Gott að hafa pabba til að segja mér til Óskar Ófeigur Jónsson skrifar 12. maí 2017 06:00 Lillý Rut Hlynsdóttir ber fyrirliðaband Þórs/KA sem er á toppnum í Pepsi-deild kvenna. vísir/eyþór „Þetta er draumabyrjun en kemur okkur samt ekkert á óvart þó að þetta komi kannski öllum öðrum á óvart,“ segir Lillý Rut Hlynsdóttir þegar við hefjum spjallið. Eins og inni á vellinum þá er hún yfirveguð en um leið full sjálfstrausts og með mikla trú á sínu liði. Það er ljóst að þetta er ekki hin venjulega tvítuga knattspyrnukona. Sigrar á Val, Breiðabliki og Fylki skila liðinu þriggja stiga forystu á toppi Pepsi-deildar kvenna. Lillý fagnaði tvítugsafmælinu sínu í ársbyrjun en hún er samt að hefja sitt sjötta tímabil í Pepsi-deildinni og nálgast óðum hundraðasta leikinn fyrir Þór/KA. „Ég held að ég hafi spilað 94. leikinn minn síðast. Ég er allavega ekki ein af ungu stelpunum því við erum frekar ungt lið,“ segir Lillý Rut. Það er vissulega hægt að taka undir það enda meira en helmingur byrjunarliðsins fæddur 1997 eða síðar. Allir markaskorararnir í sigrinum á Fylki voru tvítugar eða yngri.Norðankonur skoruðu fjögur í Árbænum.vísir/eyþórFullkomin blanda „Heimastelpurnar eru svo flottar. Við erum með fullkomna blöndu af ungum heimastelpum og mjög sterkum útlendingum. Það sem hefur gert okkur betri er að okkur er treyst fyrir þessu og við fáum tækifærið þótt við séum ungar,“ segir Lillý sem kom inn í byrjunarliðið sumarið 2012, þá aðeins fimmtán ára gömul. Tvær þær yngstu í byrjunarliðinu í sumar eru hin 18 ára Margrét Árnadóttir og hin 17 ára Hulda Björg Hannesdóttir sem báðar voru á skotskónum á móti Fylki. „Það er ekki að sjá að þær séu að spila fyrstu meistaraflokksleikina,“ sagði Lillý. Ábyrgðin hefur þó aldrei verið meiri á Lillý en í ár þar sem hún er komin með fyrirliðabandið í fjarveru Söndru Maríu Jessen og stýrir nú þriggja manna vörn Þórs/KA-liðsins. „Mér líður bara mjög vel í þessu hlutverki. Við Sandra erum í þessu saman. Hún er samt fyrirliði númer eitt þegar hún er heil,“ segir Lillý Rut en hún er í miðri vörninni í 3-4-3 leikkerfi og stýrir liðinu þaðan. „Þetta kerfi er búið að ganga mjög vel og ég held að þetta henti okkur betur miðað við þá leikmenn sem við erum með. Þessar nýju stöður henta eiginlega öllum betur,“ segir Lillý Rut og bætir við: „Kerfið gefur mér aðeins meira frelsi og býður upp á betri sendingar því það gefur mér fleiri kosti fram á völlinn. Það hentar mér mjög vel,“ segir Lillý.Stephany Mayor hefur farið á kostum fyrir Þór/KA.vísir/eyþórÞarf að halda ró sinni Lillý kom inn í vörnina þegar Arna Sif Ásgrímsdóttir fór út í atvinnumennsku og það er því mikið á svona ungan leikmann lagt að ætla að stýra varnarleik liðsins í nýju leikkerfi. Hún byrjaði á miðjunni en þurfti að breyta aðeins um stíl sem miðvörður. „Ég þarf að halda ró minni og má ekki fara úr stöðu. Þetta er í rauninni bara þriðja tímabilið mitt í miðverði því ég var alltaf á miðjunni. Ég þarf að passa mig að hlaupa ekki út um allt eins og maður gerði,“ segir Lillý. Eini nýi erlendi leikmaður liðsins er sú sem spilar við hlið Lillýjar og þær ná vel saman. „Það er mjög þægilegt að spila með henni. Hún talar endalaust og það er ekki hægt að sjá að við séum að spila saman í fyrsta skiptið,“ segir Lillý og þar er enn eitt dæmið um hversu vel gengur að velja erlenda leikmenn inn í liðið.