Handbolti

Guðjón Valur með leik upp á tíu

Eiríkur Stefán Ásgeirsson skrifar
Guðjón Valur hefur átt frábært tímabil með Rhein-Neckar Löwen.
Guðjón Valur hefur átt frábært tímabil með Rhein-Neckar Löwen. vísir/getty
Landsliðsfyrirliðinn Guðjón Valur Sigurðsson átti stórleik þegar Rhein-Neckar Löwen gersigraði Erlangen, 37-26, á útivelli í þýsku úrvalsdeildinni í dag.

Guðjón Valur, sem er í hópi markahæstu leikmanna þýsku deildarinnar, skoraði tíu mörk í jafn mörgum skotum í leiknum - þar af fimm af vítalínunni.

Alexander Petersson átti einnig frábæran leik en hann skoraði sjö mörk í tíu skotum. Sigurinn var, eins og úrslitin gefa til kynna, öruggur en staðan í hálfleik var 19-13, ljónunum í vil.

Með sigrinum komst Löwen í 49 stig og er enn einu stigi á undan Flensburg, sem hafði betur gegn Leipzig á sama tíma í dag.

Líklegt er að þessi tvö lið munu berjast um titilinn fram í síðustu umferð en bæði eiga sjö leiki eftir á tímabilinu.




Fleiri fréttir

Sjá meira


×