Erlent

Gagnrýna sölu njósnabúnaðar

Ingibjörg Bára Sveinsdóttir skrifar
Hægt er að njósna um heilar þjóðir með búnaðinum sem Danir seldu til Miðausturlanda.
Hægt er að njósna um heilar þjóðir með búnaðinum sem Danir seldu til Miðausturlanda. Vísir/AFP

Mannréttindasamtökin Amnesty International gagnrýna harðlega að dönsk yfirvöld hafi gefið leyfi fyrir sölu á tæknibúnaði til Sádi-Arabíu, Óman og Katar sem gerir viðkomandi yfirvöldum kleift að njósna um heilar þjóðir á netinu, að mati sérfræðings við Berkeley-háskólann í Bandaríkjunum.

Fyrrverandi starfsmaður fyrirtækisins sem seldi búnaðinn staðfestir þetta mat bandaríska sérfræðingsins í viðtali við danska blaðið Information.

Evrópusambandið hefur sett reglur sem eiga að koma í veg fyrir að evrópsk tækni verði notuð til að kúga fólk í einræðisríkjum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira