Leikmenn mega velja sér lið fyrir norðan og fara frítt á milli Tómas Þór Þórðarson skrifar 18. maí 2017 07:00 Leikstjórnandinn Sigþór Árni Heimisson valdi frekar að spila fyrir uppeldisfélagið sitt KA og fór frítt frá Akureyri (Þór). vísir/anton Sigþór Árni Heimisson, leikstjórnandi Akureyrar handboltafélags, varð í gær fyrsti maðurinn sem endurstofnað lið KA semur við en þessi uppaldi KA-maður ákvað að spila frekar með KA í 1. deildinni heldur en Akureyri sem er nú meistaraflokkur og annar flokkur Þórs, erkifjendanna úr Þorpinu. Eftir slit KA og Þórs á fundi með Handknattleikssambandi Íslands í fyrradag varð ljóst að bæði KA og Akureyri (Þór) senda lið til leiks í 1. deildinni eftir að AHF féll en í staðinn fyrir að taka upp eigið nafn á ný héldu Þórsarar Akureyrarnafninu sem er búið að byggja upp undanfarinn áratug. „Það eru verðmæti í vörumerkinu Akureyri handboltafélag eins og samningar við styrktaraðila. Við erum bara að yfirtaka félagið frá a-ö. Félagið er áfram til þótt pabbinn eða mamman yfirgefi heimilið. Við erum bara með forræði yfir króganum núna,“ segir Árni Óðinsson, formaður Íþróttafélagsins Þórs, um slitin.Svartir og flottir Árni segir allt óbreytt hjá Þórsurum fyrir utan það, að liðið rekur nú Akureyri Handboltafélag. Þórsarar verða áfram til, rauðir og hvítir, upp í 3. flokk en eftir það tekur við 2. flokkur og svo meistaraflokkur AHF. „Við ætlum bara að vera svartir og flottir. Unglingaflokkarnir okkar hafa verið flottir undanfarin ár og eru í mjög góðu umhverfi. Þeir verða áfram Þór. Síðan Akureyri var sett á laggirnar höfum við skilað einum átta strákum í atvinnumennsku þannig að eitthvað erum við að gera rétt í uppbyggingunni,“ segir Árni, en hvernig er staðan á samningsmálum leikmanna, þjálfara og styrktaraðila? „Það standa allir samningar sem hafa verið gerðir. Það verður engum leikmanni haldið nauðugum en Sverre Jakobsson er með samning í ár til viðbótar og er þjálfari Akureyrar handboltafélags í dag. Styrktarsamningar halda sér líka en við sjáum augljóslega verðmæti í þeim.“ Þórsarar, eins og KA-menn, hafa verið á fullu að funda og vinna í sínum málum. Hver framtíðin verður hjá Akureyri til lengri tíma er óráðin. Þórsarar sjá hag sinn í að reka AHF áfram núna en það er ekkert útilokað að endurvekja Þór síðar meir þótt það sé ekki á stefnuskránni í dag. „Það verður bara að reyna á það hversu vel okkur tekst að halda utan um þetta vörumerki. Núna er það verðmætara fyrir okkur heldur en ekki en svo er allt breytingum háð,“ segir Árni.Leikmenn fara frítt KA gaf eftir nafnið, styrktarsamningana og þjálfarann til að snúa aftur gulir og bláir á næsta ári. Nú hefst kapphlaup félaganna um leikmennina sem geta farið frítt á milli liða fyrir norðan en Akureyri (Þór) fær hagnaðinn ef leikmenn eru seldir annað. „Samkvæmt þessum samningi sem gerður var á milli HSÍ, Þórs og KA eru leikmannasamningar í eign Akureyrar en við megum ræða við alla leikmennina og ef þeim líst betur á okkar framtíðarsýn mega þeir skipta um lið endurgjaldslaust. Það eina sem flækir málin er ef önnur lið vilja fá leikmennina. Kaupi eitthvert lið leikmann í sumar sem er samningsbundinn Akureyri fær það, eða Þór, allt kaupverðið. Það skiptist ekki jafnt eins og það gerðist áður. Þessu fórnuðum við,“ segir Sævar Pétursson, framkvæmdastjóri KA. Hann bætir við að bæði félög séu nú í því að kynna leikmönnum sína framtíðarsýn en aðspurður hvort það þýði ekki á íslensku að KA-menn fari í KA og Þórsarar verði eftir í Akureyri svarar Sævar: „Jú, það gæti verið einmitt þannig.