Körfubolti

Tvö naum töp á þremur dögum hjá Jakobi og félögum

Óskar Ófeigur Jónsson skrifar
Jakob Örn Sigurðarson í leik með Borås.
Jakob Örn Sigurðarson í leik með Borås. mynd/borås basket

Jakob Sigurðarson snéri aftur í lið Borås Basket eftir eins leiks fjarveru vegna meiðsla en hann og félagar hans voru nálægt sigri á útivelli á móti liðinu í öðru sæti sænsku úrvalsdeildarinnar í körfubolta.

Borås Basket tapaði þá 75-70 á móti Norrköping Dolphins en mikil spenna var í lokin þegar leikmenn Borås voru nálægt því að vinna upp forskotið.

Jakob Sigurðarson var með 14 stig, 5 fráköst og 2 stoðsendingar í leiknum. Hann skilaði 18 framlagsstigum og framlagshæstur í liðinu ásamt Christian Maråker.

Jakob hitti vel en 4 af 7 skotum hans rötuðu rétta leið. Jakob skoraði 3 af stigum sínum í blálokin en liðsmenn Norrköping Dolphins hittu vel úr vítum og lönduðu sigrinum.

Þetta var annað nauma tap Borås Basket á aðeins þremur dögum en liðið tapaði með þremur stigum á móti Södertälje Kings á þriðjudagskvöldið. Þar var liðið hinsvegar án Jakobs og saknaði hans mikið.

Borås Basket er áfram í sjötta sæti deildarinnar en hefur aðeins unnið þrjá af síðustu tíi leikjum sínum.




Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira