Eins og að sturta niður demöntum Þórdís Lilja Gunnarsdóttir skrifar 14. júní 2017 09:45 Frímann í Legóbúðinni hefur kubbað í tæp þrjátíu ár. Hann vonast til að sem flestir komi til að býtta í von um að fá kallana sem þá vantar. MYND/ANTON BRINK Legóbúðin býður í býttidag á mínífígúrum í dag, fimmtudag. Atvinnunördinn Frímann Valdimarsson ætlar að mæta með fágæta kalla úr einkasafninu, eins og eldgamla geimfara. „Það eru allir að tala um Mr. Gold. Hann er sjaldgæfastur og verðmætastur,“ upplýsir Frímann um eftirsóttustu mínífígúru (e. minifigures) Lego sem framleidd var árið 2013 í takmörkuðu upplagi í tíundu seríu. "Þá voru 5.000 stykki af Herra Gulli sett í staka poka og dreift um heimsbyggðina og nú, fjórum árum síðar, er helmingurinn enn ófundinn.” Á uppboðsvefnum eBay er Mr. Gold metinn á 2.000 Bandaríkjadali, eða tæpar 200 þúsund krónur. „Á lista yfir hundrað verðmætustu mínífígúrur Lego eru sögupersónur Star Wars ráðandi. Meðal annars eru til tvö eintök af Boba Fett úr 14 karata gulli og kosta tvær milljónir stykkið. Kaupendur í dótabúðum detta ekki í lukkupottinn með slíkar gersemar, því þær eru sérframleiddar og seldar, en Mr. Gold má enn hnjóta um í leikfangabúðum heimsins,“ segir Frímann sem sjálfur er mikill Lego-nörd og keypti sér nýlega Ghost Busters-sett með tíu fígúrum á 40 þúsund krónur. „Þar með eignaðist ég langþráða sögupersónu Bills Murray úr Ghost Busters, sem er uppáhaldið mitt.“ Persónur úr Star Wars eru áberandi í 100 efstu sætunum um verðmætustu mínífígúrur Lego.MYND/ANTON BRINKDýrmætur fjársjóðurFrímann segir marga í leit að Svarthöfða úr Stjörnustríði og hægt sé að hafa dágott upp úr krafsinu eigi maður verðmætar fígúrur eða heilu settin í fórum sínum. „Til dæmis eru stakar fígúrur úr Millennium Falcon-setti Star Wars mjög verðmætar og eigi maður á settið með öllu eykst verðgildið enn meir. Ég segi iðulega við foreldra barna sem hingað koma, og helst í áheyrn barnanna, að kaupa ekki meira Lego fyrr en börnin kunni að passa upp á settin sín og kallana sem orðið geta fágætir. Söfnunarleið nördsins er að gæta þess að hafa allt úr sama setti í einum kassa svo það blandist ekki öðru. Með því átta krakkar sig á því, og oft í fyrsta sinn, að þau eiga verðmæti í leikfangasafninu og gott að hafa á bak við eyrað að söfnunargildi Lego eykst með tímanum og að alvöru stöff leynist inni á milli.“ Sjálfur gaf Frímann litla bróður sínum fokdýrt sett með verðmætri fígúru. „Næst þegar ég kom í heimsókn var búið að taka hendurnar af kallinum og setja nýjar í staðinn. Þá barði ég í borðið og sagði að þetta gengi bara ekki! Þetta væri eins og að sturta niður demöntum!“ segir hann og brosir, en öllu gamni fylgir alvara. „Lego-kallar og sett eru ekki endalaust til. Hver sería er að meðaltali í sölu í eitt til tvö ár. Þannig dettur Force Awakens-línan úr Star Wars út í desember næstkomandi, og um leið og framleiðslu er hætt en einhver á hana til í óopnuðum pakkningum getur hún rokið upp í verði.“Heillandi og frægir kallarÍ dag býður Legóbúðin í Smáralind öllum að koma og býtta á mínífígúrum. Býttað verður á vegum búðarinnar frá hádegi til kvölds en á milli klukkan 17 og 19 býðst öllum að koma með kallana sína og býtta við aðra gesti Legóbúðarinnar. „Við elskum þessa litlu Lego-kalla og fyrir þá sem vantar einn kall í sett eða eru að leita að ákveðnum kalli er tilvalið að mæta á svona býttidag. Við höfum þegar togað í nokkra spotta og búin að verða okkur úti um alveg helling af eldri gerðum af Minifigures-pokum,“ upplýsir Frímann spenntur. Hvað eftirsóknarverðast sé á býttidegi sem þessum segir Frímann fara eftir áhugasviði hvers og eins. „Í Batman-seríunni, sem hætti 1. maí, voru nokkrar fígúrur mjög vinsælar, eins og Jókerinn, Harley Quinn og Glam Rock-útgáfan af Batman, en í þeirri seríu voru alls tuttugu fígúrur úr Batman Lego-bíómyndinni. Þessar vinsælustu voru þó ekki í settunum sjálfum heldur eingöngu seldar sér og því ekki hægt að fá með öðrum hætti.“Legónördar á áttræðisaldriMínífígúrur Lego komu fyrst á markað 1978. Í tölfræði Lego segir að til ársins 2010 hafi verið framleiddar 3,7 milljarðar fígúra og eru persónur fígúrukallanna yfir 3.600 talsins. „Fyrstu mínífígúrurnar voru allar eins, með rauðan búk og handalausar, og réði ímyndunaraflið hver væri hvaða persóna í leik. Árið 1980 fengu kallarnir loks hendur og hafa litið eins út síðan. Mínífígúrur í stökum pokum eru sjóðheitar til söfnunar og reynt að safna köllum úr hverri seríu sem komnar eru yfir tuttugu alls,“ segir Frímann innan um stútfulla kassa af mínífígúrugóssi sem bíða býttis. „Mann vantar alltaf kalla! Brátt verð ég þrítugur og þótt ég hafi kubbað stöðugt í 26 ár og sé kominn með ágætis safn vantar mig enn nokkra góða. Vonandi kemur hellingur af liði til að býtta!“ Í Lego-búðinni vinna eingöngu Lego-nördar enda finnst Frímanni lykilatriði að viðskiptavinir komi ekki að tómum kofunum með eitt eða neitt sem viðkemur Lego. „Þeir sem koma fagnandi á býttidag eru allt frá krökkum yfir í áttræða Lego-nörda. Þetta er afar vinsælt hjá krökkum en líka fullorðnu fólki og eru nokkrir öldungar sem koma hingað reglulega til að spjalla um Lego í þrjá, fjóra tíma, sem okkur þykir auðvitað mjög skemmtilegt.“Mínifígúrudagur Legóbúðarinnar í Smáralind er í dag, fimmtudag, frá klukkan 12 til 21. Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Sonurinn skírður Lífið Gylfi og Alexandra eiga von á barni Lífið „Ég dreg mig í hlé og fer bara og stofna kaffihús“ Lífið Bernard Hill er látinn Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Krakkatían: Kolbeinn kafteinn, langspil og hvolpar Lífið Fataherbergið seldi henni íbúðina strax Tíska og hönnun Fleiri fréttir Sonurinn skírður Gylfi og Alexandra eiga von á barni Bernard Hill er látinn Krakkatían: Kolbeinn kafteinn, langspil og hvolpar Hvernig bíla eiga frambjóðendur? Bílablinda, lögregluleyfi og draumur um Volvo Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Sjá meira
Legóbúðin býður í býttidag á mínífígúrum í dag, fimmtudag. Atvinnunördinn Frímann Valdimarsson ætlar að mæta með fágæta kalla úr einkasafninu, eins og eldgamla geimfara. „Það eru allir að tala um Mr. Gold. Hann er sjaldgæfastur og verðmætastur,“ upplýsir Frímann um eftirsóttustu mínífígúru (e. minifigures) Lego sem framleidd var árið 2013 í takmörkuðu upplagi í tíundu seríu. "Þá voru 5.000 stykki af Herra Gulli sett í staka poka og dreift um heimsbyggðina og nú, fjórum árum síðar, er helmingurinn enn ófundinn.” Á uppboðsvefnum eBay er Mr. Gold metinn á 2.000 Bandaríkjadali, eða tæpar 200 þúsund krónur. „Á lista yfir hundrað verðmætustu mínífígúrur Lego eru sögupersónur Star Wars ráðandi. Meðal annars eru til tvö eintök af Boba Fett úr 14 karata gulli og kosta tvær milljónir stykkið. Kaupendur í dótabúðum detta ekki í lukkupottinn með slíkar gersemar, því þær eru sérframleiddar og seldar, en Mr. Gold má enn hnjóta um í leikfangabúðum heimsins,“ segir Frímann sem sjálfur er mikill Lego-nörd og keypti sér nýlega Ghost Busters-sett með tíu fígúrum á 40 þúsund krónur. „Þar með eignaðist ég langþráða sögupersónu Bills Murray úr Ghost Busters, sem er uppáhaldið mitt.“ Persónur úr Star Wars eru áberandi í 100 efstu sætunum um verðmætustu mínífígúrur Lego.MYND/ANTON BRINKDýrmætur fjársjóðurFrímann segir marga í leit að Svarthöfða úr Stjörnustríði og hægt sé að hafa dágott upp úr krafsinu eigi maður verðmætar fígúrur eða heilu settin í fórum sínum. „Til dæmis eru stakar fígúrur úr Millennium Falcon-setti Star Wars mjög verðmætar og eigi maður á settið með öllu eykst verðgildið enn meir. Ég segi iðulega við foreldra barna sem hingað koma, og helst í áheyrn barnanna, að kaupa ekki meira Lego fyrr en börnin kunni að passa upp á settin sín og kallana sem orðið geta fágætir. Söfnunarleið nördsins er að gæta þess að hafa allt úr sama setti í einum kassa svo það blandist ekki öðru. Með því átta krakkar sig á því, og oft í fyrsta sinn, að þau eiga verðmæti í leikfangasafninu og gott að hafa á bak við eyrað að söfnunargildi Lego eykst með tímanum og að alvöru stöff leynist inni á milli.“ Sjálfur gaf Frímann litla bróður sínum fokdýrt sett með verðmætri fígúru. „Næst þegar ég kom í heimsókn var búið að taka hendurnar af kallinum og setja nýjar í staðinn. Þá barði ég í borðið og sagði að þetta gengi bara ekki! Þetta væri eins og að sturta niður demöntum!“ segir hann og brosir, en öllu gamni fylgir alvara. „Lego-kallar og sett eru ekki endalaust til. Hver sería er að meðaltali í sölu í eitt til tvö ár. Þannig dettur Force Awakens-línan úr Star Wars út í desember næstkomandi, og um leið og framleiðslu er hætt en einhver á hana til í óopnuðum pakkningum getur hún rokið upp í verði.“Heillandi og frægir kallarÍ dag býður Legóbúðin í Smáralind öllum að koma og býtta á mínífígúrum. Býttað verður á vegum búðarinnar frá hádegi til kvölds en á milli klukkan 17 og 19 býðst öllum að koma með kallana sína og býtta við aðra gesti Legóbúðarinnar. „Við elskum þessa litlu Lego-kalla og fyrir þá sem vantar einn kall í sett eða eru að leita að ákveðnum kalli er tilvalið að mæta á svona býttidag. Við höfum þegar togað í nokkra spotta og búin að verða okkur úti um alveg helling af eldri gerðum af Minifigures-pokum,“ upplýsir Frímann spenntur. Hvað eftirsóknarverðast sé á býttidegi sem þessum segir Frímann fara eftir áhugasviði hvers og eins. „Í Batman-seríunni, sem hætti 1. maí, voru nokkrar fígúrur mjög vinsælar, eins og Jókerinn, Harley Quinn og Glam Rock-útgáfan af Batman, en í þeirri seríu voru alls tuttugu fígúrur úr Batman Lego-bíómyndinni. Þessar vinsælustu voru þó ekki í settunum sjálfum heldur eingöngu seldar sér og því ekki hægt að fá með öðrum hætti.“Legónördar á áttræðisaldriMínífígúrur Lego komu fyrst á markað 1978. Í tölfræði Lego segir að til ársins 2010 hafi verið framleiddar 3,7 milljarðar fígúra og eru persónur fígúrukallanna yfir 3.600 talsins. „Fyrstu mínífígúrurnar voru allar eins, með rauðan búk og handalausar, og réði ímyndunaraflið hver væri hvaða persóna í leik. Árið 1980 fengu kallarnir loks hendur og hafa litið eins út síðan. Mínífígúrur í stökum pokum eru sjóðheitar til söfnunar og reynt að safna köllum úr hverri seríu sem komnar eru yfir tuttugu alls,“ segir Frímann innan um stútfulla kassa af mínífígúrugóssi sem bíða býttis. „Mann vantar alltaf kalla! Brátt verð ég þrítugur og þótt ég hafi kubbað stöðugt í 26 ár og sé kominn með ágætis safn vantar mig enn nokkra góða. Vonandi kemur hellingur af liði til að býtta!“ Í Lego-búðinni vinna eingöngu Lego-nördar enda finnst Frímanni lykilatriði að viðskiptavinir komi ekki að tómum kofunum með eitt eða neitt sem viðkemur Lego. „Þeir sem koma fagnandi á býttidag eru allt frá krökkum yfir í áttræða Lego-nörda. Þetta er afar vinsælt hjá krökkum en líka fullorðnu fólki og eru nokkrir öldungar sem koma hingað reglulega til að spjalla um Lego í þrjá, fjóra tíma, sem okkur þykir auðvitað mjög skemmtilegt.“Mínifígúrudagur Legóbúðarinnar í Smáralind er í dag, fimmtudag, frá klukkan 12 til 21.
Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Sonurinn skírður Lífið Gylfi og Alexandra eiga von á barni Lífið „Ég dreg mig í hlé og fer bara og stofna kaffihús“ Lífið Bernard Hill er látinn Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Krakkatían: Kolbeinn kafteinn, langspil og hvolpar Lífið Fataherbergið seldi henni íbúðina strax Tíska og hönnun Fleiri fréttir Sonurinn skírður Gylfi og Alexandra eiga von á barni Bernard Hill er látinn Krakkatían: Kolbeinn kafteinn, langspil og hvolpar Hvernig bíla eiga frambjóðendur? Bílablinda, lögregluleyfi og draumur um Volvo Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Sjá meira