“Þarf að finna útgönguleið Árni Óðinsson, formaður Þórs, segir engan leikmann hafa gefið sig fram enn þá sem vill fara yfir en fundað var með leikmönnum í gær. „Þar voru KA-menn á fundi. Það var bara verið að gera leikmönnum og þjálfurum grein fyrir stöðunni. Ef einhver vill fara verður það bara þannig en það þarf að finna útgönguleið,“ segir hann. Þórsarar hafa óskað eftir því að spila áfram í Höllinni en KA spilar í sínu húsi. Eins og staðan er núna er Sigþór Árni Heimisson eini leikmaður meistaraflokks KA fyrir utan unga gutta í 3. flokki en Sævar segist reikna með því að 2. flokks leikmenn Akureyrar sem eru uppaldir hjá þeim gulu komi nú yfir. Kapphlaupið er í það minnsta hafið. Olís-deild karla Mest lesið Þjálfari Orra Steins sáttur: Hann hefur haldið kjafti Fótbolti Ákærður fyrir að slá barn sitt með blautu handklæði Sport Þurfti að eyða níu og hálfum tíma í leigubíl til að komast í burtu Sport Hrósar Alberti en Inter þarf að safna fyrir honum Fótbolti Landsliðsmaður blandar sér í umræðuna um umdeilda sigurkörfu Njarðvíkinga Körfubolti Saman á ný eftir súrrealískan dag: „Við erum eins og lím við hvorn annan“ Íslenski boltinn Áfall fyrir Vestra: Eiður Aron brotinn og lengi frá Íslenski boltinn Liðsfélagarnir í sumarfríi en hann að vinna tólf tíma á dag á Íslandi Körfubolti Tók sinn tíma að jafna sig Körfubolti Valsmenn spila fyrri leikinn á heimavelli Handbolti Fleiri fréttir Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Sjá meira
Sigþór Árni Heimisson, leikstjórnandi Akureyrar handboltafélags, varð í gær fyrsti maðurinn sem endurstofnað lið KA semur við en þessi uppaldi KA-maður ákvað að spila frekar með KA í 1. deildinni heldur en Akureyri sem er nú meistaraflokkur og annar flokkur Þórs, erkifjendanna úr Þorpinu. Eftir slit KA og Þórs á fundi með Handknattleikssambandi Íslands í fyrradag varð ljóst að bæði KA og Akureyri (Þór) senda lið til leiks í 1. deildinni eftir að AHF féll en í staðinn fyrir að taka upp eigið nafn á ný héldu Þórsarar Akureyrarnafninu sem er búið að byggja upp undanfarinn áratug. „Það eru verðmæti í vörumerkinu Akureyri handboltafélag eins og samningar við styrktaraðila. Við erum bara að yfirtaka félagið frá a-ö. Félagið er áfram til þótt pabbinn eða mamman yfirgefi heimilið. Við erum bara með forræði yfir króganum núna,“ segir Árni Óðinsson, formaður Íþróttafélagsins Þórs, um slitin.Svartir og flottir Árni segir allt óbreytt hjá Þórsurum fyrir utan það, að liðið rekur nú Akureyri Handboltafélag. Þórsarar verða áfram til, rauðir og hvítir, upp í 3. flokk en eftir það tekur við 2. flokkur og svo meistaraflokkur AHF. „Við ætlum bara að vera svartir og flottir. Unglingaflokkarnir okkar hafa verið flottir undanfarin ár og eru í mjög góðu umhverfi. Þeir verða áfram Þór. Síðan Akureyri var sett á laggirnar höfum við skilað einum átta strákum í atvinnumennsku þannig að eitthvað erum við að gera rétt í uppbyggingunni,“ segir Árni, en hvernig er staðan á samningsmálum leikmanna, þjálfara og styrktaraðila? „Það standa allir samningar sem hafa verið gerðir. Það verður engum leikmanni haldið nauðugum en Sverre Jakobsson er með samning í ár til viðbótar og er þjálfari Akureyrar handboltafélags í dag. Styrktarsamningar halda sér líka en við sjáum augljóslega verðmæti í þeim.“ Þórsarar, eins og KA-menn, hafa verið á fullu að funda og vinna í sínum málum. Hver framtíðin verður hjá Akureyri til lengri tíma er óráðin. Þórsarar sjá hag sinn í að reka AHF áfram núna en það er ekkert útilokað að endurvekja Þór síðar meir þótt það sé ekki á stefnuskránni í dag. „Það verður bara að reyna á það hversu vel okkur tekst að halda utan um þetta vörumerki. Núna er það verðmætara fyrir okkur heldur en ekki en svo er allt breytingum háð,“ segir Árni.Leikmenn fara frítt KA gaf eftir nafnið, styrktarsamningana og þjálfarann til að snúa aftur gulir og bláir á næsta ári. Nú hefst kapphlaup félaganna um leikmennina sem geta farið frítt á milli liða fyrir norðan en Akureyri (Þór) fær hagnaðinn ef leikmenn eru seldir annað. „Samkvæmt þessum samningi sem gerður var á milli HSÍ, Þórs og KA eru leikmannasamningar í eign Akureyrar en við megum ræða við alla leikmennina og ef þeim líst betur á okkar framtíðarsýn mega þeir skipta um lið endurgjaldslaust. Það eina sem flækir málin er ef önnur lið vilja fá leikmennina. Kaupi eitthvert lið leikmann í sumar sem er samningsbundinn Akureyri fær það, eða Þór, allt kaupverðið. Það skiptist ekki jafnt eins og það gerðist áður. Þessu fórnuðum við,“ segir Sævar Pétursson, framkvæmdastjóri KA. Hann bætir við að bæði félög séu nú í því að kynna leikmönnum sína framtíðarsýn en aðspurður hvort það þýði ekki á íslensku að KA-menn fari í KA og Þórsarar verði eftir í Akureyri svarar Sævar: „Jú, það gæti verið einmitt þannig.“Þarf að finna útgönguleið Árni Óðinsson, formaður Þórs, segir engan leikmann hafa gefið sig fram enn þá sem vill fara yfir en fundað var með leikmönnum í gær. „Þar voru KA-menn á fundi. Það var bara verið að gera leikmönnum og þjálfurum grein fyrir stöðunni. Ef einhver vill fara verður það bara þannig en það þarf að finna útgönguleið,“ segir hann. Þórsarar hafa óskað eftir því að spila áfram í Höllinni en KA spilar í sínu húsi. Eins og staðan er núna er Sigþór Árni Heimisson eini leikmaður meistaraflokks KA fyrir utan unga gutta í 3. flokki en Sævar segist reikna með því að 2. flokks leikmenn Akureyrar sem eru uppaldir hjá þeim gulu komi nú yfir. Kapphlaupið er í það minnsta hafið.
Olís-deild karla Mest lesið Þjálfari Orra Steins sáttur: Hann hefur haldið kjafti Fótbolti Ákærður fyrir að slá barn sitt með blautu handklæði Sport Þurfti að eyða níu og hálfum tíma í leigubíl til að komast í burtu Sport Hrósar Alberti en Inter þarf að safna fyrir honum Fótbolti Landsliðsmaður blandar sér í umræðuna um umdeilda sigurkörfu Njarðvíkinga Körfubolti Saman á ný eftir súrrealískan dag: „Við erum eins og lím við hvorn annan“ Íslenski boltinn Áfall fyrir Vestra: Eiður Aron brotinn og lengi frá Íslenski boltinn Liðsfélagarnir í sumarfríi en hann að vinna tólf tíma á dag á Íslandi Körfubolti Tók sinn tíma að jafna sig Körfubolti Valsmenn spila fyrri leikinn á heimavelli Handbolti Fleiri fréttir Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Sjá meira