Ætlar Airbnb á markað? Birgir Stefánsson skrifar 10. maí 2017 12:00 Airbnb hefur formlega lokið eins milljarðs dollara fjármögnun á lokuðum markaði sem gerir núverandi verðmæti fyrirtækisins um 31 milljarð dollara, en það voru fjárfestahóparnir Google Capital og Technology Crossover Venture sem leiddu kaupin. Forstjóri Airbnb, Brian Chesky, virðist ekki vera á þeim buxunum að flýta fyrir skráningu fyrirtækisins á hlutabréfamarkað þrátt fyrir þrálátan orðróm og að staða þess sé betri en margra sem nýlega hafa farið í gegnum skráningu vestanhafs. Frekari fjármögnun virðist vera auðveld en undanfarin ár hefur tekist að safna þremur milljörðum dollara án þess að tilkynnt hafi verið um skráningu. Seinni helming ársins 2016 skilaði Airbnb um 450 milljónum dollara í brúttóhagnað af um 2,8 milljarða tekjum. Til samanburðar má nefna að Snapchat, sem nýverið var tekið til viðskipta í kauphöll, skilaði tapi upp á 514 milljónir dollara í fyrra. Til skamms tíma má segja að tekjur fyrirtækisins séu nokkuð fyrirsjáanlegar sem ætti að vera gott veganesti til skráningar á markað. En hvers vegna fara þeir ekki á markað strax? Einn möguleiki er að fyrirtækið vilji sýna meiri hagnað áður en formlegt skráningarferli hefst. Annar möguleiki er áhersla á aukna fjölbreytni í tekjuöflun fyrirtækisins sem hefur sýnt sig í yfirtökum og samrunum síðustu ára. Netsíðan Luxury Retreats var keypt, en þar er hægt að bóka frí með fullri þjónustu. Einnig keypti Airbnb fyrirtækið Tilt sem þróar greiðsluferli í gegnum samfélagsmiðla. Þar sem fyrirtækið stendur vel er ekki ólíklegt að það haldi áfram að tryggja stoðir fyrirtækisins með fleiri tekjupóstum til að vera enn betur undir skráningu búið þegar og ef að slíku kemur. Nýjasta þjónustuframboð Airbnb er svokallað Airbnb Trips, sem býður viðskiptavinum afþreyingu sem er stýrt af heimamönnum á hverjum áfangastað. Næsta viðbót er talin vera valmöguleikinn á bókun flugs í gegnum heimasíðuna sem myndi loka hringnum fyrir ferðabókun viðskiptavina. Getur Airbnb hækkað enn frekar í virði? Áhugavert verður að sjá hvort félaginu takist að vaxa hraðar en aðrir keppinautar og tryggja sér afgerandi forskot á þessum ört vaxandi markaði. Hið nýja módel brýtur upp gamla formið á hótel- og gistihúsabókunum þar sem ekki þarf lengur að vera með mikinn rekstur í kringum útleigu á íbúð eða húsum og auðvelt er að komast í samband við kaupendur og seljendur þjónustunnar. Í dag er Airbnb langt komið með að vera stærsti einstaki söluaðilinn í alþjóðlega ferðamannabransanum, sem er með um 2.000 milljarða dollara í árlega veltu. Þannig er Airbnb orðið verðmætara en hótelkeðjurnar Hilton og Hyatt, flugfélögin United Airlines og American Airlines sem og netsíður Expedia og Ctrip. Fjárfestar hafa þó ástæðu til að hafa varann á vegna aukinnar samkeppni, vaxandi kvaða frá yfirvöldum og síðast en ekki síst hækkandi verðlags. Talsvert er rætt um möguleikann á skráningu félagsins á markað en ýmislegt getur haft áhrif á verðið þegar og ef þar að kemur. Eftirtalin fimm atriði gera stöðu fyrirtækisins sterka og möguleika á enn frekari vexti: 1) Airbnb keppir á stórum markaði sem tekur örum breytingum. 2) Airbnb hagnast á breyttum ferðavenjum ferðamanna. 3) Félagið er nú þegar leiðandi í útleigu á gistirými sem ekki telst til hótels eða gistiheimila. 4) Vaxtarmöguleikar eru margir og áhugaverðir og fyrirtækið er þegar byrjað að breikka starfsemi sína. 5) Opið og gegnsætt markaðstorg kaupenda og seljanda hefur reynst vel. Ljóst er að Airbnb er að vaxa hratt á markaði sem ekki var til fyrir nokkrum árum en tilheyrir hinum risastóra markaði ferðamennsku sem hefur alla möguleika til að vaxa enn meira á næstu árum. Það verður því spennandi að fylgjast með viðtökunum ef af skráningu verður. Viltu birta grein á Vísi? Sendu okkur póst. Senda grein Mest lesið Satt og logið Bryndís Schram Skoðun Má „ég líka“ fá hærri laun? Inga María Hlíðar Thorsteinson Skoðun Svik við þjóðina Alfreð Sturla Böðvarsson Skoðun Er starf mitt sem hjúkrunarfræðingur ósýnilegt? Henný Björk Birgisdóttir Skoðun Hraðlest: töfralausn? Haraldur Sigþórsson og Inga María Árnadóttir Skoðun Hégómastefna Inga María Hlíðar Thorsteinson Skoðun Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir Skoðun Stöndum vörð um úthverfin Inga María Hlíðar Thorsteinson Skoðun Þarf breytingar í borginni? Inga María Hlíðar Thorsteinsson Skoðun Er þetta í alvöru verðlaunaefni? Snorri Másson Skoðun Skoðun Skoðun Framtíð innri markaðarins Gunnar Bragi Sveinsson skrifar Skoðun Satt og logið Bryndís Schram skrifar Skoðun Alþjóðlegi leiðsöguhundadagurinn Sigþór U. Hallfreðsson skrifar Skoðun Framsókn leggst ekki í duftið Guðmundur Birkir Þorkelsson skrifar Skoðun Að dreyma um alheim góðvildar Valerio Gargiulo skrifar Skoðun Að bjarga sex lífum á mínútu í hálfa öld Birna Þórarinsdóttir skrifar Skoðun Þegar þú ert báknið Gabríel Ingimarsson skrifar Skoðun Svik við þjóðina Alfreð Sturla Böðvarsson skrifar Skoðun Innivist er mikilvægasti þátturinn við hönnun íbúða! Ásta Logadóttir skrifar Skoðun Brautryðjandinn Baldur Þóra Björk Smith skrifar Skoðun Katrín og Gunnar? Hjörtur J. Guðmundsson skrifar Skoðun Ótímabundin leyfi, ótímabundið náttúruníð Elvar Örn Friðriksson skrifar Skoðun Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir skrifar Skoðun Er stóraukin lýðræðisþátttaka ekki verðlaunaefni? Einar Freyr Elínarson skrifar Skoðun Árangur gegn verðbólgu Þórdís Kolbrún R. Gylfadóttir skrifar Skoðun Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir skrifar Skoðun Hvar er híbýlaauður? Anna María Bogadóttir skrifar Skoðun Áhugaverðir tímar kalla á áhugaverðan forseta Cody Alexander Skahan skrifar Skoðun Biskup í tengslum Guðrún Karls Helgudóttir skrifar Skoðun Guðrún biskup – til heilla fyrir okkur öll! Arndís Steinþórsdóttir,Glóey Helgudótir Finnsdóttir skrifar Skoðun Dýravelferðarmartröð af áður óþekktri stærð Benedikta Guðrún Svavarsdóttir skrifar Skoðun Uppskera að vori Lilja Dögg Alfreðsdóttir skrifar Skoðun Er menning stórmál? Ingibjörg Ösp Stefánsdóttir skrifar Skoðun Það vantar vanan og áreiðanlegan mann í verkið Haraldur Ólafsson skrifar Skoðun Leikskólamál eru forgangsmál Hólmfríður Jennýjar Árnadóttir,Álfhildur Leifsdóttir skrifar Skoðun Himinhátt innanlandsflug Ingibjörg Isaksen skrifar Skoðun Hefur allt sem þarf Vilborg Gunnarsdóttir skrifar Skoðun Af hverju að gera rekstraráætlun? Karl Sólnes Jónsson skrifar Skoðun Norskur skammtímagróði Gunnlaugur Stefánsson skrifar Skoðun Æpandi vanþekking Hjálmar Jónsson skrifar Sjá meira
Airbnb hefur formlega lokið eins milljarðs dollara fjármögnun á lokuðum markaði sem gerir núverandi verðmæti fyrirtækisins um 31 milljarð dollara, en það voru fjárfestahóparnir Google Capital og Technology Crossover Venture sem leiddu kaupin. Forstjóri Airbnb, Brian Chesky, virðist ekki vera á þeim buxunum að flýta fyrir skráningu fyrirtækisins á hlutabréfamarkað þrátt fyrir þrálátan orðróm og að staða þess sé betri en margra sem nýlega hafa farið í gegnum skráningu vestanhafs. Frekari fjármögnun virðist vera auðveld en undanfarin ár hefur tekist að safna þremur milljörðum dollara án þess að tilkynnt hafi verið um skráningu. Seinni helming ársins 2016 skilaði Airbnb um 450 milljónum dollara í brúttóhagnað af um 2,8 milljarða tekjum. Til samanburðar má nefna að Snapchat, sem nýverið var tekið til viðskipta í kauphöll, skilaði tapi upp á 514 milljónir dollara í fyrra. Til skamms tíma má segja að tekjur fyrirtækisins séu nokkuð fyrirsjáanlegar sem ætti að vera gott veganesti til skráningar á markað. En hvers vegna fara þeir ekki á markað strax? Einn möguleiki er að fyrirtækið vilji sýna meiri hagnað áður en formlegt skráningarferli hefst. Annar möguleiki er áhersla á aukna fjölbreytni í tekjuöflun fyrirtækisins sem hefur sýnt sig í yfirtökum og samrunum síðustu ára. Netsíðan Luxury Retreats var keypt, en þar er hægt að bóka frí með fullri þjónustu. Einnig keypti Airbnb fyrirtækið Tilt sem þróar greiðsluferli í gegnum samfélagsmiðla. Þar sem fyrirtækið stendur vel er ekki ólíklegt að það haldi áfram að tryggja stoðir fyrirtækisins með fleiri tekjupóstum til að vera enn betur undir skráningu búið þegar og ef að slíku kemur. Nýjasta þjónustuframboð Airbnb er svokallað Airbnb Trips, sem býður viðskiptavinum afþreyingu sem er stýrt af heimamönnum á hverjum áfangastað. Næsta viðbót er talin vera valmöguleikinn á bókun flugs í gegnum heimasíðuna sem myndi loka hringnum fyrir ferðabókun viðskiptavina. Getur Airbnb hækkað enn frekar í virði? Áhugavert verður að sjá hvort félaginu takist að vaxa hraðar en aðrir keppinautar og tryggja sér afgerandi forskot á þessum ört vaxandi markaði. Hið nýja módel brýtur upp gamla formið á hótel- og gistihúsabókunum þar sem ekki þarf lengur að vera með mikinn rekstur í kringum útleigu á íbúð eða húsum og auðvelt er að komast í samband við kaupendur og seljendur þjónustunnar. Í dag er Airbnb langt komið með að vera stærsti einstaki söluaðilinn í alþjóðlega ferðamannabransanum, sem er með um 2.000 milljarða dollara í árlega veltu. Þannig er Airbnb orðið verðmætara en hótelkeðjurnar Hilton og Hyatt, flugfélögin United Airlines og American Airlines sem og netsíður Expedia og Ctrip. Fjárfestar hafa þó ástæðu til að hafa varann á vegna aukinnar samkeppni, vaxandi kvaða frá yfirvöldum og síðast en ekki síst hækkandi verðlags. Talsvert er rætt um möguleikann á skráningu félagsins á markað en ýmislegt getur haft áhrif á verðið þegar og ef þar að kemur. Eftirtalin fimm atriði gera stöðu fyrirtækisins sterka og möguleika á enn frekari vexti: 1) Airbnb keppir á stórum markaði sem tekur örum breytingum. 2) Airbnb hagnast á breyttum ferðavenjum ferðamanna. 3) Félagið er nú þegar leiðandi í útleigu á gistirými sem ekki telst til hótels eða gistiheimila. 4) Vaxtarmöguleikar eru margir og áhugaverðir og fyrirtækið er þegar byrjað að breikka starfsemi sína. 5) Opið og gegnsætt markaðstorg kaupenda og seljanda hefur reynst vel. Ljóst er að Airbnb er að vaxa hratt á markaði sem ekki var til fyrir nokkrum árum en tilheyrir hinum risastóra markaði ferðamennsku sem hefur alla möguleika til að vaxa enn meira á næstu árum. Það verður því spennandi að fylgjast með viðtökunum ef af skráningu verður.
Skoðun Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir skrifar
Skoðun Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir skrifar
Skoðun Guðrún biskup – til heilla fyrir okkur öll! Arndís Steinþórsdóttir,Glóey Helgudótir Finnsdóttir skrifar