Krafðist gæsluvarðhalds yfir 17 ára hælisleitanda sem er andlega veikur Sunna Kristín Hilmarsdóttir skrifar 19. maí 2017 19:12 Hæstiréttur staðfesti úrskurð Héraðsdóms Reykjavíkur í málinu. vísir/gva Hæstiréttur hefur staðfest úrskurð Héraðsdóms Reykjavíkur þess efnis að 17 ára hælisleitandi sem kom hingað til lands þann 27. desember síðastliðinn skuli ekki sæta gæsluvarðhaldi en lögreglustjórinn á höfuðborgarsvæðinu hafði krafist gæsluvarðhalds yfir piltinum. Lögreglan taldi nauðsynlegt að pilturinn færi í gæsluvarðhald þar sem hann hafði ekki virt ákvörðun lögreglu að halda sig á dvalarstað en ákvörðunin var tekin á grundvelli útlendingalaga. Í úrskurði héraðsdóms kemur fram að pilturinn hafi komið hingað til lands á fölsku vegabréfi ásamt öðrum karlmanni og stúlku. Þremenningarnir voru handteknir við komuna hingað til lands og hjá lögreglu gaf pilturinn ekki upp fæðingardag sinn heldur kvaðst 17 ára. Hann gat ekki sagt nákvæmlega til um hversu lengi hann hefði verið á flótta en taldi það vera um eitt og hálft ár. Skömmu eftir komuna til landsins sótti pilturinn um hæli hér en áður hafði hann sótt um hæli í öðru Evrópuríki en ekki kemur fram í hvaða landi það var. Þó kemur fram að norskur barnalæknir hafi gert aldursgreiningu á piltinum og segir í greinargerð lögreglu að norsk stjórnvöld telji hann vera tvítugan. Hins vegar kemur fram í gögnum málsins að barnalæknirinn geti ekki útilokað að pilturinn sé yngri en 18 ára en útilokar þó að hann sé yngri en 16 ára. Orð piltsins fyrir því hversu gamall hann er eru því lögð til grundvallar í úrskurði héraðsdóms og er hann því talinn vera 17 ára. Þá segir í niðurstöðu dómsins: „Samkvæmt 5. mgr. 115. gr. laga nr. 80/2016, um útlendinga, er aðeins heimilt að úrskurða umsækjanda um alþjóðlega vernd, sem er yngri en 18 ára en eldri en 15 ára, í gæsluvarðhald þegar hann hefur sýnt af sér hegðun sem gefi til kynna að hann ógni allsherjarreglu, öryggi ríkisins eða almannahagsmunum. Fyrir liggur að kærði, sem ósannað er að sé orðinn 18 ára, hefur sótt um alþjóðlega vernd hér á landi.“ Að mati héraðsdóms verður ekki ráðið af gögnum málsins og greinargerð lögreglustjóra að slík ógn stafi af piltinum sem áskilin er í ákvæðinu. „Þá er í ákvæðinu áskilið að úrræðinu skuli því aðeins beitt að önnur vægari úrræði samkvæmt lögum um útlendinga eða barnaverndarlögum komi ekki til greina eða nái ekki því markmiði sem að sé stefnt. Auk þess sem taka ber tillit til aldurs umsækjanda og þarfa hans hverju sinni, en fyrir liggur að kærði á við andleg veikindi að stríða. Lögreglustjóri hefur hvorki með gögnum eða á annan hátt sýnt fram á að slík úrræði komi ekki til greina í tilviki kærða. Þá liggja ekki fyrir sannfærandi upplýsingar um að úrræði á grundvelli 114. gr. laga nr. 80/2016 hafi verið reynd til hlítar, en samkvæmt því ákvæði er heimilt að skylda útlending til að sinna reglulegri tilkynningarskyldu um veru sína hér á landi eða dveljast á ákveðnum stað að skilyrðum greinarinnar uppfylltum. Sú ráðstöfun lögreglu að skylda kærða til að dveljast innan dyra að [...] í Reykjavík, án möguleika á útiveru, brýtur berlega gegn kröfum um meðalhóf sem gæta ber að við slíka ákvörðun,“ segir jafnframt í úrskurði héraðsdóms sem lesa má í heild hér. Mest lesið Áfall þegar samskipti Katrínar og Kára voru birt Innlent Þekkir dæmi um endalaus uppköst og garnalömun vegna lyfjanna Innlent Konurnar hafi gert allt til að setja ekki svartan blett á starfsemina Innlent Bæjarstjóri sakaður um að vera njósnari: „Enginn veit hver hún er“ Erlent Forsetavaktin 2024: Hver verður sjöundi forseti lýðveldisins? Innlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Gular viðvaranir víðs vegar um landið Veður Færeyingar draga í land með ferðamannaskatt Erlent Segir alvarlegt hvernig Katrín tjáði sig um Persónuvernd Innlent Fleiri fréttir Sofa rótt í Grindavík og halda í vonina Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Sjá meira
Hæstiréttur hefur staðfest úrskurð Héraðsdóms Reykjavíkur þess efnis að 17 ára hælisleitandi sem kom hingað til lands þann 27. desember síðastliðinn skuli ekki sæta gæsluvarðhaldi en lögreglustjórinn á höfuðborgarsvæðinu hafði krafist gæsluvarðhalds yfir piltinum. Lögreglan taldi nauðsynlegt að pilturinn færi í gæsluvarðhald þar sem hann hafði ekki virt ákvörðun lögreglu að halda sig á dvalarstað en ákvörðunin var tekin á grundvelli útlendingalaga. Í úrskurði héraðsdóms kemur fram að pilturinn hafi komið hingað til lands á fölsku vegabréfi ásamt öðrum karlmanni og stúlku. Þremenningarnir voru handteknir við komuna hingað til lands og hjá lögreglu gaf pilturinn ekki upp fæðingardag sinn heldur kvaðst 17 ára. Hann gat ekki sagt nákvæmlega til um hversu lengi hann hefði verið á flótta en taldi það vera um eitt og hálft ár. Skömmu eftir komuna til landsins sótti pilturinn um hæli hér en áður hafði hann sótt um hæli í öðru Evrópuríki en ekki kemur fram í hvaða landi það var. Þó kemur fram að norskur barnalæknir hafi gert aldursgreiningu á piltinum og segir í greinargerð lögreglu að norsk stjórnvöld telji hann vera tvítugan. Hins vegar kemur fram í gögnum málsins að barnalæknirinn geti ekki útilokað að pilturinn sé yngri en 18 ára en útilokar þó að hann sé yngri en 16 ára. Orð piltsins fyrir því hversu gamall hann er eru því lögð til grundvallar í úrskurði héraðsdóms og er hann því talinn vera 17 ára. Þá segir í niðurstöðu dómsins: „Samkvæmt 5. mgr. 115. gr. laga nr. 80/2016, um útlendinga, er aðeins heimilt að úrskurða umsækjanda um alþjóðlega vernd, sem er yngri en 18 ára en eldri en 15 ára, í gæsluvarðhald þegar hann hefur sýnt af sér hegðun sem gefi til kynna að hann ógni allsherjarreglu, öryggi ríkisins eða almannahagsmunum. Fyrir liggur að kærði, sem ósannað er að sé orðinn 18 ára, hefur sótt um alþjóðlega vernd hér á landi.“ Að mati héraðsdóms verður ekki ráðið af gögnum málsins og greinargerð lögreglustjóra að slík ógn stafi af piltinum sem áskilin er í ákvæðinu. „Þá er í ákvæðinu áskilið að úrræðinu skuli því aðeins beitt að önnur vægari úrræði samkvæmt lögum um útlendinga eða barnaverndarlögum komi ekki til greina eða nái ekki því markmiði sem að sé stefnt. Auk þess sem taka ber tillit til aldurs umsækjanda og þarfa hans hverju sinni, en fyrir liggur að kærði á við andleg veikindi að stríða. Lögreglustjóri hefur hvorki með gögnum eða á annan hátt sýnt fram á að slík úrræði komi ekki til greina í tilviki kærða. Þá liggja ekki fyrir sannfærandi upplýsingar um að úrræði á grundvelli 114. gr. laga nr. 80/2016 hafi verið reynd til hlítar, en samkvæmt því ákvæði er heimilt að skylda útlending til að sinna reglulegri tilkynningarskyldu um veru sína hér á landi eða dveljast á ákveðnum stað að skilyrðum greinarinnar uppfylltum. Sú ráðstöfun lögreglu að skylda kærða til að dveljast innan dyra að [...] í Reykjavík, án möguleika á útiveru, brýtur berlega gegn kröfum um meðalhóf sem gæta ber að við slíka ákvörðun,“ segir jafnframt í úrskurði héraðsdóms sem lesa má í heild hér.
Mest lesið Áfall þegar samskipti Katrínar og Kára voru birt Innlent Þekkir dæmi um endalaus uppköst og garnalömun vegna lyfjanna Innlent Konurnar hafi gert allt til að setja ekki svartan blett á starfsemina Innlent Bæjarstjóri sakaður um að vera njósnari: „Enginn veit hver hún er“ Erlent Forsetavaktin 2024: Hver verður sjöundi forseti lýðveldisins? Innlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Gular viðvaranir víðs vegar um landið Veður Færeyingar draga í land með ferðamannaskatt Erlent Segir alvarlegt hvernig Katrín tjáði sig um Persónuvernd Innlent Fleiri fréttir Sofa rótt í Grindavík og halda í vonina Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Sjá meira