Alicia Keys með íslenska slæðu Elín Albertsdóttir skrifar 15. desember 2016 10:00 Ingibjörg Gréta Gísladóttir framleiðir fallegar silkislæður með mynstrum frá íslenskum listamönnum. MYND/VILHELM Ingibjörg Gréta Gísladóttir leikkona fer ekki troðnar slóðir í lífinu. Hún ákvað að snúa baki við leiklistinni og hefja framleiðslu á silkislæðum. Meðal þeirra sem skarta slæðum eru Alicia Keys og Kardashian-systur. Ingibjörg Gréta framleiðir ekki eingöngu slæður undir merkinu Saga Kakala því hún rekur viðburðafyrirtækið rigga.is og elskar að koma fyrirtækjum, verkefnum og viðburðum á flug, eins og hún orðar það. Ingibjörg Gréta fór í viðskiptafræði eftir leiklistarnám, hélt síðan áfram námi og sérhæfði sig í nýsköpun og frumkvöðlafræði. Hún starfaði í Hugmyndahúsi háskólanna um tíma en þar tengdu HR og Listaháskóli Íslands hönnun, vísindi og viðskipti saman. „Upp úr þessu starfi spratt áhugi minn á listsköpun og viðskiptum. Ég framleiði silkislæður, rek fyrirtækið rigga.is og er með netverslunina Reykjavik Runway,“ segir Ingibjörg þegar hún lýsir því hvernig áhuginn kviknaði á hönnun og markaðssetningu. „Ég nálgast öll verkefni með „Design Thinking“ að leiðarljósi og ósk mín er að nýta þekkingu mína og sérsvið fyrir íslenska hönnuði á erlendum markaði,“ bætir hún við.Nú er undirbúningi jólaviðburða lokið hjá Ingibjörgu þótt hún fylgi verkefnum allt til loka og undirbúningur verkefna næsta árs hafinn. Hún er með stóra viðburði í janúar, leikritið Andaðu, sem sett verður upp í Iðnó og ráðstefnu á Markþjálfunardeginum. Ingibjörg fær listamenn til að hanna munstur silkislæðanna og vinnur náið með þeim. „Þetta byrjaði allt fyrir fjórum árum. Ég var í samvinnu við Helgu Björnsson fatahönnuð og fór upp frá því að vinna með slæður. Núna hef ég gert þrjár línur með mismunandi hönnuðum. Ætli þetta sé ekki mín listræna útrás,“ segir Ingibjörg. „Að vera í hugmyndaflæði með listamönnum í hönnunarvinnunni gefur mér óskaplega mikið. Ferlið er svo skemmtilegt,“ segir hún. „Í nýjustu línunni, sem nefnist Gyðjur, er það Katrín Ólína Pétursdóttir sem hannaði mynstrið. Ég er einstaklega heppin og þakklát þessum hönnuðum fyrir að hafa trú á mér.“Ingibjörg Gréta hefur verið að markaðssetja Saga Kakala slæðurnar í Bandaríkjunum og hefur fengið afar góð viðbrögð, þar á meðal frá söngkonunni Aliciu Keys sem hefur skartað þeim meðal annars í þættinum The Voice. „Þegar ég setti „veiðarfærin“ fyrst út í Bandaríkjunum fékk ég hringingu frá miklum reynslubolta í tískuheiminum sem óskaði eftir samstarfi við mig. Það var stórt tækifæri fyrir mig og lærdómur að þurfa að setjast niður og hugsa hvernig ég vildi markaðssetja vöruna. Ég valdi Alicu Keys úr hópi áhrifavalda og bauð henni slæður enda er hún ótrúlega flottur listamaður. Alicia varð mjög hrifin og það var mér hvatning. Hún hefur sett myndir af Saga Kakala slæðum á Snapchat og Instagram. Alicia er baráttukona sem eftir er tekið og það er mikils virði að fá hana til að bera slæðurnar,“ segir Ingibjörg. „Þótt ég sé að markaðssetja vöruna í Bandaríkjunum legg ég ekkert síður mikla rækt við heimamarkað. Það koma einungis fimmtán slæður á íslenska markaðinn með eins mynstri þannig að hver slæða er einstök,“ segir Ingibjörg Gréta. Hún ætlar ekki að láta staðar numið því núna er hún að þróa og hanna silkikjóla, með íslenskum fatahönnuði, og töskur. „Ég reikna með að sýna nýjar vörur á Hönnunarmars 2017. Við eigum mikla fjársjóði í íslenskum hönnuðum. Við leggjum mikla áherslu á gæði og að hver kona sem ber Saga Kakala slæðu sé með eitthvað alveg spes.“ Tíska og hönnun Mest lesið Af vængjum fram: „Ég ætla ekkert að fara að gráta hérna“ Lífið Fréttatía vikunnar: Forsetakosningar, sjóslys og mýflugnafaraldur Lífið Öll með aðstöðu til að fagna sigri með stuðningsmönnum Lífið Hönnunarhús Markúsar Mána og Kristínar til sölu Lífið Heitustu trendin fyrir sumarið 2024 Lífið Setja upp söngleiki, leikrit og tónleika í Háskólabíó í sumar Lífið „Fengum ekki sjokk, en við fengum sjokk að hann væri með hjartagalla“ Lífið Hafa ekki sést saman í sjö vikur Lífið Andri og Erla selja í Seljunum Lífið „Blessunarlega ekkert stoppaður af foreldrum mínum“ Tíska og hönnun Fleiri fréttir „Blessunarlega ekkert stoppaður af foreldrum mínum“ Alltaf með jager skot í töskunni Fá í fyrsta sinn að klæðast strigaskóm „Þegar manni líður vel í eigin skinni skín það í gegn“ „Stútfull og við það að springa en hefur aldrei klikkað“ 23 ára og með sína eigin förðunarlínu Laufey skein skært á Met Gala Best klæddu stjörnurnar á Met Gala „Elska hraðann, pressuna og stressið“ Fataherbergið seldi henni íbúðina strax Alltaf með naglaþjöl en gleymir stundum lyklunum Innsýn í fatahönnun framtíðarinnar Lófaklapp og litagleði á tískusýningu útskriftarnema Strangheiðarleg dreifbýlistútta og lopapeysan í uppáhaldi „Elska að hafa skipulagt kaos“ „Spyr mig oft hvort öll þessi vinna sé þess virði“ Listræn súkkulaðiupplifun og girnilegt smakk Menningarlífið iðar og HönnunarMars hefst á morgun Hefur hannað fyrir Miley Cyrus og Erykah Badu Íslensk skartgripahönnun á besta stað í New York Starfaði fyrir pólska herinn og sýnir nú skartgripi á Garðatorgi Kemur beint frá París með vistvæna tískustrauma „Frá naglalakki hjá ömmu í iðnaðarmann í skítugum fötum“ Myndavél frá afa algjör fjársjóður „Það mikilvægasta er að vera trúr sjálfum sér“ Munnskolið mikilvægt í förðunarstarfinu „Sjálfstraustið er besti fylgihluturinn“ Sjá meira
Ingibjörg Gréta Gísladóttir leikkona fer ekki troðnar slóðir í lífinu. Hún ákvað að snúa baki við leiklistinni og hefja framleiðslu á silkislæðum. Meðal þeirra sem skarta slæðum eru Alicia Keys og Kardashian-systur. Ingibjörg Gréta framleiðir ekki eingöngu slæður undir merkinu Saga Kakala því hún rekur viðburðafyrirtækið rigga.is og elskar að koma fyrirtækjum, verkefnum og viðburðum á flug, eins og hún orðar það. Ingibjörg Gréta fór í viðskiptafræði eftir leiklistarnám, hélt síðan áfram námi og sérhæfði sig í nýsköpun og frumkvöðlafræði. Hún starfaði í Hugmyndahúsi háskólanna um tíma en þar tengdu HR og Listaháskóli Íslands hönnun, vísindi og viðskipti saman. „Upp úr þessu starfi spratt áhugi minn á listsköpun og viðskiptum. Ég framleiði silkislæður, rek fyrirtækið rigga.is og er með netverslunina Reykjavik Runway,“ segir Ingibjörg þegar hún lýsir því hvernig áhuginn kviknaði á hönnun og markaðssetningu. „Ég nálgast öll verkefni með „Design Thinking“ að leiðarljósi og ósk mín er að nýta þekkingu mína og sérsvið fyrir íslenska hönnuði á erlendum markaði,“ bætir hún við.Nú er undirbúningi jólaviðburða lokið hjá Ingibjörgu þótt hún fylgi verkefnum allt til loka og undirbúningur verkefna næsta árs hafinn. Hún er með stóra viðburði í janúar, leikritið Andaðu, sem sett verður upp í Iðnó og ráðstefnu á Markþjálfunardeginum. Ingibjörg fær listamenn til að hanna munstur silkislæðanna og vinnur náið með þeim. „Þetta byrjaði allt fyrir fjórum árum. Ég var í samvinnu við Helgu Björnsson fatahönnuð og fór upp frá því að vinna með slæður. Núna hef ég gert þrjár línur með mismunandi hönnuðum. Ætli þetta sé ekki mín listræna útrás,“ segir Ingibjörg. „Að vera í hugmyndaflæði með listamönnum í hönnunarvinnunni gefur mér óskaplega mikið. Ferlið er svo skemmtilegt,“ segir hún. „Í nýjustu línunni, sem nefnist Gyðjur, er það Katrín Ólína Pétursdóttir sem hannaði mynstrið. Ég er einstaklega heppin og þakklát þessum hönnuðum fyrir að hafa trú á mér.“Ingibjörg Gréta hefur verið að markaðssetja Saga Kakala slæðurnar í Bandaríkjunum og hefur fengið afar góð viðbrögð, þar á meðal frá söngkonunni Aliciu Keys sem hefur skartað þeim meðal annars í þættinum The Voice. „Þegar ég setti „veiðarfærin“ fyrst út í Bandaríkjunum fékk ég hringingu frá miklum reynslubolta í tískuheiminum sem óskaði eftir samstarfi við mig. Það var stórt tækifæri fyrir mig og lærdómur að þurfa að setjast niður og hugsa hvernig ég vildi markaðssetja vöruna. Ég valdi Alicu Keys úr hópi áhrifavalda og bauð henni slæður enda er hún ótrúlega flottur listamaður. Alicia varð mjög hrifin og það var mér hvatning. Hún hefur sett myndir af Saga Kakala slæðum á Snapchat og Instagram. Alicia er baráttukona sem eftir er tekið og það er mikils virði að fá hana til að bera slæðurnar,“ segir Ingibjörg. „Þótt ég sé að markaðssetja vöruna í Bandaríkjunum legg ég ekkert síður mikla rækt við heimamarkað. Það koma einungis fimmtán slæður á íslenska markaðinn með eins mynstri þannig að hver slæða er einstök,“ segir Ingibjörg Gréta. Hún ætlar ekki að láta staðar numið því núna er hún að þróa og hanna silkikjóla, með íslenskum fatahönnuði, og töskur. „Ég reikna með að sýna nýjar vörur á Hönnunarmars 2017. Við eigum mikla fjársjóði í íslenskum hönnuðum. Við leggjum mikla áherslu á gæði og að hver kona sem ber Saga Kakala slæðu sé með eitthvað alveg spes.“
Tíska og hönnun Mest lesið Af vængjum fram: „Ég ætla ekkert að fara að gráta hérna“ Lífið Fréttatía vikunnar: Forsetakosningar, sjóslys og mýflugnafaraldur Lífið Öll með aðstöðu til að fagna sigri með stuðningsmönnum Lífið Hönnunarhús Markúsar Mána og Kristínar til sölu Lífið Heitustu trendin fyrir sumarið 2024 Lífið Setja upp söngleiki, leikrit og tónleika í Háskólabíó í sumar Lífið „Fengum ekki sjokk, en við fengum sjokk að hann væri með hjartagalla“ Lífið Hafa ekki sést saman í sjö vikur Lífið Andri og Erla selja í Seljunum Lífið „Blessunarlega ekkert stoppaður af foreldrum mínum“ Tíska og hönnun Fleiri fréttir „Blessunarlega ekkert stoppaður af foreldrum mínum“ Alltaf með jager skot í töskunni Fá í fyrsta sinn að klæðast strigaskóm „Þegar manni líður vel í eigin skinni skín það í gegn“ „Stútfull og við það að springa en hefur aldrei klikkað“ 23 ára og með sína eigin förðunarlínu Laufey skein skært á Met Gala Best klæddu stjörnurnar á Met Gala „Elska hraðann, pressuna og stressið“ Fataherbergið seldi henni íbúðina strax Alltaf með naglaþjöl en gleymir stundum lyklunum Innsýn í fatahönnun framtíðarinnar Lófaklapp og litagleði á tískusýningu útskriftarnema Strangheiðarleg dreifbýlistútta og lopapeysan í uppáhaldi „Elska að hafa skipulagt kaos“ „Spyr mig oft hvort öll þessi vinna sé þess virði“ Listræn súkkulaðiupplifun og girnilegt smakk Menningarlífið iðar og HönnunarMars hefst á morgun Hefur hannað fyrir Miley Cyrus og Erykah Badu Íslensk skartgripahönnun á besta stað í New York Starfaði fyrir pólska herinn og sýnir nú skartgripi á Garðatorgi Kemur beint frá París með vistvæna tískustrauma „Frá naglalakki hjá ömmu í iðnaðarmann í skítugum fötum“ Myndavél frá afa algjör fjársjóður „Það mikilvægasta er að vera trúr sjálfum sér“ Munnskolið mikilvægt í förðunarstarfinu „Sjálfstraustið er besti fylgihluturinn“ Sjá meira