Paris Jackson á forsíðu ástralska Vogue

20. júní 2017
skrifar

Hin 19 ára Paris Jackson, dóttir hins eina sanna Michael Jackson prýðir forsíðu júlítölublaðs ástralska Vogue. Paris, sem er bæði leikkona og fyrirsæta, hefur undanfarið verið að koma sér vel fyrir hjá tískuelítunni en þetta er í fyrsta sinn sem hún landar forsíðu tískubiblíunnar. 

Viðtalið fór fram með óvanalegum hætti en það voru sms - skilaboð á milli hennar og blaðamannsins þar sem Paris talaði um helstu ástríður hennar í lífinu. „Það eru mörg málefni sem eru mér mikilvæg, en ég vil að sköpunargleði mín komi fram í öllu sem ég geri. Mig langar að skilja eftir jákvætt fótspor í tískuheiminum, helst sem snertir fegurð og staðalímyndir sem eru allt í kringum okkur, í tímaritum, símunum okkar og á auglýsingaskiltum.”

Paris Jackson klæðist fatnaði frá Prada á forsíðunni en myndirnar tók Patrick Demarchelier og Christine Centenera stíliseraði.