Körfubolti

Harden öflugur í sigri Houston | Myndbönd

Ingvi Þór Sæmundsson skrifar
Harden hefur verið einn besti leikmaður NBA-deildarinnar í vetur.
Harden hefur verið einn besti leikmaður NBA-deildarinnar í vetur. vísir/getty

Átta leikir fóru fram í NBA-deildinni í körfubolta í nótt.

James Harden skoraði 33 stig, tók sjö fráköst og gaf 11 stoðsendingar þegar Houston Rockets vann 123-108 sigur á Memphis Grizzlies.

Houston er í 3. sæti Vesturdeildarinnar en Memphis í því sjötta.

San Antonio Spurs bar sigurorð af Minnesota Timberwolves á heimavelli, 97-90. Þetta var sjöundi sigur San Antonio í röð.

Kawhi Leonard var atkvæðamestur í liði San Antonio en hann skoraði 34 stig, tók 10 fráköst, gaf fimm stoðsendingar og stal sex boltum. LaMarcus Aldridge kom næstur með 18 stig og 10 fráköst.

Los Angeles Clippers vann 10 stiga útisigur, 91-101, á Chicago Bulls.

Jamal Crawford var með 25 stig í liði Clippers sem er í 5. sæti Vesturdeildarinnar.

Úrslitin í nótt:
Houston 123-108 Memphis
San Antonio 97-90 Minnesota
Chicago 91-101 LA Clippers
Philadelphia 106-136 Detroit
Milwaukee 101-94 Toronto
Miami 120-92 Cleveland
Denver 102-112 Charlotte
Portland 130-116 Brooklyn

NBA



Fleiri fréttir

Sjá meira