Fólk oft hissa að sjá unga konu með harmóníku Guðný Hrönn skrifar 18. júlí 2017 13:00 Ásta Soffía spilaði nýverið á harmóníku fyrir norsku konungshjónin. Mynd/ Halldóra Kristín Bjarnadóttir Ásta Soffía Þorgeirsdóttir er 21 árs og spilar á harmóníku. Hún segir margt fólk verða hissa þegar það sér unga konu spila á harmóníku enda tengir fólk hljóðfærið gjarnan við gömlu danslögin. En að sögn Ástu er hægt að spila afar fjölbreytt tónlist á harmóníku. „Ég byrjaði að læra á harmóníku í Tónlistarskóla Húsavíkur þegar ég var átta ára gömul. Núna var ég að ljúka þriðja árinu í bachelor-námi við Norges musikkhøgskole,“ segir harmóníkuleikarinn og Húsvíkingurinn Ásta Soffía. Spurð út í af hverju harmóníka varð fyrir valin þegar kom að því að velja hljóðfæri til að læra á segir Ásta: „Ég var á hljóðfærakynningu í Tónlistarskólanum á Húsavík þegar ég var sjö ára. Mér fannst svo flott þegar strákurinn sem var að sýna harmóníkuna spilaði Ríðum, ríðum, rekum yfir sandinn í þríundum. Svo var ég líka pínu skotin í stráknum. Haustið eftir tók hrifningin á harmóníkunni yfir.“ Ásta segir fólk oft verða undrandi þegar það sér unga konu spila á harmóníku.„Fólk er oft hissa, ég bjóst ekki endilega við því, en fljótt á eftir fylgir yfirleitt áhugi og forvitni. Mér finnst svo gaman að sýna hvers harmóníkan er megnug. Það búast kannski flestir við að maður sé að spila gömlu danslögin sem er kannski oft tónlistin sem fólk tengir við harmóníkuna. Þá er gaman að sýna þeim að á harmóníkuna er hægt að spila allar tegundir tónlistar.“ Sjálf spilar Ásta fjölbreytta tónlist á harmóníkuna. „Ég reyni að spila eins fjölbreytt og ég get. Ég tek því fagnandi þegar mér er ýtt út fyrir þægindarammann en mér finnst ég læra einna mest af þeim verkefnum. Með harmóníkukennurunum mínum úti í Ósló spila ég mest barokktónlist og nútímatónlist. Ég legg líka mikla stund á frían spuna og nota þá kunnáttu inn í mörg önnur tónlistarverkefni. Ég hef verið að leika mér mikið með þjóðlagatónlist frá Norðurlöndunum og þar kemur fríi spuninn sterkt inn. Ég spila einnig argentínska tangótónlist, franska chansons, útset dálítið píanóverk og kórverk fyrir harmóníkuna, gömlu skandinavísku harmóníkutónlistinni hef ég líka gaman af. Í vetur var ég líka í tónlistarverkefni þar sem við vorum að spila gamla breska pub tónlist með hljómsveitinni Alehouse sessions. Þannig að listinn er langur. Ég hef það að markmiði að öðlast sem mest vald á harmóníkunni og skilning þannig að ég geti spilað sem fjölbreyttasta tónlist.“ „Tónlistin sem ég spila á harmóníkuna er oft í takt við það sem ég hlusta á í daglegu lífi. Maður lærir svo mikið af því að hlusta og hlusta. En óháð því hvað ég er að spila þá hlusta ég mikið á íslenska tónlist. Ég fæ mikinn innblástur frá henni. Hljómsveitin Valdimar er í uppáhaldi hjá mér,“ útskýrir Ásta sem er mikill tónlistarunnandi og nýtur þess að fara á tónleika. „Ég hlusta mikið á tónlist kennaranna minna Rolf-Erik Nystrøm, Håkon Thelin og Frode Haltli. Ég hef mikið dálæti á tónlist Monique Andrée Serf sem bar listanafnið Barbara. Uppáhaldssöngkonan mín er Concha Buika. Svo er ég dugleg að fara á tónleika í Ósló. Ósló er ein mesta tónleikaborg Evrópu. Ótrúlega fjölbreytt tónleikaúrval á hverjum degi.“ Ekki mjög líkamlega erfittHarmóníkan sem Ásta spilar á er í kringum 15 kíló. Aðspurð hvort það reyni ekki líkamlega mikið á að spila á hljóðfærið segir Ásta: „Það reynir á að spila á öll hljóðfæri. Maður finnur ekki eins mikið fyrir harmóníkunni í fanginu eins og margir halda. Það er aðallega að ég verði þreytt í höndunum, sérstaklega þeirri vinstri sem stjórnar belgnum. Það er mikilvægt að fara vel með sig, standa reglulega upp þegar maður er að æfa sig og leggja harmóníkuna frá sér. Ég var mikið í íþróttum þegar ég var að alast upp og það stendur með mér og ég viðheld því með reglulegri hreyfingu.“ Að lokum rifjar Ásta upp einn af hápunktum harmóníkuferils síns fyrir lesendur, þegar hún spilaði fyrir Guðna Th. forseta Íslands í opinberri heimsókn í Ósló. „Það var mikill heiður og ekkert smá gaman! Við vorum fjögur sem spiluðum íslenska tónlist. Haraldur konungur og Sonja drottning voru einnig við athöfnina. Þetta er tvímælalaust einn af hápunktunum hjá mér á mínum stutta tónlistarferli.“ Spurð út í hvað sé fram undan segist Ásta verða með ferna tónleika í ágúst ásamt tveimur skólafélögum sínum. „Tíunda ágúst verðum við í Húsavíkurkirkju, 11. ágúst verðum við í Reykjahlíðarkirkju í Mývatnssveit, þann 14. ágúst í Siglufjarðarkirkju og 17. ágúst í Hannesarholti í Reykjavík.“ Tónlist Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið „Ég dreg mig í hlé og fer bara og stofna kaffihús“ Lífið Tróð upp í Norræna partýinu Lífið Fataherbergið seldi henni íbúðina strax Tíska og hönnun Fréttatía vikunnar: Lögreglan, körfubolti og frambjóðendur Lífið Gaman að geta grætt fólk á góðan hátt Lífið Gefi raunsanna mynd af stefnumótahremmingum trans kvenna Bíó og sjónvarp „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Krakkatían: Kolbeinn kafteinn, langspil og hvolpar Hvernig bíla eiga frambjóðendur? Bílablinda, lögregluleyfi og draumur um Volvo Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Sjá meira
Ásta Soffía Þorgeirsdóttir er 21 árs og spilar á harmóníku. Hún segir margt fólk verða hissa þegar það sér unga konu spila á harmóníku enda tengir fólk hljóðfærið gjarnan við gömlu danslögin. En að sögn Ástu er hægt að spila afar fjölbreytt tónlist á harmóníku. „Ég byrjaði að læra á harmóníku í Tónlistarskóla Húsavíkur þegar ég var átta ára gömul. Núna var ég að ljúka þriðja árinu í bachelor-námi við Norges musikkhøgskole,“ segir harmóníkuleikarinn og Húsvíkingurinn Ásta Soffía. Spurð út í af hverju harmóníka varð fyrir valin þegar kom að því að velja hljóðfæri til að læra á segir Ásta: „Ég var á hljóðfærakynningu í Tónlistarskólanum á Húsavík þegar ég var sjö ára. Mér fannst svo flott þegar strákurinn sem var að sýna harmóníkuna spilaði Ríðum, ríðum, rekum yfir sandinn í þríundum. Svo var ég líka pínu skotin í stráknum. Haustið eftir tók hrifningin á harmóníkunni yfir.“ Ásta segir fólk oft verða undrandi þegar það sér unga konu spila á harmóníku.„Fólk er oft hissa, ég bjóst ekki endilega við því, en fljótt á eftir fylgir yfirleitt áhugi og forvitni. Mér finnst svo gaman að sýna hvers harmóníkan er megnug. Það búast kannski flestir við að maður sé að spila gömlu danslögin sem er kannski oft tónlistin sem fólk tengir við harmóníkuna. Þá er gaman að sýna þeim að á harmóníkuna er hægt að spila allar tegundir tónlistar.