Brjóstakrabbamein í körlum Jóhannes V. Reynisson skrifar 15. desember 2016 10:09 Heilbrigðisþjónustan á að vera fyrir alla og vera gjaldfrjáls. En hún er kostnaðarsöm. Getum við bætt heilsu okkarhvers og eins, heilbrigðisþjónustuna, og dregið úr kostnaði heilbrigðiskerfisins um leið? Svarið er já! Hvernig förum við að? Við þurfum að finna og komast fyrir sjúkdóma áður en þeir verða að alvarlegum veikindum. Til þess þurfum við virka heilsugæslu sem kallar okkur reglulega í skoðun. Grunnurinn er fólginn í rannsóknum, rannsóknum og aftur rannsóknum. Við leggjum ekki vegspotta án þes að kanna ofan í kjölinn landið framundan, veður og vinda, umhverfisáhrif, fornleifar og ótrúlega margt annað. Við leitum að hagkvæmustu og greiðfærustu leiðinni og reynum að hafa sem minnst áhrif á umhverfið. Við þurfum að hugsa heilbrigðiskerfið með sama hætti. Og bretta upp ermar.Ný kynslóð Hundruð Íslendinga falla í valinn á hverju ári vegna algengra krabbameina, til dæmis í brjóstum, ristli, lungum og endaþarmi og sortuæxlum. Gleymum ekki öllum þeim sem ná að sigrast á slíkum meinum. Og heldur ekki þeim gríðarlega líkamlega og andlega sársauka sem svona veikindi valda fólki og fjölskyldum þeirra. Ný kynslóð grunnrannsóknartækja getur greint þessi krabbamein sem áður voru nefnd mun fyrr en núna er mögulegt. Blái naglinn vill stíga mikilvæg skref í áttina til fyrirbyggjandi heilbrigðisþjónustu með því að leggja til þrjú ný tæki í þessu skyni. Kostnaður við kaup á tækjunum nemur 73 milljónum króna. Enn vantar 55 milljónir upp á. Vonandi munu fyrirtæki og einstaklingar leggja framtakinu lið.Sjúkratryggingar Íslands með í liðið Verkefnin eru fleiri. Fjögur þúsund Íslendingar hafa árlega fengið í fimmtugsafmælisgjöf frá Bláa naglanum heimapróf til að skima fyrir vísbendingum um ristilkrabba. Samhliða því hafa ristilspeglanir þrefaldast á fáum árum og eru nú um tíu þúsund á hverju ári. En hvað verður um þá mikilvægu þekkingu sem verður til við þessar speglarnir? Er hún að rykfalla í tölvum hér og þar um bæinn? Við þurfum að nýta þessa þekkingu, fylgja þessum rannsóknum eftir. Mikilvægur liður í því er að koma á fót gæðaskráningarkerfi fyrir ristilspeglanir. Í þessum efnum skiptir miklu máli að Sjúkratryggingar Íslands taki þátt í gerð gæðaskráningakerfisins sem mun verða til þess að bæta lífslíkur eða jafnvel fyrirbyggja alvarleg veikindi fjölda Íslendinga. Blái naglinn hefur óskað eftir því að Sjúkratryggingar leggi til fjármagn til verkefnisins næstu þrjú árin. Við erum að tala um brotabrot af útgjöldum Sjúkratrygginga Íslands, en samfélagslegur ávinningur margfaldur. Fjárfestingin mun sömuleiðis nýtast öðrum stofnunum á borð við Krabbameinsskrá, Landlækni og fleiri.Stærðin skiptir ekki máli Á hverjum áratug deyja hundruð kvenna úr brjóstakrabbameini, og það kann að koma á óvart, upp undir tíu karlmenn líka. Karlmenn fá nefnilega líka brjóstakrabbamein. Við leggjum mikið á okkur til þess að finna brjóstakrabbamein. Enn sem komið er virðast aðferðirnar aðeins bjóða upp á að koma auga á meinið þegar það er komið í brjóstið. Við þurfum að geta gripið inn fyrr. Þetta er stórkostlegt hagsmunamál kvenna, en ekki síður karla. Þetta er hvorki spurning um kyn eða skálastærð. Orsökin er í erfðavísum og þar þurfum við að leggja í grunnrannsóknir. Þær munu ekki aðeins skipta máli fyrir brjóstakrabbamein, heldur öll önnur krabbamein.Rannsóknir eru framtíðin Heilbrigðiskerfi framtíðarinnar mun standa á traustum grunni rannsóknarstofunnar.Á komandi ári mun Blái naglinn standa fyrir stofnun samfélagssjóðs til stuðnings rannsóknum á krabbameini. Sjóðurinn verður formlega stofnaður 27. mars 2017. Leitað verður eftir framlögum frá einstaklingum og fyrirtækjum í þessu skyni. Öll framlög til rannsóknarsjóðsins munu renna óskipt til rannsókna, en Blái naglinn hyggst standa undir öðrum kostnaði við rekstur.Tökum höndum saman Þunginn í heilbrigðiskerfinu þarf að færast frá spítalanum og inn á heilsugæsluna. Innviðirnir eru fyrir hendi, en forsendurnar fyrir heilbrigðiskerfi framtíðarinnar eru tvær. Við þurfum rannsóknir, rannsóknir og aftur rannsóknir. Þannig munum við öðlast betri skilning á sjúkdómum og geta komið í veg fyrir þá áður en við verðum veik. Hin forsendan er reglubundin athugun á heilsunni; bætt vitund okkar hvers og eins fyrir eigin heilsu. Þetta er lykilinn að heilsuhraustu samfélagi. Lykillinn að blómlegri framtíð. Viltu birta grein á Vísi? Sendu okkur póst. Senda grein Tengdar fréttir Heilsugæslan á Mars Það er ekkert langt í að fólk geti ferðast til reikistjörnunnar Mars. Og hver veit nema að mannkynið muni setjast þar að í náinni framtíð. En hvað ætla Marsbúar að gera í heilbrigðismálum? Verður ekki að byrja á því að reisa hátæknisjúkrahús um leið og aðra innviði? Svarið er nei. Á Mars verður heilsugæsla. 13. desember 2016 07:00 Mest lesið Ljúgandi málpípa sjálfstæðisflokksins Tómas Kristjánsson Skoðun Hættur kynhlutleysisins Eiríkur Rögnvaldsson Skoðun Hvers eiga Vestfirðingar að gjalda? Ingólfur Ásgeirsson Skoðun Mikilvægi kínverskra ferðamanna fyrir Ísland og áhrif beins flugs frá Kína Guðmundur Franklín Jónsson Skoðun Reykjavíkurborg stuðlar ekki að sérstöðu eins fyrirtækis á BSÍ Björn Ragnarsson Skoðun Samfylkingin – Með og á móti Helgi Brynjarsson Skoðun Sex liða áætlun til að koma á jafnvægi í húsnæðismálunum. Gunnar Einarsson Skoðun Nemendalýðræði á brauðfótum Ragnar Þór Pétursson Skoðun Þannig gæti Alþingi sameinast um orkumál Gunnhildur Fríða Hallgrímsdóttir Skoðun Núll prósent skynsemi Lára G. Sigurðardóttir Skoðun Skoðun Skoðun Hin hljóða millistétt Bjarki Ómarsson skrifar Skoðun Af hverju er verðlag hér tvöfalt hærra en í Evrópu? Ole Anton Bieltvedt skrifar Skoðun Þegar hríðinni slotar Ásta F. Flosadóttir skrifar Skoðun Nemendalýðræði á brauðfótum Ragnar Þór Pétursson skrifar Skoðun Mikilvægi kínverskra ferðamanna fyrir Ísland og áhrif beins flugs frá Kína Guðmundur Franklín Jónsson skrifar Skoðun Hvers eiga Vestfirðingar að gjalda? Ingólfur Ásgeirsson skrifar Skoðun Þannig gæti Alþingi sameinast um orkumál Gunnhildur Fríða Hallgrímsdóttir skrifar Skoðun Samfylkingin – Með og á móti Helgi Brynjarsson skrifar Skoðun Reykjavíkurborg stuðlar ekki að sérstöðu eins fyrirtækis á BSÍ Björn Ragnarsson skrifar Skoðun Sex liða áætlun til að koma á jafnvægi í húsnæðismálunum. Gunnar Einarsson skrifar Skoðun Ljúgandi málpípa sjálfstæðisflokksins