„Við höfum verið mjög heppnar með útlendinga öll árin sem ég er búin að vera hérna.“ Eftir þrjár umferðir er lið Þórs/KA með fullt hús og búið að vinna tvö af liðunum sem áttu að berjast um Íslandsmeistaratitilinn í ár. Þar var Þór/KA „aðeins“ spáð fjórða sætinu. Markmiðið er og hefur alltaf verið á hreinu. „Markmið númer eitt er að verða Íslandsmeistari,“ sagði Lillý sem var í síðasta meistaraliði Þórs/KA. „Ég var með í öllum leikjunum nema þeim síðasta þegar við tókum á móti bikarnum. Ég missti af sigurveislunni,“ segir Lillý en þá var hún upptekin í verkefni með sautján ára liðinu. „Það var ótrúlegt tímabil og vonandi verður þetta tímabil eitthvað því líkt.“ Þetta var samt erfiður vetur fyrir norðankonur. Mikil umræða varð um það hvort Þór/KA ætti yfirhöfuð að tefla fram sameiginlegu liði áfram og svo sleit markadrottningin Sandra María Jessen krossband í landsleik í mars. Þetta tvennt átti örugglega sinn þátt í því að þjálfarar, fyrirliðar og forráðamenn höfðu ekki allt of mikla trú á liðinu þrátt fyrir að sterkir erlendir leikmenn væru áfram á Akureyri og ungu stelpurnar einu ári eldri.Margrét Árnadóttir, fædd 1999, skoraði fyrsta markið á móti Fylki.vísir/eyþórGott að eiga Söndru inni „Hún gerði okkur bara sterkari ef eitthvað er, umræðan um hvort það ætti að stía okkur í sundur eða ekki. Hópurinn varð samheldnari. Það er auðvitað mikill missir að Söndru Maríu en það er gott að eiga hana inni. Vonandi verður hún klár sem fyrst. Hún er mjög mikilvægur partur af hópnum enn þá,“ segir Lillý. Ein af breytingunum á liðinu er að nú stendur íslensk stelpa í markinu. Bryndís Lára Hrafnkelsdóttir kom norður frá ÍBV. „Hún smellpassar inn í liðið og er frábær karakter. Það er gott að hafa loksins íslenskan markvörð fyrir aftan sig. Hún verður stundum svolítið æst en það er mjög gott að hafa hana fyrir aftan sig. Hún er búin að standa sig mjög vel,“ segir Lillý. Þór/KA er bara búið að fá á sig eitt mark á 270 mínútum og það kom úr víti. Lillý Rut er heldur betur með fótboltann í blóðinu því báðir foreldrar hennar spiluðu með Þór á árum áður en þetta eru þau Hlynur Birgisson og Inga Huld Pálsdóttir. „Þau eru bæði mjög harðir Þórsarar. Pabbi spilaði sem miðvörður á seinni hluta ferilsins en mamma var framherji. Ég fékk því aðeins meira frá pabba mínum,“ segir Lillý í léttum tón. „Það er mjög mikið rætt um fótbolta á heimilinu og það er mjög gott að hafa pabba til að segja manni til,“ segir Lillý. Pepsi Max-deild kvenna Mest lesið Uppgjör: Keflavík - Njarðvík 94-91 | Tvíframlengdur spennutryllir Körfubolti Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Íslenski boltinn Uppgjörið, viðtöl og myndir: Valur - Haukar 28-25 | Valskonur Íslandsmeistarar Handbolti Úr húsvarðarstarfi í atvinnumennsku Handbolti Slys á æfingu fyrir fjórum árum er enn að eyðileggja fyrir Söru Sport Fabiana brýtur blað í sögunni áður en Jói Kalli tekur við Fótbolti Rooney segir United losa sig við nær allan leikmannahópinn Enski boltinn UEFA setur pressu á City Football Group Fótbolti Man. United sagði konunum ekki frá ákvörðuninni Enski boltinn Blaðamannafundur fyrir úrslitaleik Vals í Evrópubikarnum Handbolti Fleiri fréttir Bikarmeistarar Víkings í næstu umferð ásamt Keflavík og Fylkir Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Sjá meira
„Þetta er draumabyrjun en kemur okkur samt ekkert á óvart þó að þetta komi kannski öllum öðrum á óvart,“ segir Lillý Rut Hlynsdóttir þegar við hefjum spjallið. Eins og inni á vellinum þá er hún yfirveguð en um leið full sjálfstrausts og með mikla trú á sínu liði. Það er ljóst að þetta er ekki hin venjulega tvítuga knattspyrnukona. Sigrar á Val, Breiðabliki og Fylki skila liðinu þriggja stiga forystu á toppi Pepsi-deildar kvenna. Lillý fagnaði tvítugsafmælinu sínu í ársbyrjun en hún er samt að hefja sitt sjötta tímabil í Pepsi-deildinni og nálgast óðum hundraðasta leikinn fyrir Þór/KA. „Ég held að ég hafi spilað 94. leikinn minn síðast. Ég er allavega ekki ein af ungu stelpunum því við erum frekar ungt lið,“ segir Lillý Rut. Það er vissulega hægt að taka undir það enda meira en helmingur byrjunarliðsins fæddur 1997 eða síðar. Allir markaskorararnir í sigrinum á Fylki voru tvítugar eða yngri.Norðankonur skoruðu fjögur í Árbænum.vísir/eyþórFullkomin blanda „Heimastelpurnar eru svo flottar. Við erum með fullkomna blöndu af ungum heimastelpum og mjög sterkum útlendingum. Það sem hefur gert okkur betri er að okkur er treyst fyrir þessu og við fáum tækifærið þótt við séum ungar,“ segir Lillý sem kom inn í byrjunarliðið sumarið 2012, þá aðeins fimmtán ára gömul. Tvær þær yngstu í byrjunarliðinu í sumar eru hin 18 ára Margrét Árnadóttir og hin 17 ára Hulda Björg Hannesdóttir sem báðar voru á skotskónum á móti Fylki. „Það er ekki að sjá að þær séu að spila fyrstu meistaraflokksleikina,“ sagði Lillý. Ábyrgðin hefur þó aldrei verið meiri á Lillý en í ár þar sem hún er komin með fyrirliðabandið í fjarveru Söndru Maríu Jessen og stýrir nú þriggja manna vörn Þórs/KA-liðsins. „Mér líður bara mjög vel í þessu hlutverki. Við Sandra erum í þessu saman. Hún er samt fyrirliði númer eitt þegar hún er heil,“ segir Lillý Rut en hún er í miðri vörninni í 3-4-3 leikkerfi og stýrir liðinu þaðan. „Þetta kerfi er búið að ganga mjög vel og ég held að þetta henti okkur betur miðað við þá leikmenn sem við erum með. Þessar nýju stöður henta eiginlega öllum betur,“ segir Lillý Rut og bætir við: „Kerfið gefur mér aðeins meira frelsi og býður upp á betri sendingar því það gefur mér fleiri kosti fram á völlinn. Það hentar mér mjög vel,“ segir Lillý.Stephany Mayor hefur farið á kostum fyrir Þór/KA.vísir/eyþórÞarf að halda ró sinni Lillý kom inn í vörnina þegar Arna Sif Ásgrímsdóttir fór út í atvinnumennsku og það er því mikið á svona ungan leikmann lagt að ætla að stýra varnarleik liðsins í nýju leikkerfi. Hún byrjaði á miðjunni en þurfti að breyta aðeins um stíl sem miðvörður. „Ég þarf að halda ró minni og má ekki fara úr stöðu. Þetta er í rauninni bara þriðja tímabilið mitt í miðverði því ég var alltaf á miðjunni. Ég þarf að passa mig að hlaupa ekki út um allt eins og maður gerði,“ segir Lillý. Eini nýi erlendi leikmaður liðsins er sú sem spilar við hlið Lillýjar og þær ná vel saman. „Það er mjög þægilegt að spila með henni. Hún talar endalaust og það er ekki hægt að sjá að við séum að spila saman í fyrsta skiptið,“ segir Lillý og þar er enn eitt dæmið um hversu vel gengur að velja erlenda leikmenn inn í liðið.