Körfubolti

Bogut fótbrotnaði í fyrsta leik

Henry Birgir Gunnarsson skrifar
Bogut liggur hér meiddur á vellinum í nótt. Blessaður kallinn.
Bogut liggur hér meiddur á vellinum í nótt. Blessaður kallinn. vísir/getty

Andrew Bogut hóf feril sinn með Cleveland Cavaliers í nótt og það endaði ekki vel því hann fótbrotnaði í tapi gegn Miami.

Það sem meira er þá var Bogut ekki búinn að ná einni mínútu á gólfinu er hann brotnaði. LeBron James skoraði 30 stig fyrir Cleveland og tók 17 fráköst. Hann vissi strax hvað hafði gerst.

„Er hann lenti í árekstrinum heyrði ég fótinn brotna,“ sagði James.

Steph Curry og Klay Thompson voru óvenju rólegir í liði Golden State sem vann Atlanta í nótt.

Curry skoraði 24 stig og Thompson 13. Andre Iguodala kom af bekknum og skoraði 24 stig. Bekkur Warriors skoraði 55 stig gegn 37 hinum megin og það reið baggamuninn.

Úrslit:

Philadelphia-Milwaukee  98-112
Orlando-NY Knicks  105-113
Cleveland-Miami  98-106
Atlanta-Golden State  111-119
Detroit-Chicago  109-95
Memphis-Brooklyn  109-122
Charlotte-Indiana  100-88
San Antonio-Houston  112-110
Denver-Sacramento  108-96
Utah-New Orleans  88-83
LA Clippers-Boston  116-102

Staðan í NBA-deildinni.

NBA


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira