Íslensku tryggingafélögin mega ekki sofna á verðinum Kristinn Ingi Jónsson skrifar 10. júní 2017 07:00 Volvo er einn þeirra bílaframleiðenda sem hafa stofnað sérstakt tryggingafélag, en félagið telur bíla sína það örugga að það réttlæti verulega lág iðgjöld á tryggingum þess. Vísir/EPA Útlit er fyrir að vátryggingamarkaðurinn muni taka örum breytingum á næstu árum í takt við miklar tækniframfarir. Ef íslensku tryggingafélögin bregðast ekki við þróuninni gæti skapast svigrúm fyrir erlend félög til að sækja á íslenska markaðinn og ná til sín markaðshlutdeild. Þetta segir Sigurður Örn Karlsson, greinandi hjá IFS, í samtali við Fréttablaðið. Ör tækniþróun, sem ekki fyrir löngu hljómaði sem músík í eyrum margra, mun hafa veruleg áhrif á íslensku tryggingafélögin á næstu árum. Tæknin mun gera félögin betur í stakk búin til að verðleggja tryggingar, meðal annars eftir notkun og hegðun viðskiptavina, sem ætti að öðru óbreyttu að leiða til þess að iðgjöld af tryggingum lækki hjá þeim sem lenda sjaldan í tjóni en hækki hjá tjónaþungum viðskiptavinum. Sigurður Örn segir að þeir hjá IFS séu þegar farnir að taka tillit til þessara væntanlegu breytinga við verðmat. „Við höfum aðeins dregið úr iðgjaldavextinum til lengra tíma og lækkað tjónshlutfallið. Við viljum meina að vöxtur iðgjalda gæti orðið minni en að tjónakostnaður félaganna verði að sama skapi lægri,“ nefnir hann. Takist félögunum að nýta sér þróunina sér í hag aukist með öðrum orðum líkurnar á því að tekjuvöxturinn í minnki í framtíðinni en afkoma vátryggingarekstrarins batni. Hann ítrekar þó að óvissan sé algjör. Þróunin sé hröð og óvíst sé hver áhrifin verða nákvæmlega á rekstur tryggingafélaganna. Sigurður Örn segir að helsta þróunin varði hlutanetið svonefnda (e. Internet of Things). Hann tekur dæmi: „Allir nýir bílar í framtíðinni verða á einhvern hátt tengdir í gegnum netið, símkort eða GPS. Þannig verður hægt að safna gögnum um aksturslag, til dæmis hversu hratt og mikið er keyrt, og ástand ökutækis. Slíkar upplýsingar auðvelda félögunum að verðleggja tryggingarnar.“ Hann nefnir jafnframt að með auknum öryggisbúnaði, svo sem skynjurum, myndavélum og sjálfvirkum bremsum, séu bílar að verða öruggari með hverjum degi sem líður. Það kalli á lægri iðgjöld vegna lægri tjónakostnaðar. Tryggingafélög gætu einnig, svo annað dæmi sé tekið, nýtt sér heilsuúr, sem taka niður upplýsingar um heilsufar fólks, til þess að verðleggja sjúkra- og heilsutryggingar. Mörg erlend félög eru þegar byrjuð að færa sér tæknina í nyt. Í skýrslu IFS frá því í apríl kemur meðal annars fram að sænski bílarisinn Volvo hafi stofnað sitt eigið tryggingafélag í Bretlandi sem bjóði upp á lægri iðgjöld af tryggingum á Volvo-bílum. Tesla hafi gert það sama í Asíu. Þá bjóði fjarskiptafélagið O2 í Bretlandi upp á ódýrar ökutækjatryggingar í gegnum snjallforrit sem viðskiptavinir þurfa að hala niður í símana sína. Snjallforritið getur mælt aksturslag viðkomandi ökumanns og hvatt hann til þess að bæta ráð sitt. Sigurður Örn segir að ekki muni líða langur tími þar til íslensku tryggingafélögin fari að bjóða upp á lausnir sem þessar. Þau verði að halda vel á spöðunum ef þau ætli sér ekki að verða undir í samkeppninni.Hærra verðmat á tryggingafélögunumGreiningarfyrirtækið IFS hækkaði fyrr í vikunni verðmat sitt á hlutabréfum í tryggingafélögunum þremur sem skráð eru á markað. Sérfræðingar IFS benda þó á að átökin sem sett hafa mark sitt á störf stjórnar VÍS undanfarna mánuði kasti skugga á félagið og geti, að minnsta kosti til skemmri tíma, skaðað það. IFS metur virði félaganna þriggja, VÍS, Sjóvár og TM, samanlagt á 75,1 milljarð króna samkvæmt nýjum virðismötum sem Fréttablaðið hefur undir höndum. Miðað við gengi bréfa í félögunum við lok markaðar á föstudag telur IFS að fjárfestar eigi að halda hlutum sínum í þeim. Markaðsvirði félaganna hefur hækkað að undanförnu vegna meðal annars væntinga um betri afkomu af vátryggingarekstri, að sögn IFS. Birtist í Fréttablaðinu Mest lesið Ætla að bjóða vaxtalaus lán í aðdraganda mánaðamóta Viðskipti innlent „Ég einfaldlega spurði kennarann: Ertu ekki að djóka?!“ Atvinnulíf Heitur pottur og sauna, tvenna sem getur ekki klikkað! Samstarf Vopnfirska kjötsúpan stoltið hjá efnahagsráðgjafa ríkistjórnarinnar Atvinnulíf „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf „Ég var pæja sem vildi ekki vera með ljótan gulan hatt á hausnum“ Atvinnulíf Hægir á verðhækkunum matvöru Neytendur „Gátum ekki setið og beðið endalaust“ Neytendur Merkum áfanga fagnað í verslun BYKO á Selfossi Samstarf Muni gera meiri kröfur til áfengiskaupenda en flestir aðrir Viðskipti innlent Fleiri fréttir Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Sjá meira
Útlit er fyrir að vátryggingamarkaðurinn muni taka örum breytingum á næstu árum í takt við miklar tækniframfarir. Ef íslensku tryggingafélögin bregðast ekki við þróuninni gæti skapast svigrúm fyrir erlend félög til að sækja á íslenska markaðinn og ná til sín markaðshlutdeild. Þetta segir Sigurður Örn Karlsson, greinandi hjá IFS, í samtali við Fréttablaðið. Ör tækniþróun, sem ekki fyrir löngu hljómaði sem músík í eyrum margra, mun hafa veruleg áhrif á íslensku tryggingafélögin á næstu árum. Tæknin mun gera félögin betur í stakk búin til að verðleggja tryggingar, meðal annars eftir notkun og hegðun viðskiptavina, sem ætti að öðru óbreyttu að leiða til þess að iðgjöld af tryggingum lækki hjá þeim sem lenda sjaldan í tjóni en hækki hjá tjónaþungum viðskiptavinum. Sigurður Örn segir að þeir hjá IFS séu þegar farnir að taka tillit til þessara væntanlegu breytinga við verðmat. „Við höfum aðeins dregið úr iðgjaldavextinum til lengra tíma og lækkað tjónshlutfallið. Við viljum meina að vöxtur iðgjalda gæti orðið minni en að tjónakostnaður félaganna verði að sama skapi lægri,“ nefnir hann. Takist félögunum að nýta sér þróunina sér í hag aukist með öðrum orðum líkurnar á því að tekjuvöxturinn í minnki í framtíðinni en afkoma vátryggingarekstrarins batni. Hann ítrekar þó að óvissan sé algjör. Þróunin sé hröð og óvíst sé hver áhrifin verða nákvæmlega á rekstur tryggingafélaganna. Sigurður Örn segir að helsta þróunin varði hlutanetið svonefnda (e. Internet of Things). Hann tekur dæmi: „Allir nýir bílar í framtíðinni verða á einhvern hátt tengdir í gegnum netið, símkort eða GPS. Þannig verður hægt að safna gögnum um aksturslag, til dæmis hversu hratt og mikið er keyrt, og ástand ökutækis. Slíkar upplýsingar auðvelda félögunum að verðleggja tryggingarnar.“ Hann nefnir jafnframt að með auknum öryggisbúnaði, svo sem skynjurum, myndavélum og sjálfvirkum bremsum, séu bílar að verða öruggari með hverjum degi sem líður. Það kalli á lægri iðgjöld vegna lægri tjónakostnaðar. Tryggingafélög gætu einnig, svo annað dæmi sé tekið, nýtt sér heilsuúr, sem taka niður upplýsingar um heilsufar fólks, til þess að verðleggja sjúkra- og heilsutryggingar. Mörg erlend félög eru þegar byrjuð að færa sér tæknina í nyt. Í skýrslu IFS frá því í apríl kemur meðal annars fram að sænski bílarisinn Volvo hafi stofnað sitt eigið tryggingafélag í Bretlandi sem bjóði upp á lægri iðgjöld af tryggingum á Volvo-bílum. Tesla hafi gert það sama í Asíu. Þá bjóði fjarskiptafélagið O2 í Bretlandi upp á ódýrar ökutækjatryggingar í gegnum snjallforrit sem viðskiptavinir þurfa að hala niður í símana sína. Snjallforritið getur mælt aksturslag viðkomandi ökumanns og hvatt hann til þess að bæta ráð sitt. Sigurður Örn segir að ekki muni líða langur tími þar til íslensku tryggingafélögin fari að bjóða upp á lausnir sem þessar. Þau verði að halda vel á spöðunum ef þau ætli sér ekki að verða undir í samkeppninni.Hærra verðmat á tryggingafélögunumGreiningarfyrirtækið IFS hækkaði fyrr í vikunni verðmat sitt á hlutabréfum í tryggingafélögunum þremur sem skráð eru á markað. Sérfræðingar IFS benda þó á að átökin sem sett hafa mark sitt á störf stjórnar VÍS undanfarna mánuði kasti skugga á félagið og geti, að minnsta kosti til skemmri tíma, skaðað það. IFS metur virði félaganna þriggja, VÍS, Sjóvár og TM, samanlagt á 75,1 milljarð króna samkvæmt nýjum virðismötum sem Fréttablaðið hefur undir höndum. Miðað við gengi bréfa í félögunum við lok markaðar á föstudag telur IFS að fjárfestar eigi að halda hlutum sínum í þeim. Markaðsvirði félaganna hefur hækkað að undanförnu vegna meðal annars væntinga um betri afkomu af vátryggingarekstri, að sögn IFS.
Birtist í Fréttablaðinu Mest lesið Ætla að bjóða vaxtalaus lán í aðdraganda mánaðamóta Viðskipti innlent „Ég einfaldlega spurði kennarann: Ertu ekki að djóka?!“ Atvinnulíf Heitur pottur og sauna, tvenna sem getur ekki klikkað! Samstarf Vopnfirska kjötsúpan stoltið hjá efnahagsráðgjafa ríkistjórnarinnar Atvinnulíf „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf „Ég var pæja sem vildi ekki vera með ljótan gulan hatt á hausnum“ Atvinnulíf Hægir á verðhækkunum matvöru Neytendur „Gátum ekki setið og beðið endalaust“ Neytendur Merkum áfanga fagnað í verslun BYKO á Selfossi Samstarf Muni gera meiri kröfur til áfengiskaupenda en flestir aðrir Viðskipti innlent Fleiri fréttir Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Sjá meira