“ Sjálf spilar Ásta fjölbreytta tónlist á harmóníkuna. „Ég reyni að spila eins fjölbreytt og ég get. Ég tek því fagnandi þegar mér er ýtt út fyrir þægindarammann en mér finnst ég læra einna mest af þeim verkefnum. Með harmóníkukennurunum mínum úti í Ósló spila ég mest barokktónlist og nútímatónlist. Ég legg líka mikla stund á frían spuna og nota þá kunnáttu inn í mörg önnur tónlistarverkefni. Ég hef verið að leika mér mikið með þjóðlagatónlist frá Norðurlöndunum og þar kemur fríi spuninn sterkt inn. Ég spila einnig argentínska tangótónlist, franska chansons, útset dálítið píanóverk og kórverk fyrir harmóníkuna, gömlu skandinavísku harmóníkutónlistinni hef ég líka gaman af. Í vetur var ég líka í tónlistarverkefni þar sem við vorum að spila gamla breska pub tónlist með hljómsveitinni Alehouse sessions. Þannig að listinn er langur. Ég hef það að markmiði að öðlast sem mest vald á harmóníkunni og skilning þannig að ég geti spilað sem fjölbreyttasta tónlist.“ „Tónlistin sem ég spila á harmóníkuna er oft í takt við það sem ég hlusta á í daglegu lífi. Maður lærir svo mikið af því að hlusta og hlusta. En óháð því hvað ég er að spila þá hlusta ég mikið á íslenska tónlist. Ég fæ mikinn innblástur frá henni. Hljómsveitin Valdimar er í uppáhaldi hjá mér,“ útskýrir Ásta sem er mikill tónlistarunnandi og nýtur þess að fara á tónleika. „Ég hlusta mikið á tónlist kennaranna minna Rolf-Erik Nystrøm, Håkon Thelin og Frode Haltli. Ég hef mikið dálæti á tónlist Monique Andrée Serf sem bar listanafnið Barbara. Uppáhaldssöngkonan mín er Concha Buika. Svo er ég dugleg að fara á tónleika í Ósló. Ósló er ein mesta tónleikaborg Evrópu. Ótrúlega fjölbreytt tónleikaúrval á hverjum degi.“ Ekki mjög líkamlega erfittHarmóníkan sem Ásta spilar á er í kringum 15 kíló. Aðspurð hvort það reyni ekki líkamlega mikið á að spila á hljóðfærið segir Ásta: „Það reynir á að spila á öll hljóðfæri. Maður finnur ekki eins mikið fyrir harmóníkunni í fanginu eins og margir halda. Það er aðallega að ég verði þreytt í höndunum, sérstaklega þeirri vinstri sem stjórnar belgnum. Það er mikilvægt að fara vel með sig, standa reglulega upp þegar maður er að æfa sig og leggja harmóníkuna frá sér. Ég var mikið í íþróttum þegar ég var að alast upp og það stendur með mér og ég viðheld því með reglulegri hreyfingu.“ Að lokum rifjar Ásta upp einn af hápunktum harmóníkuferils síns fyrir lesendur, þegar hún spilaði fyrir Guðna Th. forseta Íslands í opinberri heimsókn í Ósló. „Það var mikill heiður og ekkert smá gaman! Við vorum fjögur sem spiluðum íslenska tónlist. Haraldur konungur og Sonja drottning voru einnig við athöfnina. Þetta er tvímælalaust einn af hápunktunum hjá mér á mínum stutta tónlistarferli.“ Spurð út í hvað sé fram undan segist Ásta verða með ferna tónleika í ágúst ásamt tveimur skólafélögum sínum. „Tíunda ágúst verðum við í Húsavíkurkirkju, 11. ágúst verðum við í Reykjahlíðarkirkju í Mývatnssveit, þann 14. ágúst í Siglufjarðarkirkju og 17. ágúst í Hannesarholti í Reykjavík.“
Tónlist Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið „Ég dreg mig í hlé og fer bara og stofna kaffihús“ Lífið Tróð upp í Norræna partýinu Lífið Fataherbergið seldi henni íbúðina strax Tíska og hönnun Fréttatía vikunnar: Lögreglan, körfubolti og frambjóðendur Lífið Gaman að geta grætt fólk á góðan hátt Lífið Gefi raunsanna mynd af stefnumótahremmingum trans kvenna Bíó og sjónvarp „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Krakkatían: Kolbeinn kafteinn, langspil og hvolpar Hvernig bíla eiga frambjóðendur? Bílablinda, lögregluleyfi og draumur um Volvo Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Sjá meira