Þar sat skáldið og skrifaði og teiknaði Gunnþóra Gunnarsdóttir skrifar 15. júní 2017 10:45 Hjörleifur Stefánsson var arkitekt að endurgerð hússins. Gröndalshús í Grjótaþorpinu verður opnað almenningi á þjóðhátíðardaginn. Með því verður minning Benedikts Gröndal (1826–1907) skálds og fræðimanns, heiðruð og ævi hans og verk verða kynnt. Ragnhildur Gröndal hefur upp raust sína í húsinu um klukkan 15 og syngur nokkur lög og klukkan 16 mun Guðmundur Andri Thorsson rithöfundur fjalla um Benedikt Gröndal og verk hans. Benedikt bjó í húsinu í tuttugu ár, ásamt dóttur sinni Helgu og tveimur vinnukonum, og þar vann hann sín helstu verk, eins og Dýraríki Íslands og Fuglabókina. Einnig er talið að hann hafi skrifað sjálfsævisögu sína Dægradvöl þar og ritgerðina Reykjavík um aldamótin 1900. Á þeim tíma stóð húsið reyndar við Vesturgötu 16a en nú er það á horni Fischersunds og Mjóstrætis. Það hefur nú verið gert upp og verður rekið sem menningarhús. Vinnuaðstaða fyrir rithöfunda, fræðimenn og þýðendur verður í risi hússins og í kjallaranum er skáldaíbúð þar sem Bókmenntaborgin Reykjavík mun bjóða erlendum listamönnum að dvelja til skemmri tíma til að kynnast íslenskri menningu, landi og þjóð. Frítt er inn í Gröndalshús opnunarhelgina en eftir það verður aðgangseyrir þúsund krónur. Arkitektinn Hjörleifur Stefánsson teiknaði endurgerð hússins en Minjavernd hafði umsjón með endurbótunum. Sýningarhönnuðir eru Snæfríður Þorsteinsdóttir og Hildigunnur Gunnarsdóttir. Margmiðlunarsýningu hönnuðu Phoebe Jenkins og Ben Moody en textagerð var í höndum Guðmundar Andra Thorssonar. Sýningarstjórar í húsinu eru Kristín Viðarsdóttir og Lára Aðalsteinsdóttir. Gröndalshús verður á forræði Reykjavíkur Bókmenntaborgar UNESCO. Menning Mest lesið Ofboðslega stolt af dóttur sinni Lífið „Ef við erum lausnamiðuð þá sköpum við tækifærin“ Lífið Klæddu sig upp sem frambjóðendur Lífið Bannaði Snorra að kjósa Arnar Þór Lífið Myndaveisla: Rosaleg stemming í kosningavökunum Lífið „Býr ekki lítil kerling innra með okkur öllum?“ Lífið „Svo góð tilfinning að endurheimta sjálfa sig“ Tónlist Davíð Helgason og Isabella eignuðust dreng Lífið Tvöföld veisla hjá Gnarr feðgum Lífið Krakkatían: Forsetaefni, Disney og tónlist Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
Gröndalshús í Grjótaþorpinu verður opnað almenningi á þjóðhátíðardaginn. Með því verður minning Benedikts Gröndal (1826–1907) skálds og fræðimanns, heiðruð og ævi hans og verk verða kynnt. Ragnhildur Gröndal hefur upp raust sína í húsinu um klukkan 15 og syngur nokkur lög og klukkan 16 mun Guðmundur Andri Thorsson rithöfundur fjalla um Benedikt Gröndal og verk hans. Benedikt bjó í húsinu í tuttugu ár, ásamt dóttur sinni Helgu og tveimur vinnukonum, og þar vann hann sín helstu verk, eins og Dýraríki Íslands og Fuglabókina. Einnig er talið að hann hafi skrifað sjálfsævisögu sína Dægradvöl þar og ritgerðina Reykjavík um aldamótin 1900. Á þeim tíma stóð húsið reyndar við Vesturgötu 16a en nú er það á horni Fischersunds og Mjóstrætis. Það hefur nú verið gert upp og verður rekið sem menningarhús. Vinnuaðstaða fyrir rithöfunda, fræðimenn og þýðendur verður í risi hússins og í kjallaranum er skáldaíbúð þar sem Bókmenntaborgin Reykjavík mun bjóða erlendum listamönnum að dvelja til skemmri tíma til að kynnast íslenskri menningu, landi og þjóð. Frítt er inn í Gröndalshús opnunarhelgina en eftir það verður aðgangseyrir þúsund krónur. Arkitektinn Hjörleifur Stefánsson teiknaði endurgerð hússins en Minjavernd hafði umsjón með endurbótunum. Sýningarhönnuðir eru Snæfríður Þorsteinsdóttir og Hildigunnur Gunnarsdóttir. Margmiðlunarsýningu hönnuðu Phoebe Jenkins og Ben Moody en textagerð var í höndum Guðmundar Andra Thorssonar. Sýningarstjórar í húsinu eru Kristín Viðarsdóttir og Lára Aðalsteinsdóttir. Gröndalshús verður á forræði Reykjavíkur Bókmenntaborgar UNESCO.
Menning Mest lesið Ofboðslega stolt af dóttur sinni Lífið „Ef við erum lausnamiðuð þá sköpum við tækifærin“ Lífið Klæddu sig upp sem frambjóðendur Lífið Bannaði Snorra að kjósa Arnar Þór Lífið Myndaveisla: Rosaleg stemming í kosningavökunum Lífið „Býr ekki lítil kerling innra með okkur öllum?“ Lífið „Svo góð tilfinning að endurheimta sjálfa sig“ Tónlist Davíð Helgason og Isabella eignuðust dreng Lífið Tvöföld veisla hjá Gnarr feðgum Lífið Krakkatían: Forsetaefni, Disney og tónlist Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira