Enski boltinn

Son leikmaður mánaðarins í annað sinn

Ingvi Þór Sæmundsson skrifar
Son skoraði fimm mörk og gaf eina stoðsendingu í apríl.
Son skoraði fimm mörk og gaf eina stoðsendingu í apríl. vísir/getty
Tottenham vann alla sex leiki sína í ensku úrvalsdeildinni í apríl með markatölunni 16-1. Það kom því lítið á óvart að stjóri og leikmaður mánaðarins komi úr þeirra röðum.

Mauricio Pochettino var valinn stjóri apríl-mánaðar. Þetta er í fyrsta sinn á tímabilinu sem Pochettino er valinn stjóri mánaðarins.

Suður-Kóreumaðurinn Son Heung-min var valinn leikmaður apríl-mánaðar. Son var drjúgur í apríl þar sem hann skoraði fimm mörk og gaf eina stoðsendingu í sex leikjum.

Þetta er í annað sinn sem Son hlýtur þessa nafnbót en hann var einnig valinn leikmaður september-mánaðar.

Mark Chelsea-mannsins Pedro Rodríguez í 0-3 sigri á Everton á Goodison Park var valið mark apríl-mánaðar.

Enski boltinn

Mest lesið


Fleiri fréttir

Sjá meira


×

Mest lesið