Körfubolti

Daníel Guðni: Mér líður ömurlega

Eiríkur Stefán Ásgeirsson skrifar
Daníel Guðni Guðmundsson vonast til að verða áfram þjálfari Njarðvíkur.
Daníel Guðni Guðmundsson vonast til að verða áfram þjálfari Njarðvíkur. vísir/vilhelm

Daníel Guðni Guðmundsson, þjálfari Njarðvíkur, hefur áhuga á að halda áfram með liðið á næstu leiktíð. Þetta sagði hann eftir tapið gegn Þór Þorlákshöfn í kvöld.

Njarðvík missir af sinni fyrstu úrslitakeppni í efstu deild karla síðan 1993 og segir þjálfarinn að það sé verulega sárt.

„Mér líður ömurlega. Þetta er það erfiðasta sem hægt er að lenda í á körfuboltaferlinum. Við vissum að þetta yrði erfiður slagur en samt er maður orðlaus. Þetta er afar sárt.“

Daníel Guðni segir að leikmannamál hafi verið að þvælast fyrir liðinu í upphafi tímabilsins. „Það voru hrókeringar í upphafi árs sem voru erfiðar. Þetta hefði verið allt annað ef maður hefði haft þetta lið sem spilaði í kvöld frá upphafi leiktíðar.“

Hann segir óljóst hvað taki við hjá honum en hann myndi sjálfur kjósa að vera áfram með Njarðvíkurliðið.

„Ég vona það. Það á eftir að halda aðalfund í deildinni og kjósa nýja stjórn. Þetta er ekki eitthvað sem ég ræð sjálfur. En þetta er lið sem á framtíðina fyrir sér og það er óskandi að það haldist saman á næstu árum.“

Nánari umfjöllun um leikinn má finna hér fyrir neðan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira