Við spennum bogann svolítið hátt og látum illa Gunnþóra Gunnarsdóttir skrifar 16. mars 2017 09:45 "Verkið er dálítil mósaík, kannski meira í ætt við ljóð en beinan söguþráð,“ segir Rúnar sem er bæði leikari í Endastöð-upphaf og leikstjóri. Vísir/Snorri Gunnarsson Í sýningunni er mikið að gerast og margt sem kemur á óvart. Þar er brugðið á leik og boðið til uppskeruhátíðar og veislu,“ segir Rúnar Guðbrandsson, leikari og leikstjóri, um sýninguna Endastöð-upphaf sem frumsýnd verður í Tjarnarbíói í kvöld, 16. mars, klukkan 20.30. Rúnar segir um frumsköpun að ræða sem hafi verið í gerjun á þessu 25 ára afmælisári sviðslistahópsins Loka. Auk hans verði þau Árni Pétur Guðjónsson, Aðalbjörg Árnadóttir og Kjartan Darri Kristjánsson á sviðinu. Verkið fjallar um upphafið, ástina og dauðann að sögn Rúnars. „En það er svolítið skrítið í laginu því ekki er um hefðbundið leikrit að ræða heldur vinnustofuferli. Í kvöld er fólki leyft að sjá hvernig verkefnið stendur núna,“ tekur hann fram.“ Rúnar segir þá æskuvinina hann og Árna Pétur Guðjónsson aðallega hafa látið boltann rúlla. „Leikur okkar hefur borist víða, við vorum meðal annars með uppákomur á Tenerife, bæði á víðavangi og á myndböndum,“ upplýsir hann. „Litið er til fortíðar því að hluta til fjöllum við um okkar samskipti og samstarf gegnum tíðina en setjum hlutina í vítt samhengi, notum senur úr heimsbókmenntunum og blöndu af tónlist og dansi. Heimurinn sem við sköpum er bæði himnaríki og helvíti,“ segir Rúnar og ítrekar að margs konar listform komi við sögu, hreyfilist, myndlist, orðlist, hljóðverk og leiklist. „Sýningunni lýkur ekki, hún kemur til með að þróast áfram og lifa áfram í ýmsum myndum, jafnvel í myndlistargalleríum, kvikmyndahúsum og víðar. Þar er verið að kveðja ýmislegt og segja skilið við margt til þess að halda áfram,“ útskýrir hann. Leiksýningin er samt ansi mögnuð, að sögn leikstjórans. „Við bregðum okkur í allra kvikinda líki, það eru sóttir textar víða að og sketsar úr leikverkum, til þess þó að segja ákveðna sögu,“ segir Rúnar og heldur áfram: „Frásögnin er lík ljóði því hún er opin til túlkunar. Þetta er mósaíkverk, mikið ferðalag og margs konar stemning. Við spennum bogann svolítið hátt og leyfum okkur að láta illa því alltaf er gaman í Ólátagarði.“ Greinin birtist fyrst í Fréttablaðinu 16. mars 2017 Menning Mest lesið Jón og Hafdís festu kaup á einbýli með bátaskýli Lífið Þessi lönd gáfu Íslandi stigin þrjú Lífið Þessi skipuðu íslensku dómnefndina í Eurovision Lífið Þátttaka Ísraela hafi skemmt mikið Lífið Hellti sér yfir EBU að lokinni keppni Lífið „Það var algjört kossaflens í gangi í Breiðholtinu“ Lífið Stjörnulífið: „Mér fannst mæðradagurinn alltaf triggerandi“ Lífið Ráðist á Steve Buscemi og hann fluttur á sjúkrahús Lífið „Veistu það Frosti, ég get ekki tekið þetta viðtal“ Lífið Kristrún ekki lengur á meðal ungs jafnaðarfólks Lífið Fleiri fréttir Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Í sýningunni er mikið að gerast og margt sem kemur á óvart. Þar er brugðið á leik og boðið til uppskeruhátíðar og veislu,“ segir Rúnar Guðbrandsson, leikari og leikstjóri, um sýninguna Endastöð-upphaf sem frumsýnd verður í Tjarnarbíói í kvöld, 16. mars, klukkan 20.30. Rúnar segir um frumsköpun að ræða sem hafi verið í gerjun á þessu 25 ára afmælisári sviðslistahópsins Loka. Auk hans verði þau Árni Pétur Guðjónsson, Aðalbjörg Árnadóttir og Kjartan Darri Kristjánsson á sviðinu. Verkið fjallar um upphafið, ástina og dauðann að sögn Rúnars. „En það er svolítið skrítið í laginu því ekki er um hefðbundið leikrit að ræða heldur vinnustofuferli. Í kvöld er fólki leyft að sjá hvernig verkefnið stendur núna,“ tekur hann fram.“ Rúnar segir þá æskuvinina hann og Árna Pétur Guðjónsson aðallega hafa látið boltann rúlla. „Leikur okkar hefur borist víða, við vorum meðal annars með uppákomur á Tenerife, bæði á víðavangi og á myndböndum,“ upplýsir hann. „Litið er til fortíðar því að hluta til fjöllum við um okkar samskipti og samstarf gegnum tíðina en setjum hlutina í vítt samhengi, notum senur úr heimsbókmenntunum og blöndu af tónlist og dansi. Heimurinn sem við sköpum er bæði himnaríki og helvíti,“ segir Rúnar og ítrekar að margs konar listform komi við sögu, hreyfilist, myndlist, orðlist, hljóðverk og leiklist. „Sýningunni lýkur ekki, hún kemur til með að þróast áfram og lifa áfram í ýmsum myndum, jafnvel í myndlistargalleríum, kvikmyndahúsum og víðar. Þar er verið að kveðja ýmislegt og segja skilið við margt til þess að halda áfram,“ útskýrir hann. Leiksýningin er samt ansi mögnuð, að sögn leikstjórans. „Við bregðum okkur í allra kvikinda líki, það eru sóttir textar víða að og sketsar úr leikverkum, til þess þó að segja ákveðna sögu,“ segir Rúnar og heldur áfram: „Frásögnin er lík ljóði því hún er opin til túlkunar. Þetta er mósaíkverk, mikið ferðalag og margs konar stemning. Við spennum bogann svolítið hátt og leyfum okkur að láta illa því alltaf er gaman í Ólátagarði.“ Greinin birtist fyrst í Fréttablaðinu 16. mars 2017
Menning Mest lesið Jón og Hafdís festu kaup á einbýli með bátaskýli Lífið Þessi lönd gáfu Íslandi stigin þrjú Lífið Þessi skipuðu íslensku dómnefndina í Eurovision Lífið Þátttaka Ísraela hafi skemmt mikið Lífið Hellti sér yfir EBU að lokinni keppni Lífið „Það var algjört kossaflens í gangi í Breiðholtinu“ Lífið Stjörnulífið: „Mér fannst mæðradagurinn alltaf triggerandi“ Lífið Ráðist á Steve Buscemi og hann fluttur á sjúkrahús Lífið „Veistu það Frosti, ég get ekki tekið þetta viðtal“ Lífið Kristrún ekki lengur á meðal ungs jafnaðarfólks Lífið Fleiri fréttir Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira