Druslurnar sjá draum sinn rætast Hulda Hólmkelsdóttir skrifar 22. júní 2017 10:00 Bókin Ég er drusla kemur í búðir næsta þriðjudag. Hópurinn sem stendur að Druslugöngunni sér langþráðan draum rætast í næstu viku þegar bókin Ég er drusla kemur í búðir. Þrjú ár eru liðin síðan hugmyndin að útgáfu bókar kom upp innan hópsins og hefur verkefnið mótast mikið síðan þá. Fyrir þremur árum stóð til að gefa út ljósmyndabók en hætt var við útgáfu hennar, þegar bókin var komin úr prentun, eftir að ábending barst skipuleggjendum um að maður ótengdur Druslugöngunni, sem kom að útgáfu bókarinnar, væri kynferðisafbrotamaður. Maðurinn hefur aldrei hlotið dóm vegna málsins. „Þetta vafaatriði gerði það að verkum að við, sem stöndum að göngunni, gátum ekki lengur tekið þátt í verkefninu og við drógum okkur alfarið úr þessari útgáfu og lögðumst alfarið gegn því að hún kæmi út í þessari mynd. Það er skýrt að markmið Druslugöngunnar er að uppræta kynferðisofbeldi og segja frá og skila skömminni og það er skýrt að málstaður Druslugöngunnar er miklu, miklu stærri en einhver bók. Aldrei myndum við taka þátt í neinu sem gæti rýrt trúverðugleika göngunnar að neinu leyti,“ sagði María Rut Kristinsdóttir, þáverandi talskona Druslugöngunnar, í samtali við Vísi í júní 2015. Komið að útgáfu Bókin sem kemur út næstkomandi þriðjudag er tilraun skipuleggjenda til að fanga anda Druslugöngunnar á einhvern hátt. Um er að ræða einskonar samstarfsverkefni en rúmlega 40 manns komu að gerð bókarinnar undir ritstjórn þeirra Grétu Þorkelsdóttur, Salvarar Gullbrár Þórarinsdóttur og Hjalta Vigfússonar.Salvör Gullbrá Þórarinsdóttir „Við reyndum að hafa hópinn sem fjölbreyttastan og niðurstaðan er samansafn um 40 verka eftir ólíka listamenn. Þessi bók er í rauninni einhverskonar vettvangur fyrir þann fjölbreytta hóp sem kemur á gönguna á hvaða hátt sem er í gegnum tíðina til að tjá sig um allt frá femínisma, ofbeldismenningu og lífið sjálft,“ segir Salvör Gullbrá í samtali við Vísi. Hún segir að upp hafi komið hugmynd um að gera einhverskonar heimild um Druslugönguna en þá hafi tilfinningin fyrir verkefninu ekki verið rétt. Þegar hugmyndin hafi komið upp um að bjóða fólki að tjá sig á þann hátt sem það vill hafi hjólin farið að snúast af alvöru. „Druslugangan er fólkið sem kemur að henni og kemur í hana og tjáir sig á netinu um málefni sem tengjast henni. Hún er ekki einn viðburður, það er það sem við erum að reyna að gera með bókinni, að fanga alla þessa orku og alla þessa baráttu sem er í kringum gönguna.“Allir gefa vinnu sína Í bókinni kennir ýmissa grasa. Rut Sigurðardóttir ljósmyndari myndaði til að mynda fólk sem hefur fengið sér Druslugöngu húðflúr og reyndi að festa á filmu rými sem veita þolendum öryggi. Listamönnunum sem tóku þátt voru gefnar nokkuð frjálsar hendur. Þar er að finna ljósmyndir, texta, teikningar, greinar og hugvekjur. Adda Þóreyardóttir Smáradóttir, forsprakki Free The Nipple á Íslandi.Mynd/Rut Sigurðardóttir„Við reyndum að hafa sviðið frekar fjölbreytt, fá rithöfunda, myndlistarmenn, ljósmyndara í lið með okkur þannig að þetta yrði eitthvað fyrir alla. Þannig þetta yrði ekki þannig að þú settist niður og værir að fara að lesa 50 reynslusögur. Heldur að verið sé að reyna að fanga einhverja setmningu, einhverja orku. Hvort sem það er í gegnum orð eða myndir,“ segir Salvör. „Það sem við gerðum var að reyna að halda öllum kostnaði við bókina í lágmarki svo sem flestir gætu eignast hana. Hún er ekki gerð í gróðraskyni. Allir sem komu að gerð bókarinnar gáfu vinnu sína, sem er alls ekki sjálfgefið.“ Bókin kemur í bókabúðir næstkomandi þriðjudag, þann 27. júní og verður útgáfunni fagnað á Gamla Nýlistasafninu í Skúlagötu 28 á þriðjudaginn klukkan 18. Druslugangan verður gengin í sjöunda sinn þann 29. júlí næstkomandi frá Hallgrímskirkju. Mest lesið Þekkir dæmi um endalaus uppköst og garnalömun vegna lyfjanna Innlent Konurnar hafi gert allt til að setja ekki svartan blett á starfsemina Innlent Forsetavaktin 2024: Hver verður sjöundi forseti lýðveldisins? Innlent Bæjarstjóri sakaður um að vera njósnari: „Enginn veit hver hún er“ Erlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Áfall þegar samskipti Katrínar og Kára voru birt Innlent Gular viðvaranir víðs vegar um landið Veður Segir alvarlegt hvernig Katrín tjáði sig um Persónuvernd Innlent Færeyingar draga í land með ferðamannaskatt Erlent Fleiri fréttir Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Sjá meira
Hópurinn sem stendur að Druslugöngunni sér langþráðan draum rætast í næstu viku þegar bókin Ég er drusla kemur í búðir. Þrjú ár eru liðin síðan hugmyndin að útgáfu bókar kom upp innan hópsins og hefur verkefnið mótast mikið síðan þá. Fyrir þremur árum stóð til að gefa út ljósmyndabók en hætt var við útgáfu hennar, þegar bókin var komin úr prentun, eftir að ábending barst skipuleggjendum um að maður ótengdur Druslugöngunni, sem kom að útgáfu bókarinnar, væri kynferðisafbrotamaður. Maðurinn hefur aldrei hlotið dóm vegna málsins. „Þetta vafaatriði gerði það að verkum að við, sem stöndum að göngunni, gátum ekki lengur tekið þátt í verkefninu og við drógum okkur alfarið úr þessari útgáfu og lögðumst alfarið gegn því að hún kæmi út í þessari mynd. Það er skýrt að markmið Druslugöngunnar er að uppræta kynferðisofbeldi og segja frá og skila skömminni og það er skýrt að málstaður Druslugöngunnar er miklu, miklu stærri en einhver bók. Aldrei myndum við taka þátt í neinu sem gæti rýrt trúverðugleika göngunnar að neinu leyti,“ sagði María Rut Kristinsdóttir, þáverandi talskona Druslugöngunnar, í samtali við Vísi í júní 2015. Komið að útgáfu Bókin sem kemur út næstkomandi þriðjudag er tilraun skipuleggjenda til að fanga anda Druslugöngunnar á einhvern hátt. Um er að ræða einskonar samstarfsverkefni en rúmlega 40 manns komu að gerð bókarinnar undir ritstjórn þeirra Grétu Þorkelsdóttur, Salvarar Gullbrár Þórarinsdóttur og Hjalta Vigfússonar.Salvör Gullbrá Þórarinsdóttir „Við reyndum að hafa hópinn sem fjölbreyttastan og niðurstaðan er samansafn um 40 verka eftir ólíka listamenn. Þessi bók er í rauninni einhverskonar vettvangur fyrir þann fjölbreytta hóp sem kemur á gönguna á hvaða hátt sem er í gegnum tíðina til að tjá sig um allt frá femínisma, ofbeldismenningu og lífið sjálft,“ segir Salvör Gullbrá í samtali við Vísi. Hún segir að upp hafi komið hugmynd um að gera einhverskonar heimild um Druslugönguna en þá hafi tilfinningin fyrir verkefninu ekki verið rétt. Þegar hugmyndin hafi komið upp um að bjóða fólki að tjá sig á þann hátt sem það vill hafi hjólin farið að snúast af alvöru. „Druslugangan er fólkið sem kemur að henni og kemur í hana og tjáir sig á netinu um málefni sem tengjast henni. Hún er ekki einn viðburður, það er það sem við erum að reyna að gera með bókinni, að fanga alla þessa orku og alla þessa baráttu sem er í kringum gönguna.“Allir gefa vinnu sína Í bókinni kennir ýmissa grasa. Rut Sigurðardóttir ljósmyndari myndaði til að mynda fólk sem hefur fengið sér Druslugöngu húðflúr og reyndi að festa á filmu rými sem veita þolendum öryggi. Listamönnunum sem tóku þátt voru gefnar nokkuð frjálsar hendur. Þar er að finna ljósmyndir, texta, teikningar, greinar og hugvekjur. Adda Þóreyardóttir Smáradóttir, forsprakki Free The Nipple á Íslandi.Mynd/Rut Sigurðardóttir„Við reyndum að hafa sviðið frekar fjölbreytt, fá rithöfunda, myndlistarmenn, ljósmyndara í lið með okkur þannig að þetta yrði eitthvað fyrir alla. Þannig þetta yrði ekki þannig að þú settist niður og værir að fara að lesa 50 reynslusögur. Heldur að verið sé að reyna að fanga einhverja setmningu, einhverja orku. Hvort sem það er í gegnum orð eða myndir,“ segir Salvör. „Það sem við gerðum var að reyna að halda öllum kostnaði við bókina í lágmarki svo sem flestir gætu eignast hana. Hún er ekki gerð í gróðraskyni. Allir sem komu að gerð bókarinnar gáfu vinnu sína, sem er alls ekki sjálfgefið.“ Bókin kemur í bókabúðir næstkomandi þriðjudag, þann 27. júní og verður útgáfunni fagnað á Gamla Nýlistasafninu í Skúlagötu 28 á þriðjudaginn klukkan 18. Druslugangan verður gengin í sjöunda sinn þann 29. júlí næstkomandi frá Hallgrímskirkju.
Mest lesið Þekkir dæmi um endalaus uppköst og garnalömun vegna lyfjanna Innlent Konurnar hafi gert allt til að setja ekki svartan blett á starfsemina Innlent Forsetavaktin 2024: Hver verður sjöundi forseti lýðveldisins? Innlent Bæjarstjóri sakaður um að vera njósnari: „Enginn veit hver hún er“ Erlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Áfall þegar samskipti Katrínar og Kára voru birt Innlent Gular viðvaranir víðs vegar um landið Veður Segir alvarlegt hvernig Katrín tjáði sig um Persónuvernd Innlent Færeyingar draga í land með ferðamannaskatt Erlent Fleiri fréttir Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Sjá meira