„Við höfum verið mjög heppnar með útlendinga öll árin sem ég er búin að vera hérna.“ Eftir þrjár umferðir er lið Þórs/KA með fullt hús og búið að vinna tvö af liðunum sem áttu að berjast um Íslandsmeistaratitilinn í ár. Þar var Þór/KA „aðeins“ spáð fjórða sætinu. Markmiðið er og hefur alltaf verið á hreinu. „Markmið númer eitt er að verða Íslandsmeistari,“ sagði Lillý sem var í síðasta meistaraliði Þórs/KA. „Ég var með í öllum leikjunum nema þeim síðasta þegar við tókum á móti bikarnum. Ég missti af sigurveislunni,“ segir Lillý en þá var hún upptekin í verkefni með sautján ára liðinu. „Það var ótrúlegt tímabil og vonandi verður þetta tímabil eitthvað því líkt.“ Þetta var samt erfiður vetur fyrir norðankonur. Mikil umræða varð um það hvort Þór/KA ætti yfirhöfuð að tefla fram sameiginlegu liði áfram og svo sleit markadrottningin Sandra María Jessen krossband í landsleik í mars. Þetta tvennt átti örugglega sinn þátt í því að þjálfarar, fyrirliðar og forráðamenn höfðu ekki allt of mikla trú á liðinu þrátt fyrir að sterkir erlendir leikmenn væru áfram á Akureyri og ungu stelpurnar einu ári eldri.Margrét Árnadóttir, fædd 1999, skoraði fyrsta markið á móti Fylki.vísir/eyþórGott að eiga Söndru inni „Hún gerði okkur bara sterkari ef eitthvað er, umræðan um hvort það ætti að stía okkur í sundur eða ekki. Hópurinn varð samheldnari. Það er auðvitað mikill missir að Söndru Maríu en það er gott að eiga hana inni. Vonandi verður hún klár sem fyrst. Hún er mjög mikilvægur partur af hópnum enn þá,“ segir Lillý. Ein af breytingunum á liðinu er að nú stendur íslensk stelpa í markinu. Bryndís Lára Hrafnkelsdóttir kom norður frá ÍBV. „Hún smellpassar inn í liðið og er frábær karakter. Það er gott að hafa loksins íslenskan markvörð fyrir aftan sig. Hún verður stundum svolítið æst en það er mjög gott að hafa hana fyrir aftan sig. Hún er búin að standa sig mjög vel,“ segir Lillý. Þór/KA er bara búið að fá á sig eitt mark á 270 mínútum og það kom úr víti. Lillý Rut er heldur betur með fótboltann í blóðinu því báðir foreldrar hennar spiluðu með Þór á árum áður en þetta eru þau Hlynur Birgisson og Inga Huld Pálsdóttir. „Þau eru bæði mjög harðir Þórsarar. Pabbi spilaði sem miðvörður á seinni hluta ferilsins en mamma var framherji. Ég fékk því aðeins meira frá pabba mínum,“ segir Lillý í léttum tón. „Það er mjög mikið rætt um fótbolta á heimilinu og það er mjög gott að hafa pabba til að segja manni til,“ segir Lillý.
Pepsi Max-deild kvenna Mest lesið Uppgjör: Keflavík - Njarðvík 94-91 | Tvíframlengdur spennutryllir Körfubolti Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Íslenski boltinn Uppgjörið, viðtöl og myndir: Valur - Haukar 28-25 | Valskonur Íslandsmeistarar Handbolti Úr húsvarðarstarfi í atvinnumennsku Handbolti Slys á æfingu fyrir fjórum árum er enn að eyðileggja fyrir Söru Sport Fabiana brýtur blað í sögunni áður en Jói Kalli tekur við Fótbolti Rooney segir United losa sig við nær allan leikmannahópinn Enski boltinn UEFA setur pressu á City Football Group Fótbolti Man. United sagði konunum ekki frá ákvörðuninni Enski boltinn Blaðamannafundur fyrir úrslitaleik Vals í Evrópubikarnum Handbolti Fleiri fréttir Bikarmeistarar Víkings í næstu umferð ásamt Keflavík og Fylkir Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Sjá meira