Sýruárás á skemmtistað í London

Minnst tólf eru slasaðir eftir það sem talið er vera sýruárás á skemmtistaðnum Mangle í austurhluta London í nótt. 600 manns voru á Mangle þegar árásin átti sér stað.

10 voru sendir á sjúkrahús og tveir til viðbótar leituðu aðstoðar á bráðarmóttöku. Enginn er þó í lífshættu, samkvæmt frétt BBC.

„Einu upplýsingarnar sem við höfum eru að óþekktu eyðandi efni var kastað inni á staðnum,“ segir talsmaður slökkviliðsins í London.

„Samkvæmt bráðabrigðarprufu er um sterka sýru að ræða.“

Enginn hefur verið handtekinn vegna málsins.