Hvetja til þess að ljúka fríverslunarsamningi við Japan Sæunn Gísladóttir skrifar 10. apríl 2017 11:03 Stjórn Íslenska Viðskiptaráðsins í Japan. Mynd/Aðsend Íslenska Viðskiptaráðið í Japan hvetur íslensk og japönsk stjórnvöld til að ljúka fjórum mikilvægum tvíhliða samningum.Íslenska Viðskiptaráðið í Japan fagnar áherslum nýs utanríkisráðherra Guðlaugs Þórs Þórðarsonar um bætt samskipti við Asíuríki, þar með talið Japan, eins og fram hefur komið í ræðum ráðherra á Alþingi og í ávarpi ráðherra á málþingi um framtíð utanríkisþjónustunnar í Norræna húsinu þann 6. apríl síðastliðinn. Fram kemur í tilkynningu að ráðið vill einnig óska nýjum sendiherra Japans á Íslandi, Yasuhiko Kitagawa, til hamingju með skipan í embætti. Viðskiptaráðið fagnar því að áhrifamaður úr japönsku viðskiptalífi hafi verið skipaður sendiherra á Íslandi en Yasuhiko Kitagawa er fyrrverandi aðstoðarforstjóri viðskiptaþróunarsviðs Mitsubishi Corporation, eins elsta og stærsta alþjóðlega þróunar- og fjárfestingafyrirtækis Japans. Í ljósi þessa hvetur Viðskiptaráðið stjórnvöld Íslands og Japans til að ljúka gerð fjögurra mikilvægra og tímabærra tvíhliða samninga.Í fyrsta lagi fríverslunarsamningur, mögulega sem hluti af efnahags-samstarfssamningi Japans og EFTA. Japan er stærsti útflutningsmarkaður Íslands í Asíu. Bæði Ísland og Japan treysta á frjáls alþjóðleg viðskipti fyrir vörur sínar og þjónustu. Þann 1. mars 2016 sendu íslensk stjórnvöld sterk skilaboð til japanskra stjórnvalda með þverpólitísku samþykki tillögu á Alþingi þess efnis að fela ríkisstjórninni að hefja undirbúning fríverslunarsamnings við Japan á grundvelli yfirlýsinga japönsku ríkisstjórnarinnar um að auka hlut fríverslunar í milliríkjaviðskiptum. Viðskiptaráðið hefur tekið virkan þátt í að styðja þetta mál og vonar að sem fyrst hefjist formlegar viðræður á milli ríkjanna.Japan og Evrópusambandið eru sem stendur að ljúka efnahags-samstarfssamningi („Economic Partnership Agreement (EPA)“) sem inniheldur bæði fríverslunarsamning og samning um önnur mikilvæg tvíhliða mál.Þegar sá samstarfssamningur hefur verið samþykktur telur Viðskiptaráðið kjörið tækifæri að Japan geri samskonar efnahags-samstarfssamning við Ísland í gegnum Fríverslunarsamtök Evrópu (EFTA). Innan EFTA er einungis Sviss með fríverslunarsamning við Japan. Ef japönsk stjórnvöld hafa ekki tök á að hefja tvíhliða fríverslunarviðræður við Ísland sem allra fyrst, þá hvetur Viðskiptaráðið íslensk og japönsk yfirvöld að hefja viðræður um efnahags-samstarfssamning, sem inniheldur m.a. fríverslunarsamning, í gegnum EFTA, um leið og Japan hefur lokið slíkum samningi við Evrópusambandið.Í öðru lagi vill ráðið klára tvísköttunarsamning. Viðskiptaráðið fagnar því að fyrstu formlegu viðræðurnar um tvísköttunarsamning á milli Japans og Íslands hefjist þann 17.-19. maí nk. Viðskiptaráðið hefur lengi talað fyrir slíkum samningi sem mun hafa mjög jákvæð áhrif fyrir marga meðlimi ráðsins og styrkja og efla viðskipti landanna almennt. Í þriðja lagi nefnir ráðið loftferðasamning. Í tilkynningu segir að Ísland hefur í um tvo áratugi leitast við að ljúka gerð loftferðasamnings við Japan. Viðskiptaráðið telur að slíkur samningur myndi styrkja enn frekar efnahagslegt samband ríkjanna, sérstaklega á sviði ferðamennsku, fjárfestinga, sjávarútvegs og landbúnaðar. Milli áranna 2015 og 2016 hefur fjöldi ferðamanna frá Japan til Íslands aukist um 35%, og fjöldi ferðamanna frá Íslandi til Japans tvöfaldaðist frá 2006 til 2016. Í fjórða og síðasta lagi nefnir ráðið samning um gagnkvæm tímabundin atvinnuréttindi („Working Holiday“). Eitt af markmiðum Viðskiptaráðsins er að styðja við ungt fólk frá Íslandi og Japan sem hefur áhuga á að heimsækja og starfa í löndunum. Viðskiptaráðið hvetur því íslensk og japönsk stjórnvöld að ljúka samningi um gagnkvæm tímabundin atvinnuréttindi („working holiday“) sem veitir ungu fólki frá báðum ríkjum heimild til að starfa í ákveðinn tíma í hinu landinu. Íslenskukennsla er meðal annars við helsta einkaháskóla Japans, Waseda University, og japanska er eitt vinsælasta erlenda tungumálið sem kennt er við Háskóla Íslands. Samningurinn myndi skapa ótal tækifæri fyrir ungt fólk frá Japan og Íslandi til að læra nýtt tungumál og á sama tíma komast inn í atvinnulíf viðkomandi lands. Samningurinn yrði mjög áhugaverður fyrir japönsk og íslensk fyrirtæki sem eru í viðskiptum við hitt ríkið eða vilja styrkja sinn rekstur og auka fjölbreytileika innan fyrirtækisins. Mest lesið Sekta Árvakur um 1,5 milljónir króna vegna fjölda dulinna auglýsinga Neytendur Svona getur þú sagt Nei í vinnunni án þess að fá samviskubit Atvinnulíf Apple biðst afsökunar á auglýsingu fyrir nýjan iPad Viðskipti erlent „Í dag fæ ég næstum því bara hrós við matarborðið“ Atvinnulíf Áhorf á Eurovision hríðfellur Viðskipti innlent Hver verður Iðnaðarmaður ársins 2024 - kosning Samstarf Einstakt tækifæri til að sjá einn merkasta sportbíl sögunna - Porsche 911 Dakar Samstarf Rannsaka hvort Tesla hafi blekkt neytendur og fjárfesta Viðskipti erlent Taka bóluefni AstraZeneca úr sölu vegna dvínandi eftirspurnar Viðskipti erlent Að endurskapa ásýndina á að vera skemmtileg vinna en ekki kvöð Atvinnulíf Fleiri fréttir MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Hagnaðist um tæpa ellefu milljarða þrátt slæman búskap Miklar verðbólguvæntingar halda vöxtunum uppi Gera þrjátíu til fjörutíu kaupsamninga á hverjum degi Áhorf á Eurovision hríðfellur Aukið atvinnuleysi Kynning á yfirlýsingu peningastefnunefndar Seðlabankinn heldur stýrivöxtunum óbreyttum Ráðin aðstoðarforstjóri og fjármálastjóri Sidekick Kaupa Íslensk verðbréf Rekstrarafkoma Sýnar ekki ásættanleg Einar hættir með Grillbúðina Hætta skerðingum til stórnotenda Davíð Tómas ráðinn framkvæmdastjóri Farþegum fjölgaði og sætanýting um 85 prósent Ráðin forstöðumaður hjá OK Snýr aftur til Snjallgagna Ballið búið fyrir fullt og allt á B5 Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Sjá meira
Íslenska Viðskiptaráðið í Japan hvetur íslensk og japönsk stjórnvöld til að ljúka fjórum mikilvægum tvíhliða samningum.Íslenska Viðskiptaráðið í Japan fagnar áherslum nýs utanríkisráðherra Guðlaugs Þórs Þórðarsonar um bætt samskipti við Asíuríki, þar með talið Japan, eins og fram hefur komið í ræðum ráðherra á Alþingi og í ávarpi ráðherra á málþingi um framtíð utanríkisþjónustunnar í Norræna húsinu þann 6. apríl síðastliðinn. Fram kemur í tilkynningu að ráðið vill einnig óska nýjum sendiherra Japans á Íslandi, Yasuhiko Kitagawa, til hamingju með skipan í embætti. Viðskiptaráðið fagnar því að áhrifamaður úr japönsku viðskiptalífi hafi verið skipaður sendiherra á Íslandi en Yasuhiko Kitagawa er fyrrverandi aðstoðarforstjóri viðskiptaþróunarsviðs Mitsubishi Corporation, eins elsta og stærsta alþjóðlega þróunar- og fjárfestingafyrirtækis Japans. Í ljósi þessa hvetur Viðskiptaráðið stjórnvöld Íslands og Japans til að ljúka gerð fjögurra mikilvægra og tímabærra tvíhliða samninga.Í fyrsta lagi fríverslunarsamningur, mögulega sem hluti af efnahags-samstarfssamningi Japans og EFTA. Japan er stærsti útflutningsmarkaður Íslands í Asíu. Bæði Ísland og Japan treysta á frjáls alþjóðleg viðskipti fyrir vörur sínar og þjónustu. Þann 1. mars 2016 sendu íslensk stjórnvöld sterk skilaboð til japanskra stjórnvalda með þverpólitísku samþykki tillögu á Alþingi þess efnis að fela ríkisstjórninni að hefja undirbúning fríverslunarsamnings við Japan á grundvelli yfirlýsinga japönsku ríkisstjórnarinnar um að auka hlut fríverslunar í milliríkjaviðskiptum. Viðskiptaráðið hefur tekið virkan þátt í að styðja þetta mál og vonar að sem fyrst hefjist formlegar viðræður á milli ríkjanna.Japan og Evrópusambandið eru sem stendur að ljúka efnahags-samstarfssamningi („Economic Partnership Agreement (EPA)“) sem inniheldur bæði fríverslunarsamning og samning um önnur mikilvæg tvíhliða mál.Þegar sá samstarfssamningur hefur verið samþykktur telur Viðskiptaráðið kjörið tækifæri að Japan geri samskonar efnahags-samstarfssamning við Ísland í gegnum Fríverslunarsamtök Evrópu (EFTA). Innan EFTA er einungis Sviss með fríverslunarsamning við Japan. Ef japönsk stjórnvöld hafa ekki tök á að hefja tvíhliða fríverslunarviðræður við Ísland sem allra fyrst, þá hvetur Viðskiptaráðið íslensk og japönsk yfirvöld að hefja viðræður um efnahags-samstarfssamning, sem inniheldur m.a. fríverslunarsamning, í gegnum EFTA, um leið og Japan hefur lokið slíkum samningi við Evrópusambandið.Í öðru lagi vill ráðið klára tvísköttunarsamning. Viðskiptaráðið fagnar því að fyrstu formlegu viðræðurnar um tvísköttunarsamning á milli Japans og Íslands hefjist þann 17.-19. maí nk. Viðskiptaráðið hefur lengi talað fyrir slíkum samningi sem mun hafa mjög jákvæð áhrif fyrir marga meðlimi ráðsins og styrkja og efla viðskipti landanna almennt. Í þriðja lagi nefnir ráðið loftferðasamning. Í tilkynningu segir að Ísland hefur í um tvo áratugi leitast við að ljúka gerð loftferðasamnings við Japan. Viðskiptaráðið telur að slíkur samningur myndi styrkja enn frekar efnahagslegt samband ríkjanna, sérstaklega á sviði ferðamennsku, fjárfestinga, sjávarútvegs og landbúnaðar. Milli áranna 2015 og 2016 hefur fjöldi ferðamanna frá Japan til Íslands aukist um 35%, og fjöldi ferðamanna frá Íslandi til Japans tvöfaldaðist frá 2006 til 2016. Í fjórða og síðasta lagi nefnir ráðið samning um gagnkvæm tímabundin atvinnuréttindi („Working Holiday“). Eitt af markmiðum Viðskiptaráðsins er að styðja við ungt fólk frá Íslandi og Japan sem hefur áhuga á að heimsækja og starfa í löndunum. Viðskiptaráðið hvetur því íslensk og japönsk stjórnvöld að ljúka samningi um gagnkvæm tímabundin atvinnuréttindi („working holiday“) sem veitir ungu fólki frá báðum ríkjum heimild til að starfa í ákveðinn tíma í hinu landinu. Íslenskukennsla er meðal annars við helsta einkaháskóla Japans, Waseda University, og japanska er eitt vinsælasta erlenda tungumálið sem kennt er við Háskóla Íslands. Samningurinn myndi skapa ótal tækifæri fyrir ungt fólk frá Japan og Íslandi til að læra nýtt tungumál og á sama tíma komast inn í atvinnulíf viðkomandi lands. Samningurinn yrði mjög áhugaverður fyrir japönsk og íslensk fyrirtæki sem eru í viðskiptum við hitt ríkið eða vilja styrkja sinn rekstur og auka fjölbreytileika innan fyrirtækisins.
Mest lesið Sekta Árvakur um 1,5 milljónir króna vegna fjölda dulinna auglýsinga Neytendur Svona getur þú sagt Nei í vinnunni án þess að fá samviskubit Atvinnulíf Apple biðst afsökunar á auglýsingu fyrir nýjan iPad Viðskipti erlent „Í dag fæ ég næstum því bara hrós við matarborðið“ Atvinnulíf Áhorf á Eurovision hríðfellur Viðskipti innlent Hver verður Iðnaðarmaður ársins 2024 - kosning Samstarf Einstakt tækifæri til að sjá einn merkasta sportbíl sögunna - Porsche 911 Dakar Samstarf Rannsaka hvort Tesla hafi blekkt neytendur og fjárfesta Viðskipti erlent Taka bóluefni AstraZeneca úr sölu vegna dvínandi eftirspurnar Viðskipti erlent Að endurskapa ásýndina á að vera skemmtileg vinna en ekki kvöð Atvinnulíf Fleiri fréttir MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Hagnaðist um tæpa ellefu milljarða þrátt slæman búskap Miklar verðbólguvæntingar halda vöxtunum uppi Gera þrjátíu til fjörutíu kaupsamninga á hverjum degi Áhorf á Eurovision hríðfellur Aukið atvinnuleysi Kynning á yfirlýsingu peningastefnunefndar Seðlabankinn heldur stýrivöxtunum óbreyttum Ráðin aðstoðarforstjóri og fjármálastjóri Sidekick Kaupa Íslensk verðbréf Rekstrarafkoma Sýnar ekki ásættanleg Einar hættir með Grillbúðina Hætta skerðingum til stórnotenda Davíð Tómas ráðinn framkvæmdastjóri Farþegum fjölgaði og sætanýting um 85 prósent Ráðin forstöðumaður hjá OK Snýr aftur til Snjallgagna Ballið búið fyrir fullt og allt á B5 Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Sjá meira