Sport

Gunnar heldur áfram að klífa listann hjá UFC

Henry Birgir Gunnarsson skrifar
Gunnar á vigtinni fyrir sinn síðasta bardaga.
Gunnar á vigtinni fyrir sinn síðasta bardaga. vísir/getty

Þó svo Gunnar Nelson hafi ekki barist síðan í maí á síðasta ári þá heldur hann áfram för sinni upp styrkleikalista UFC.

Gunnar er nú kominn í níunda sætið á listanum yfir bestu veltivigtarkappanna en það er hans hæsta staða á listanum frá upphafi.

Í mars á síðasta ári féll Gunnar af lista UFC en komst aftur inn og fór upp í tólfta sæti er hann hafði klárað Albert Tumenov með stæl í maí síðastliðnum.

Það er hans síðasti bardagi í UFC. Gunnar hafði á þeim tíma hæst komist í ellefta sæti á listanum. Án þess að berjast hefur Gunnar aftur á móti skriðið upp um þrjú sæti og í níunda sætið.

Ástæðan fyrir þessu er að flestir í kringum hann hafa verið að berjast og margir fallið niður listann. Þeir sem setja saman listann sjá ekki ástæðu til þess að hreyfa mikið við Gunnari á meðan hann berst ekki og hann hefur grætt á töpum annarra.

Jorge Masvidal hoppar upp um heil sjö sæti á nýja listanum eftir að hafa klárað Donald Cerrone með stæl um síðustu helgi. Cerrone er nú í áttunda sæti eða sætinu fyrir ofan Gunnar.

Enn er óljóst hvenær Gunnar stígur næst inn í búrið hjá UFC.




Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira