Handbolti

Arnór Þór með stáltaugar á ögurstundu

Ingvi Þór Sæmundsson skrifar
Arnór var markahæstur á vellinum með átta mörk.
Arnór var markahæstur á vellinum með átta mörk. vísir/getty
Arnór Þór Gunnarsson var hetja Bergischer sem mætti Balingen-Weilstetten í miklum fallslag í þýsku úrvalsdeildinni í handbolta í kvöld. Lokatölur 23-22, Bergischer í vil.

Arnór skoraði sigurmark Bergischer úr vítakasti eftir að leiktíminn var runninn út.

Arnór skoraði alls átta mörk í leiknum, þar af fimm úr vítaköstum, og var markahæstur á vellinum.

Björgvin Páll Gústavsson varði 11 skot í marki Bergischer sem hefur unnið þrjá af síðustu fjórum leikjum sínum. Liðið er í 14. sæti deildarinnar, einu stigi frá fallsæti.

Lærisveinar Rúnars Sigtryggssonar í Balingen eru í sautjánda og næstneðsta sæti deildarinnar.




Fleiri fréttir

Sjá meira


×