Erlent

Bitinn af krókódíl eftir að hafa verið manaður til að stinga sér til sunds

Oddur Ævar Gunnarsson skrifar
Myndin tengist fréttinni ekki beint.
Myndin tengist fréttinni ekki beint. Vísir/AFP

Ástralskur táningsdrengur gengst nú undir aðgerð á handlegg, eftir að hann var bitinn af krókódíl þar sem hann var í nætursundi, í norðurhluta Queensland fylkis í Ástralíu. Guardian greinir frá.

Um er að ræða 18 ára gamlan pilt að nafni Lee de Paauw og stakk hann sér til sunds í Johnstone ánni rétt fyrir klukkan hálf þrjú, aðfaranótt sunnudags.

Fregnir herma að félagar piltsins hafi skorað á hann að stinga sér til sunds í ánni, sem svo að sama skapi urðu að koma honum til bjargar þegar krókódíllinn náði taki á handlegg hans.

Ekki sást til krókódílsins en þykir ljóst á áverkum á piltinum að um slíka skepnu hafi verið um að ræða, þótt einnig teljist líklegt að sérstök tegund ferskvatnshákarls hafi ráðist á hann.

Læknar reyna nú að bjarga handlegg piltsins, sem var illa farinn og er fjölskylda hans fegin að hann hafi sloppið lifandi frá atvikinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira