Golf

Valdís Þóra lauk leik á níu höggum yfir pari

Ingvi Þór Sæmundsson skrifar
Valdís Þóra hefur nú keppt á tveimur mótum á Evrópumótaröðinni í golfi.
Valdís Þóra hefur nú keppt á tveimur mótum á Evrópumótaröðinni í golfi. Mynd/LET/Tristan Jones

Valdís Þóra Jónsdóttir lék fjórða og síðasta hringinn á Lalla Meryem mótinu í golfi í Marokkó á fimm höggum yfir pari. Mótið er hluti af Evrópumótaröðinni í golfi.

Valdís Þóra lauk því leik á samtals níu höggum yfir pari. Hún fékk einn fugl, fjóra skolla, einn tvöfaldan skolla og 12 pör á hringnum í dag.

Valdís Þóra er sem stendur í 51. sæti en aðeins nokkrir kylfingar eru búnir að klára hringinn.

Valdís Þóra komst í gegnum niðurskurðinn og var í 26.-35. sæti eftir þriðja hringinn. Hún náði sér hins vegar ekki jafn vel á strik í dag.

Þetta var annað mót Valdísar Þóru á Evrópumótaröðinni í ár en hún endaði í 51. sæti á Oates Victorian-mótinu í Ástralíu.


Tengdar fréttir

Valdís Þóra lék á einu yfir pari í dag

Valdís Þóra Jónsdóttir lék þriðja hringinn á Lalla Meryem mótinu í golfi sem fer fram í Marokkó á einu höggi yfir pari. Mótið er hluti af Evrópumótaröðinni í golfi.

Valdís Þóra komst í gegnum niðurskurðinn

Valdís Þóra Jónsdóttir komst í gegnum niðurskurðinn á Lalla Meryem mótinu í golfi sem fer fram í Marokkó. Mótið er hluti af Evrópumótaröðinni í golfi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira