Enski boltinn

Mourinho: Spiluðum upp á jafntefli

Ingvi Þór Sæmundsson skrifar
Mourinho og Fellaini steinhissa.
Mourinho og Fellaini steinhissa. vísir/getty
José Mourinho segir að Manchester United hafi spilað upp á jafntefli í Manchester-slagnum gegn City í kvöld.

Leikurinn endaði með markalausu jafntefli sem United-menn virtust vera nokkuð sáttir með.

„Við vildum gera meira í sókninni og eiga fleiri skyndisóknir. Við höfðum góða stjórn á leiknum í fyrri hálfleik en þetta var erfiðara í þeim seinni,“ sagði Mourinho eftir leik.

„Við þurftum að taka ákvörðun um að spila upp á jafntefli og börðumst fyrir því. Við vorum alltaf hættulegir í fyrri hálfleik og áttum lofandi sóknir en töpuðum boltanum of oft.“

Maraoune Fellaini var rekinn af velli sex mínútum fyrir leikslok fyrir að skalla Sergio Agüero. Mourinho segir að Agüero hafi gert mikið úr atvikinu.

„Ég talaði við Fellaini og hann sagði að þetta hefði verið rautt því þetta var hann. Dómaranum fannst þetta vera rautt,“ sagði Mourinho.

„Þetta var að hluta til rautt og hluta til klókur og reyndur argentínskur leikmaður.“


Tengdar fréttir




Fleiri fréttir

Sjá meira


×