögum Myndband sýnir árás Diddy Færeyingar felldu frumvarp um fóstureyðingar Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Sjá meira
Yfirvöld í Sameinuðu arabísku furstadæmunum stóðu ekki að tölvuárásum á QNA, ríkisfjölmiðil Katara. Þetta fullyrti Anwar Gargash, utanríkisráðherra furstadæmanna, í viðtali við BBC í gær. The Washington Post greindi frá því á sunnudag, og vitnaði í heimildarmenn innan bandarísku leyniþjónustunnar, að Sameinuðu arabísku furstadæmin hefðu staðið að umfangsmikilli árás á QNA og samfélagsmiðlasíður miðilsins í maí síðastliðnum og birt þar uppskálduð ummæli, eignuð Tamim Bin Hamad al-Thani, emírnum af Katar. „Þetta kemur frá ónafngreindum heimildarmönnum. Ég vil koma því á framfæri að þessi saga er algjörlega ósönn. Ég hef ekki lesið fréttina, ég hef bara lesið um hana en þetta er algjörlega ósatt,“ sagði Gargash við BBC. Í kjölfar ummælanna sem eignuð eru emírnum bönnuðu furstadæmin, Sádi-Arabía, Barein og Egyptaland alla katarska fjölmiðla í ríkjum sínum. Stuttu seinna slitu þeir stjórnmálatengslum við Katar og komu á viðskiptaþvingunum sem standa enn í dag. Hefur togstreitan við Persaflóa ekki verið meiri í langan tíma.Anwar Gargash, utanríkisráðherra Sameinuðu arabísku furstadæmanna.NordicPhotos/AFPGargash sagði einnig að það væri með öllu ósatt að furstadæmin hefðu, í slagtogi með fimm öðrum Arabaríkjum, sent Alþjóðaknattspyrnusambandinu skeyti þar sem þess var krafist að heimsmeistaramót karla, sem til stendur að halda í Katar árið 2022, yrði tekið af ríkinu. Í umfjöllun The Washington Post segir að þann 23. maí síðastliðinn hafi ríkisstjórn Sameinuðu arabísku furstadæmanna fundað og rætt áform um að gera tölvuárás á samfélagsmiðlaaðganga og vefsíðu QNA. Síðar þann dag hafi birst á QNA frétt um að emírinn gagnrýndi andúð Bandaríkjanna á Írönum og lýsti þeim síðarnefndu sem „íslamísku stórveldi sem ekki sé hægt að hundsa“. Í annarri frétt mátti lesa um þá skoðun emírsins að Hamas-samtökin væru lögmætur málsvari palestínsku þjóðarinnar. Degi síðar neituðu yfirvöld í Katar því að þessar fréttir væru sannar. Sagði í tilkynningu frá ríkisstjórninni að QNA hefði orðið fyrir tölvuárás óþekktra tölvuþrjóta. „Hið sanna í málinu er að Katarar hafa fjármagnað og stutt hryðjuverkamenn. Allt frá talibönum til Hamas og Gaddafi. Þeir hafa hvatt til ofbeldis og róttæknivæðingar og grafið undan öryggi nágrannaríkjanna,“ sagði Yousef Al Otaiba, sendiherra furstadæmanna í Bandaríkjunum, á Twitter í gær. Sádi-Arabía, Egyptaland, Barein og furstadæmin standa, eins og áður segir, að viðskiptaþvingunum gegn Katörum. Hafa þeir meðal annars krafist þess af Katörum að hætta að fjármagna fjölmiðilinn Al-Jazeera sem og hætta að fjármagna samtök sem Bandaríkjamenn hafa lýst yfir að séu hryðjuverkasamtök. Katarar hafa hafnað þeim kröfum og sagt að þeir styðji engin hryðjuverkasamtök.
Birtist í Fréttablaðinu Mest lesið Horfa á bíómyndir og senda tölvupósta á meðan þeir keyra Innlent Forsetavaktin 2024: Hver verður sjöundi forseti lýðveldisins? Innlent Segir alvarlegt hvernig Katrín tjáði sig um Persónuvernd Innlent Gantz hótar að segja af sér vegna ósættis við Netanjahú Erlent Bergvin dæmdur fyrir að áreita þrjár konur Innlent Ástand Fico enn alvarlegt Erlent „Nú á dögunum tók sonur minn líf sitt innan veggja fangelsisins“ Innlent Of þung en annars hraust á Ozempic Innlent Skólastjóradrama í Kóraskóla fær óvæntan endi Innlent Býst við aukinni sókn Rússa Erlent Fleiri fréttir Gantz hótar að segja af sér vegna ósættis við Netanjahú Ástand Fico enn alvarlegt Býst við aukinni sókn Rússa Beitti neitunarvaldi gagnvart umdeildum fjölmiðlalögum Myndband sýnir árás Diddy Færeyingar felldu frumvarp um fóstureyðingar Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Sjá meira