Viðskipti innlent

Grænar tölur á fyrsta haftalausa deginum

Haraldur Guðmundsson skrifar
Stefán Sigurðsson, forstjóri Vodafone, undirritaði samning um kaup á 365 miðlum.
Stefán Sigurðsson, forstjóri Vodafone, undirritaði samning um kaup á 365 miðlum. Vísir/GVA

Fjarskipti, móðurfélag Vodafone á Íslandi, var hástökkvari gærdagsins í Kauphöll Íslands þegar bréf félagsins hækkuðu um 5,5 prósent. Velta með bréf fjarskiptafélagsins nam þá 398 milljónum króna en það tilkynnti rétt fyrir opnun markaða í gær um samkomulag um kaup á rekstri 365 miðla að Fréttablaðinu og Glamour undanskildum.

Bréf verslunarfyrirtækisins Haga hækkuðu um 3,6 prósent og tryggingafélagið Sjóvá fór upp um 3,3 prósent. Þar á eftir komu bréf TM sem hækkuðu um 2,8 prósent og Skeljungs um 2,6 prósent. Nýherji var eina félagið á Aðalmarkaði Kauphallarinnar sem lækkaði í verði í gær og fór það niður um 0,7 prósent í einungis 89 milljóna króna viðskiptum. Úrvalsvísitala Kauphallarinnar hækkaði um 1,39 prósent.

Sérfræðingar á hlutabréfamarkaði sem Markaðurinn ræddi við segja ljóst að fjárfestar séu jákvæðir gagnvart ákvörðun stjórnvalda um losun gjaldeyrishafta hér á landi. Einnig að fjárfestar bíði í eftirvæntingu eftir niðurstöðu peningastefnunefndar Seðlabankans sem mun í dag greina frá stýrivaxtaákvörðun sinni. Hafa greiningaraðilar spáð óbreyttum vöxtum eða að þeir lækki um 0,25 prósentustig.

Fréttin birtist fyrst í Markaðnum, fylgiriti Fréttablaðsins um viðskipti og efnahagsmál. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HAGA
1,22
8
242.526
ICEAIR
0,66
11
85.648
MARL
0,29
12
438.347
ORIGO
0
1
497
TM
0
1
1.000

Mesta lækkun dagsins


Félag
Br.%
Fjöldi
Velta*
REGINN
-1,52
8
78.711
EIK
-1,42
5
129.885
REITIR
-1,11
8
236.805
SIMINN
-0,95
10
162.353
N1
-0,82
5
133.850