Enski boltinn

Gylfi ekki bara efstur á Englandi heldur í öllum bestu deildunum Evrópu

Óskar Ófeigur Jónsson skrifar
Gylfi Þór Sigurðsson, Neymar og Toni Kroos.
Gylfi Þór Sigurðsson, Neymar og Toni Kroos. Vísir/Samsett/Getty

Íslenski landsliðsmaðurinn Gylfi Þór Sigurðsson hefur gefið ellefu stoðsendingar í ensku úrvalsdeildinni á þessu tímabili og því hefur enginn annar náð í deildinni.

Gylfi hefur hinsvegar ekki aðeins gert betur en allir í ensku úrvalsdeildinni heldur er hann einnig einn í efsta sætinu yfir flestar stoðsendingar í fimm bestu deildum Evrópu.

Nú er landsleikjafrí í deildunum og því verður Gylfi í efsta sætinu næstu tvær vikurnar. Vonandi tekst honum líka að bæta við stoðsendingarnar enda þarf Swansea-liðið á því að halda í fallbaráttunni í ensku úrvalsdeildinni.

Fimm bestu deildir Evrópu eru enska úrvalsdeildin, spænska deildin, þýska deildin, ítalska deildin og franska deildin.

Meðal þeirra sem eru næstir á eftir okkar menni eru þeir Neymar hjá Barcelona og Toni Kroos hjá Real Madrid sem eru efstir á Spáni með tíu stoðsendingar hvor.

Gylfi Þór hefur náð þessum ellefu stoðsendingum í 28 leikjum en hann hefur einnig skorað átta mörk sjálfur. Neymar hefur einnig skorað átta mörk fyrir Barcelona og hefur okkar maður því átt með beinum hætti þátt í fleiri mörkum en Brasilíumaðurinn.

Gylfi náði ekki að senda stoðsendingu um síðustu helgi en hafði fyrir leikinn á móti gefið stoðsendingu í fjórum leikjum í röð og fimm af síðustu sex leikjum.

Gylfi hefur gefið stoðsendingarnar sínar ellefu í ellefu mismunandi leikjum en hann hefur aldrei náð að gefa fleiri en eina stoðsendingu í leik. Hann hefur aftur á móti komið að fleiri en einu marki í leik og með þá að skora líka sjálfur.


Flestar stoðsendingar í fimm bestu deildum Evrópu:
1. Gylfi Þór Sigurðsson, Swansea (England) 11
2. Neymar, Barcelona (Spánn) 10
2. Toni Kroos, Real Madrid (Spánn)  10
2. Emil Forsberg, Leipzig (Þýskaland) 10
2. Thomas Müller, Bayern München (Þýskaland) 10
2. Christian Eriksen, Tottenham (England) 10
2. Kevin De Bruyne, Manchester City (England) 10
8. José Callejón, Napoli (Ítalía) 9
8. Alexis Sánchez, Arsenal (England) 9
8. Luis Suárez, Barcelona (Spánn) 9
8. Pablo Piatti, Espanyol (Spánn) 9
8. Thomas Müller, Bayern München (Þýskaland) 10
8. Ousmane Dembélé, Borussia Dortmund (Þýskaland) 9
8. Jean Michael Seri, Nice (Frakkland) 9





Flestar stoðsendingar í ensku úrvalsdeildinni:
1. Gylfi Þór Sigurðsson, Swansea 11
2. Christian Eriksen, Tottenham 10
2. Kevin De Bruyne, Manchester City 10
4. Alexis Sánchez, Arsenal 9
5. Matt Phillips, West Bromwich Albion 8    

Flestar stoðsendingar í spænsku deildinni:
1. Neymar, Barcelona 10
1. Toni Kroos, Real Madrid 10
3. Luis Suárez, Barcelona    9
3. Pablo Piatti, Espanyol    9
5. Antoine Griezmann, Atletico Madrid 7
5. Jonathan Viera, Las Palmas 7
5. Lionel Messi, Barcelona 7
5. Marcelo, Real Madrid 7

Flestar stoðsendingar í þýsku deildinni:
1. Emil Forsberg, Leipzig 10
1. Thomas Müller, Bayern München 10
3. Ousmane Dembélé, Borussia Dortmund 9
4. Andrej Kramaric,Hoffenheim 7
4. Franck Ribéry, Bayern München 7
4. Kerem Demirbay, Hoffenheim 7
4. Naby Keita,  Leipzig 7
4. Vincenzo Grifo, Freiburg 7

Flestar stoðsendingar í ítölsku deildinni:
1. José Callejón, Napoli 9
2. Adem Ljajic, Torino 8
2. Antonio Candreva, Inter 8         
2. Felipe Anderson, Lazio 8
2. Marek Hamsik, Napoli 8
2. Mauro Icardi, Inter 8
2. Valter Birsa, Chievo 8

Flestar stoðsendingar í frönsku deildinni:
1. Jean Michael Seri, Nice 9
2. Bernardo Silva, Mónakó 7
3. Fernando Marçal, Guingamp 7
4. Morgan Sanson, Montpellier 7
5. Ryad Boudebouz, Montpellier 7
6. Thomas Mangani, Angers 7   


Tengdar fréttir

Annað tilboð í Gylfa í bígerð?

Íslenski landsliðsmaðurinn Gylfi Þór Sigurðsson er enn á ný orðaður við Everton í enskum fjölmiðlum og það fer ekkert á milli mála að hann er í framtíðarplönum knattspyrnustjórana Ronald Koeman.

Gylfi Þór: Eltu draum þinn

Þegar Gylfi Þór Sigurðsson var tólf ára fór hann enskuskóla því hann ætlaði sér alltaf að verða atvinnumaður í ensku úrvalsdeildinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.