Sport

Lá við stórslysi þegar myndavél flæktist í flugvél

Eiríkur Stefán Ásgeirsson skrifar
Frá flugsýningunni í dag.
Frá flugsýningunni í dag. Vísir/AFP

Litlu mátti muna að stórslys hefði verið þegar myndavél flæktist í flugvél á heimsmeistaramótinu í alpagreinum sem nú fer fram í St. Moritz í Sviss.

Svissneskar herþotur voru með flugsýningu á milli fyrri og seinni umferðar í stórsvigi karla nú í hádeginu. Ein flugvélin krækti í myndavélakapal með þeim afleiðingum að myndavélin þeyttist úr 20 metra hæð niður á jörðina.

Hún lenti í endamarkinu, skammt frá áhorfendum, sem var þó mannlaust á þeim tíma. Enginn slasaðist, hvorki áhorfendur né flugmaðurinn sjálfur. Það hefði þó getað farið illa ef að myndavélan hefði lent í hópi áhorfenda eða keppenda, eða þá að flugvélin sjálf hefði misst flugið vegna þessa.

Fresta þurfti síðari ferðinni vegna þessa, að minnsta kosti um hálftíma, þar sem að lyftan sem færir keppendur efst í fjallið stöðvaðist um skamman tíma vegna óhappsins.

Hér fyrir neðan má sjá upptöku af þessu frá ORF, austurríska ríkissjónvarpinu.



Fleiri fréttir

Sjá meira