Tómas Kristjánsson skrifar Skoðun Hættur kynhlutleysisins Eiríkur Rögnvaldsson skrifar Skoðun Ólögleg áfengissala Ari Jónsson skrifar Skoðun Áhugaverðar ákvarðanir Sigurður Ingi Friðleifsson skrifar Skoðun Gerræði ráðherranna Ólafur Stephensen skrifar Skoðun Með lygina að vopni Páll Hermannsson skrifar Skoðun Leyfið til að drepa langreyði - óforsvaranleg ákvörðun Micah Garen skrifar Skoðun Núll prósent skynsemi Lára G. Sigurðardóttir skrifar Skoðun UNICEF skóli Laugardals við Kirkjuteig Tryggvi Scehving Thorsteinsson skrifar Skoðun Leggðu rafskútunni vel í Kópavogi Bergur Þorri Benjamínsson skrifar Skoðun Fjórar brýnar ástæður til að hætta viðskiptum við Rapyd Björn B. Björnsson skrifar Skoðun Ekkert bús í búðir! Jódís Skúladóttir skrifar Skoðun Fiskeldi og Vestfirðir Runólfur Ágústsson skrifar Skoðun Tvö hundruð milljarða afsláttur VG Inga Lind Karlsdóttir skrifar Skoðun Bætt þjónusta og minni kostnaður, er hægt að biðja um það betra? Hrefna Eyþórsdóttir skrifar Skoðun Fyrirsjáanleiki til framtíðar Guðrún Halla Finnsdóttir,Valur Ægisson skrifar Skoðun Láglaunaþrælar, Samsæriskenning Guðmunda G. G. skrifar Skoðun Húmor í kennslu: Við hlustum, skiljum og munum betur Sveinn Waage skrifar Skoðun Vika einmanaleikans Jóhanna Stefáns Bjarkardóttir skrifar Skoðun Vald og þátttaka eða valdtaka? Halldóra Lillý Jóhannsdóttir skrifar Sjá meira
Heilbrigðisþjónustan á að vera fyrir alla og vera gjaldfrjáls. En hún er kostnaðarsöm. Getum við bætt heilsu okkarhvers og eins, heilbrigðisþjónustuna, og dregið úr kostnaði heilbrigðiskerfisins um leið? Svarið er já! Hvernig förum við að? Við þurfum að finna og komast fyrir sjúkdóma áður en þeir verða að alvarlegum veikindum. Til þess þurfum við virka heilsugæslu sem kallar okkur reglulega í skoðun. Grunnurinn er fólginn í rannsóknum, rannsóknum og aftur rannsóknum. Við leggjum ekki vegspotta án þes að kanna ofan í kjölinn landið framundan, veður og vinda, umhverfisáhrif, fornleifar og ótrúlega margt annað. Við leitum að hagkvæmustu og greiðfærustu leiðinni og reynum að hafa sem minnst áhrif á umhverfið. Við þurfum að hugsa heilbrigðiskerfið með sama hætti. Og bretta upp ermar.Ný kynslóð Hundruð Íslendinga falla í valinn á hverju ári vegna algengra krabbameina, til dæmis í brjóstum, ristli, lungum og endaþarmi og sortuæxlum. Gleymum ekki öllum þeim sem ná að sigrast á slíkum meinum. Og heldur ekki þeim gríðarlega líkamlega og andlega sársauka sem svona veikindi valda fólki og fjölskyldum þeirra. Ný kynslóð grunnrannsóknartækja getur greint þessi krabbamein sem áður voru nefnd mun fyrr en núna er mögulegt. Blái naglinn vill stíga mikilvæg skref í áttina til fyrirbyggjandi heilbrigðisþjónustu með því að leggja til þrjú ný tæki í þessu skyni. Kostnaður við kaup á tækjunum nemur 73 milljónum króna. Enn vantar 55 milljónir upp á. Vonandi munu fyrirtæki og einstaklingar leggja framtakinu lið.Sjúkratryggingar Íslands með í liðið Verkefnin eru fleiri. Fjögur þúsund Íslendingar hafa árlega fengið í fimmtugsafmælisgjöf frá Bláa naglanum heimapróf til að skima fyrir vísbendingum um ristilkrabba. Samhliða því hafa ristilspeglanir þrefaldast á fáum árum og eru nú um tíu þúsund á hverju ári. En hvað verður um þá mikilvægu þekkingu sem verður til við þessar speglarnir? Er hún að rykfalla í tölvum hér og þar um bæinn? Við þurfum að nýta þessa þekkingu, fylgja þessum rannsóknum eftir. Mikilvægur liður í því er að koma á fót gæðaskráningarkerfi fyrir ristilspeglanir. Í þessum efnum skiptir miklu máli að Sjúkratryggingar Íslands taki þátt í gerð gæðaskráningakerfisins sem mun verða til þess að bæta lífslíkur eða jafnvel fyrirbyggja alvarleg veikindi fjölda Íslendinga. Blái naglinn hefur óskað eftir því að Sjúkratryggingar leggi til fjármagn til verkefnisins næstu þrjú árin. Við erum að tala um brotabrot af útgjöldum Sjúkratrygginga Íslands, en samfélagslegur ávinningur margfaldur. Fjárfestingin mun sömuleiðis nýtast öðrum stofnunum á borð við Krabbameinsskrá, Landlækni og fleiri.Stærðin skiptir ekki máli Á hverjum áratug deyja hundruð kvenna úr brjóstakrabbameini, og það kann að koma á óvart, upp undir tíu karlmenn líka. Karlmenn fá nefnilega líka brjóstakrabbamein. Við leggjum mikið á okkur til þess að finna brjóstakrabbamein. Enn sem komið er virðast aðferðirnar aðeins bjóða upp á að koma auga á meinið þegar það er komið í brjóstið. Við þurfum að geta gripið inn fyrr. Þetta er stórkostlegt hagsmunamál kvenna, en ekki síður karla. Þetta er hvorki spurning um kyn eða skálastærð. Orsökin er í erfðavísum og þar þurfum við að leggja í grunnrannsóknir. Þær munu ekki aðeins skipta máli fyrir brjóstakrabbamein, heldur öll önnur krabbamein.Rannsóknir eru framtíðin Heilbrigðiskerfi framtíðarinnar mun standa á traustum grunni rannsóknarstofunnar.Á komandi ári mun Blái naglinn standa fyrir stofnun samfélagssjóðs til stuðnings rannsóknum á krabbameini. Sjóðurinn verður formlega stofnaður 27. mars 2017. Leitað verður eftir framlögum frá einstaklingum og fyrirtækjum í þessu skyni. Öll framlög til rannsóknarsjóðsins munu renna óskipt til rannsókna, en Blái naglinn hyggst standa undir öðrum kostnaði við rekstur.Tökum höndum saman Þunginn í heilbrigðiskerfinu þarf að færast frá spítalanum og inn á heilsugæsluna. Innviðirnir eru fyrir hendi, en forsendurnar fyrir heilbrigðiskerfi framtíðarinnar eru tvær. Við þurfum rannsóknir, rannsóknir og aftur rannsóknir. Þannig munum við öðlast betri skilning á sjúkdómum og geta komið í veg fyrir þá áður en við verðum veik. Hin forsendan er reglubundin athugun á heilsunni; bætt vitund okkar hvers og eins fyrir eigin heilsu. Þetta er lykilinn að heilsuhraustu samfélagi. Lykillinn að blómlegri framtíð.
Heilsugæslan á Mars Það er ekkert langt í að fólk geti ferðast til reikistjörnunnar Mars. Og hver veit nema að mannkynið muni setjast þar að í náinni framtíð. En hvað ætla Marsbúar að gera í heilbrigðismálum? Verður ekki að byrja á því að reisa hátæknisjúkrahús um leið og aðra innviði? Svarið er nei. Á Mars verður heilsugæsla. 13. desember 2016 07:00
Mikilvægi kínverskra ferðamanna fyrir Ísland og áhrif beins flugs frá Kína Guðmundur Franklín Jónsson Skoðun
Skoðun Mikilvægi kínverskra ferðamanna fyrir Ísland og áhrif beins flugs frá Kína Guðmundur Franklín Jónsson skrifar
Mikilvægi kínverskra ferðamanna fyrir Ísland og áhrif beins flugs frá Kína Guðmundur Franklín Jónsson Skoðun